نعيش في عصر سريع، سريع لدرجة مسارك المختلف بالحياة كأنه خطأ، كأنه خطأ يا تخبيه أو تسكت عنه وفي الحالتين الإحباط هو الشعور الناتج عن هذا كله، بالعشرينيات تمر من جنبك فرص كثير وبالثلاثينيات تقتنع بأنها ما كانت لك حتى تصل الثلاثينيات، وما بين هذا وذاك هنا أنا رهف أشارك تذكيرات بسيطة مو بالضرورة تصل إلى عمر محدد عشان تستوعبها

طبيعي الخوف من كونك تعيش حياة من دون معنى يشبهك، وطبيعي تعيش هالجوع للفرص، الجوع اللي يخليك تنسى بأنك ماراح تأخذها كل مرة مو قلة في قيمتك وهنا في نقطة مهمة قيمتك في الحقيقة كروح مكرمة ومالها علاقه بالفرص و الإنجازات و الخ

هي مرة تصيب ومرة تخيب، وفي المرات اللي تخيب فيها تمسك في ثلاث حقائق، ركز على أن تتعلم أكثر دائمًا، في معلومات معرفتها تحسن من وضعك وش وكيف ما كان، لا تفقد إيمانك، الإيمان يساعدك تقف على أرض صلبة معنويًا بحيث القلق والخوف من المستقبل حتى ولو يمرون مرور العابرين، لا يعيشون في ذهنك، تذكر عدم عبثية كل شيء حتى وإن بدأ لك العكس، تواجدك على هذه الأرض ماهو عبثي، لك رزقك

و أعرف، أعرف أن في أشخاص يعتقدون أن هالكلام يعني لا تسعى ولا تحاول وتمسك في شعارات إيجابية وهمية! وهو العكس اسعى وحاول وتأكد بأنه كل فرصة ما اكتملت كان في وراها خير، مع سعيك بتكتشف أنك بكل مرة تتطور وتتعلم قصص وتفاصيل ما كانت بالحسبان

الخوف، الخوف يهيئ للإنسان رمادية لم تقع بعد ويحطه في قالب محدود، محدود في الحاضر والمستقبل، في حين أن الإنسان بطبيعته عنده القدرة والقابلية للتحسن والتطور طوال الوقت، هالشعور في الحقيقة يحتاج وضوح

الإنسان يحتاج في هالمرحلة يتعلم يتحمل المسافة بين السعي والنتيجة، ما بين محاولاته وتجلي النتائج، هذي المسافة اللي ما تقدر تسوي فيها شيء كثير غير أنك تكمل، تتعلم، تدعي، تجرب، وتنتظر، بدون ما تعاقب نفسك وتجلدها كل يوم لأنك للحين ما وصلت

فلان اللي عنده هالحضور, تلقائيًا عنده انتباه واسع , يلاحظ هذا وهذا وهذا , وش يحب ووش يكره وكيف يتفاعل و كيف ما يتفاعل وهالشيء؟ يسويه بثواني معدودة و نتكلم بلا شك هنا عن سرعة البديهة اللي لها تأثير اساسي في الملاحظة و الانتباه , فلان بلا شك يكون العطاء سمة بارزه في شخصيته , لذلك هو محبوب الجماهير وش ما كان نوع هذا العطاء وكيف ما كان تأثيره هو دليل ملموس على ان كل عطاء له ثمن , له تاثير و هذا كله يبان في انعكاس تعاملات الناس

أنا رهف و راح أشارك أفكار تسهم لك في التعامل مع الشعور بالضياع والتشتت ومن دون فلسفة زائدة، قبول أن هالفترة هي جزء من تشكيل رؤية جديدة لحياتك وللحياة بالمطلق، ماهو إلا جزء أساسي من كونك، تسهل على نفسك أصلًا التعامل معاها قد مر عليك حال ثابت بهالحياة؟ الإجابة لا ,الحالة العميقة من مواجهة ومراجعة الذات ماهي إلا انعكاس للنضج، التغيير، فلترة الرؤى والمفاهيم، حتى في رؤيتك لنفسك ومفهومك للفترات الجاية والأهداف الجاية ولأن؟ مافي شيء مثالي، طوال الوقت في هذا التساؤل:

هل أنا على الطريق الصح؟ برحلة مراجعة الذات هذي، هالشعور بالضياع طبيعي لأنك خارج منطقة الراحة المعتادة! خارج المفاهيم المعتادة عن نفسك، عن الحياة، عن الجاي، عن حتى تجارب سابقة تذكيرًا بحقيقة واحدة: مافي حال ثابت بهالحياة، صحيح؟

على قد ما إنه بديهية من بديهيات الحياة، إلا أن معظمنا لما تشتد عليه الظروف ويعيش هالحالة الحقيقية من الشعور بالضياع والتشتت ينسى يتمسك في أبسط الحقائق وأكثر قربًا من الواقع، وأنا دائمًا أقول: استذكار البديهيات واجب ما دام فقدان أجزاء من مفهومك لنفسك وللحياة جزء من رحلتك الحالية

بالنهاية إحنا بشر، ومثل ما عندنا قابلية للتأثير بكل شيء حولنا، فإحنا كذلك نتأثر من كل شيء مافي حال ثابت، ولو تتذكر قبل سنة؟ كيف كنت؟

وش القصص اللي كانت تشكل تحدي بالنسبة لك؟بتكتشف إنك قطعت شوط طويل، وخرجت من قصص توقعت إنها راح ترافقك لوقت طويل، هذا حال الإنسان، إن الإنسان خلق هلوعًا

وش أكثر معرفة تلمسك؟ وش أكثر معرفة ودروس بهالحياة يسهم لك ومن خلاله؟ أنت تتعلم وش يعني طرق مختصرة، وش يعني طرق تشبهك؟ ووش يعني العكس تمامًا؟ بالضبط، من هذي الفترات اللي تتعلم فيها، تجرب وتغلط، تحس بالضياع فتروح تسوي بحث عن هالفترة، تسأل شخص مختص، أو حتى؟ تكتب لنفسك هالمذكرات اللي فيها زبدة كل شيء تعلمته ,هذي الفترة من مراجعة الذات والاستكشاف لها جانب ثاني! جانب؟ يحس الإنسان فيه بأنه ضايع، وفي الحقيقة؟ هو قاعد يستكشف طريق جديد عشان من الآخر، مو كلنا نمشي على نفس الطريق، ولا كلنا متوجهين لنفس الأهداف! فطبيعي تتفاوت تعاريفنا عن كل شيء بالنسبة للي حولنا، وطبيعي هالشيء يولد تشتت أو شعور مؤقت بالضياع. لذا، أنا هنا أشير إلى الزاوية الثانية من اللي تشوفه ضياع ختامًا، طوال الوقت ذكر نفسك بأن معية الله تحاوطك في كل الاحتمالات، في الفترات اللي ما تمتلك فيها أي إجابات، والفترات اللي تمتلك فيها كل الإجابات. ما بين تغيير الأحوال والظروف والأهداف وحتى وعيك بمكانتك الحقيقية وقيمتك الحقيقية، وسط هذا كله معية الله تحاوطك، وهذه أعمق طمأنينة

حلم يغطي فيه كل جروح الماضي،
وحلم يعوض فيه كل الأيام اللي، حقيقةً، كانت رمادية بغض النظر عن تفاصيلها وكيفيتها بهالحياة دائمًا نملك خيار السعي والمحاولات، حتى المحاولات اللي مالها نتائج سريعة، لكن بنفس الوقت وبمنتصف كل هالمحاولات نتساءل عن نهاية هذا كله، معقولة الحلم بيوم من الأيام يصير واقع؟

الله أكبر من المنطق،
وأكبر من الخوف،
وأكبر من القلة،
وأكبر من
ظروف عشتها شكلت عندك هالقلق من تفاصيل مفصلية في حياتك هالفكرة تمسك فيها؛ لأنها تذكرك طوال الوقت بأنه، وفي الحقيقة، كل شيء ممكن،
وبالأدق، في أي وقت لما نتكلم عن الأحلام والطموحات والرغبات، يصاحب هذا كله خوف عميق يرتبط في: ماذا لو؟

ماذا لو كان هالحلم ما هو إلا وهم؟

لكنني أقول لك، حتى لو كان وهم، وحتى لو كانت كل محاولاتك من دون نتائج تشبه توقعاتك، دائمًا في طرق جديدة تظهر، وأحلام جديدة، ببساطة لأن تصورك تجاه هالحياة يتغير من فترة للثانية،
وحتى فهمك لنفسك قبل كل شيء احمِ نفسك من خوف فقدان حلم،
لأن وحتى لو صار هالفقد، بهالحياة تجربتك أعمق من أن تحصرها بقصة واحدة،
لأنك جزء من كل شيء ساعات يتهيأ للإنسان بأنه منسي
وش اللي يمر فيه وكيف يمر فيه، محد يشوف هذه التفاصيل وصعوبتها إلا هو، وحتى لو شرح، مين بيفهم؟ أي، تمر أيام مثل كذا ساعات يتهيأ للإنسان أن القصص اللي يعيشها ما لها نهاية ولا لها حد، زخم من المشاعر المرتبط في الضياع أو اللامفهومية يقف عند حقيقة واحدة: رحمة الله تحيطك بكل الأحوال، سواء في أحوال عادية أو غير عادية سواء استشعرت بأنك متأخر،
أو أن الفشل حولك مثل ظل خفي،
أو أن كل شيء وصلت له في حياتك
مو مثل توقعاتك ، لا تتخلى عن بناء معاني و احلام تشبهك بوسط هذا كله تأكد، وجودك على هذه الأرض ما هو لغرض عشوائي، لا أنت زيادة عدد، ولا أنت تحصيل حاصل، أنت روح مكرمة من رب العالمين وكل شيء تمر فيه الآن، خير لك

ختامًا، وإذا لمستك المعاني اللي سردتها، تأكد أن في ما هو أعمق وأكثر تشعبًا في الكتيبات اللي أطرحها بمواضيع مختلفة والخدمات الكتابية وفرص التعاون المقدمة هنا:

شيء اكبر من قدرتنا على تسديده ، ما بين محاولات تغيير اللي حوّلنا و ما بين التأثر الحقيقي من تفاعلات اللي حولنا سواء من كوننا بساعات غير مفهمومين لهم او حتى غير واثقين في قيمتنا عندهم ، نفقد حقيقة ثابته لها علاقة في التالي ، قدرتك على التحكم محدودة وربط راحة بالك و استقرارك النفسي بالتحكم و السيطرة على قصص خارج سيطرتك مهما كان ماهو إلا ضرب من الجنون ، لذا أصرت على تكرار التالي

إذا أرادوا أن يبتعدوا، دعهم إذا لم يختاروك، دعهم إذا أساؤوا فهمك، دعهم إذا لم يروا قيمتك، دعهم

في الحقيقة ، في راحة بال تصاحب تطبيق هالنظرية لها علاقة في انك تخلصت من كل هالحمل و الزوائد اللي لها علاقة في سعي مباشر او غير مباشر للإرضاء ، مرات على حساب نفسك ووقتك دعهم، ما تعني لا تواجه، ولا تعني لا تعبر عن نفسك،ولا تعني تتقبل كل شيء بصمت و سكون ولكنها ببساطة تعرف متى تنتهي مسؤوليتك وتبدأ مسؤولية غيرك ، متى توقف تحط كل حمل على نفسك ؟ لأن فيه فرق بين شخص يحاول مرة بعد مرة من باب النضج، وشخص يحاول للأبد لأنه يخاف أن يشعر بأنه غير كافي ، بنفس الدوامة، نفس الدائرة

المشكلة مو بالمحاولة، المشكلة لما تتحول المحاولة إلى طريقة تستجدي فيها قبول الآخرين و حبهم أو تثبت لنفسك أنك تستحق أن تُختار أكثر ما يجعل “دعهم” مريحة

أنها تعيد صياغه و تعريف الخسارة ، لأننا كثير نعتقد أن خسارة العلاقة، أو الفرصة، أو الشخص هي الخسارة الحقيقية بينما أحيانًا الخسارة بدأت قبل ذلك بكثير يوم خسرت هدوءك، ويوم استنزفت وقتك، ويوم ربطت قيمتك بنتيجة لا تملكها أصلًا ثم

الحياة ما تطلب منك تلاحق كل باب يُغلق، ولا كل شخص يبتعد، ولا كل فرصة تتأخر تطلب منك فقط أن تعرف وين ينتهي

دورك لأن فيه فرق كبير بين أن تتمسك بشيء لأنه يستحق، وبين أن تتمسك به لأنك تخاف من معنى فقدانه بالنهاية “دعهم” أكثر من مجرد نظريه هي تذكير يومي على ان تقبل مو كل ما يغادر حياتك مقدرًا له أن يبقى، مو كل ما بقي كان يحتاج منك أن تصارع

ختامًا

وإذا لمستك المعاني اللي سردتها، تأكد أن في ما هو أعمق وأكثر تشعبًا في الكتيبات اللي أطرحها بمواضيع مختلفة والخدمات الكتابية وفرص التعاون المقدمة هنا:

يقطع هذا كله صوت:
السؤال الثالث، ولو بسأل عن خبراتك؟

أجاوب: في الحقيقة ليس الكثير، فأنا تطوعت في جمعية للرفق بالحيوانات في قسم خدمة العملاء، وأيضًا أنشأت متجر كتب وبدأت—

يقطع صوت هذا كله:
الو،
إيه إيه دخل الفول عند الباب وبرسل أحد يجيبه.

أنطق: الفول؟

ترد وبنبرة ممدودة تعكس الحيرة في صوتها:
ورقك عندنا، بنشيك ونشوف وش يصير ونتواصل معاك إذا لك مكان أقوم من مكاني، أخرج إلى الممر، أتساءل عن كل شيء،
عن القصص التي لم تكتمل،
عن الرمادية المؤقتة.

أجد نفسي أقف أمام لوحة لونها أزرق:

(إِنَّ هَٰذَا لَرِزْقُنَا مَا لَهُ مِن نَّفَاد)

ولأنها التذكير الإلهي بأن هذه الفرصة وهذا الرزق في الحقيقة ما له حد.

مين فينا ما عاش فترة مليانة تساؤلات عن قصة رزقه ومواعيد رزقه وسعيه في رزقه؟
وكم موقف مر عليك مثل هذا؟ وكم مرة لقيت نفسك في دائرة منت من ضمنها؟

اللي يحرك هو محاولاتك وسعيك الرزق من الله، السعة من الله، ولما تعيش قصص ماهي مفهومة بالنسبة لك،
اسأل الله الخير في ذلك تمر الأيام وعلى الأقل تكون فخور بمحاولاتك وسعيك وش وكيف ما كانت النتائج.
ما فيه نتائج مضمونة، لكن فيه رحمة الله اللي تحاوط سعيك هذا العالم واسع، ومع ذلك، في ما هو
مكتوب لك.

ختامًا،
إذا لمسك هالسرد وهالمعاني الحقيقية،
وإذا حسّيت إن هالكلام يشبهك بطريقة من الطرق،
فكل الكتب اللي أشاركها بمتجر سعة ترتبط بنفس القيمة،
وخدمات كتابية واسعة

ننتظر الوقت المناسب لو نبي نمسك تعريف واحد عن الوقت المناسب في الحقيقة راح نضيع و ندخل في ازدواجية المعايير و اختلافها ، الايام ما تنتظر ، الوقت يمشي بسرعة وهذا ماهو شعار للتخويف لكنها حقيقية نعيش تفاصيلها اليوم الأسبوع يمر سريع ، الشهر كأنه اسبوع وما بين هذا وذاك لحظات لم تعاش بعد الكمالية و المثالية على اختلاف المواقف و اللحظات في الحقيقة مالها وجود مهما حاولنا و التأجيل ممكن يخطف منك لحظات تشبع فيها من الحياة

سواء كانت بسيطة او حتى تشكل فارق كبير في حياتك لو دققت شوي بتلاحظ إنك مو دائمًا تنتظر وقت مناسب لكن الأعمق من هنا ،أحيانًا تنتظر نسخة معينة منك ، النسخة اللي ما عاد تخاف، اللي عندها ثقة أكثر، اللي تعرف كل شيء قبل تبدأ، اللي مستعدة لأي احتمال ، لكن هذي النسخة؟ تجي من بعد القرار ومن بعد التجربة و من بعد السعي ، مو قبله هي نتيجة لهذا كله ، نتيجة لقبول انه مهما كانت النتائج وكيف ما كانت، دائمًا في مجال للتحسن أكبر فخ نعيشه هذا الاعتقاد اللي مرتبط في التالي ، البداية تحتاج شعور معين حماس ، يقين ، استعداد كامل

مع إن الواقع يقول غير كذا تمامًا كم مره بدأت شيء وأنت مو مستعد؟ وبعد كم خطوة صار عندك الاستعداد اللي كنت تنتظره من البداية ، او حتى؟ لما شفت نتائج تقدمك تحمست ؟ تتغيير المشاعر بتغيير الاحداث و الواقع ، لذا مو بالضرورة هي تكون المقياس الأدق ، لكونك تتحرك

الحياة غالبًا ما تتغير بالقرارات الكبيرة ، بقدر ما تتغير بالقرارات الصغيرة والوقت الصحيح في كثير من الأحيان هو أول لحظة قررت فيها توقف عن انتظار الكمالية ، و انتظار الوقت المناسب

ختامًا

وإذا لمستك المعاني اللي سردتها، تأكد أن في ما هو أعمق وأكثر تشعبًا في الكتيبات اللي أطرحها بمواضيع مختلفة، والخدمات الكتابية وفرص التعاون المقدمة هنا:

أنا رهف، وبهالمقال بسرد لك فلسفة “محد درى عنك” دوافعها، وكيف تقلل من تأثيرها على حياتك من منظوري الخاص. وبالمناسبة؟ بكل مقالاتي ما أستعين بالذكاء الاصطناعي ,المشككين، تقدرون تتقبلون حقيقة أني أمارس هالمهارة بحب وشغف؟

نرجع لموضوعنا ,فلسفة “محد درى عنك” مبنية على التقليل من قيمتك، قيمة متلقي هالكلمتين والاستنقاص من قيمة الإنسان، وربط هالقيمة بالقلة حتى بصورة غير مباشرة “محد درى عنك” فلا ينحرق دمك على المباراة الفلانية و”محد درى عنك” فلا تسوي التغيير الفلاني وقائل هالنقطة؟ يقولها من رؤية ضيقة جدًا للحياة، مبنية على أن حياتك، يا عزيزي القارئ، ما هي إلا مسرحية رأي الجمهور فيها أهم من مسار قصتها وفي الحقيقة؟ لا , حياتك ماهي مسرحية , ولا في جمهور

مرّه كان عندي فضول قوي لكتابة مقال محدد ورؤية نتائجه، وكانت الفكرة عاجبتني لأني قررت أحط رياكشن متداول وأشوف ردّة الفعل.لذا وصلتني هالكلمتين من شخص قريب “هدي ترى محد درى عنك” عجيب، صح؟ كيف أن بعض الناس يتكلمون من منظور قليل، منظور فيه حزن… حزن عميق لأن ما وصلتهم ردّة الفعل اللي يطمحون لها بهالحياة فصار التكسير بمجاديف خلق الله وسيلتهم للتعايش ,قائل هالجملة ما يبتعد عن شيئين الأول: أنه بعيد عن الأمل، الأمل الحقيقي اللي يغذي روحك بكل مرة تسوي فيها شيء تحبه

لأنك بهاللحظة تكون في عالمك الخاص، القصة اللي ما يفهمها من يتبنى هذا المفهوم ,والثاني: أنهم طوال الوقت يتغذّون من ردود أفعال اللي حولهم على مسار حياتهم أو اهتماماتهم في حين أنك بهالحياة، عشان توصل لشعور معين أو هدف معين أو تجربة معينة، إذا تعطي أذنك للرايح والجاي، يبعدك هذا عن استخلاص تجربتك الخاصة فأنت تكون داخل التجربة، مستمتع فيها، من دون ما تفكر: هل علان وفلان دروا عني؟

لا، مو هذا المغزى أهدافك، الإصلاح اللي تسويه، الإحسان اللي تقدمه الخير اللي تقدمه مهما كان بسيط هذا هو المغزى، وهذا اللي قيمتك تتأثر منه.

الحقيقة الثابتة أن قيمتك بعمرها ما تستمد من آراء الناس عنك، ولا حتى من أهدافك اللي تحققت أو ما تحققت قيمتك مكرّمة من رب العالمين، وأنت بهالحياة منزّه ومكرّم عن أي تقليل كل ما تصدق هالقيمة، كل ما يقل اهتمامك بهالفلسفة المبنية على أساس سلبي صحيح، أنا دائمًا أقول: نحن مثل ما نؤثر، نتأثر. نتأثر بالناس، وهذا شيء طبيعي. لكن هل بيكون كلام الناس هو المعيار اللي تحدد من خلاله روتين حياتك مثلًا؟ أهدافك الجاية؟

إذا فيه آراء من اللي حولك ممكن تسهم لك، أنت أول من بيتمعن فيها ويقلبها بمخه لأن ببساطة… مين ما يبي يصير أحسن؟

كلنا عندنا هذا الهدف، مهما كان توجه هذا التحسن والحقيقة الثابتة؟ لما تكون بعالمك الخاص وتستمتع بتفاصيل تشبهك، وش ما كانت، آخر معيار هو معرفة الناس عن حالك ووضعك تجربتك بطولها وعرضها، وقصصها العميقة وحتى السطحية، ما هي حصر على تقييم الآخرين هالحياة مليانة تشتت، وكل ما تتعلم عن عالمك الداخلي أكثر، والقصص اللي تخلق لك شعور بالمتعة، فضول للتعلم، وعي أكبر، وتحسن أكثر، كل ما كان تأثرك بمفهوم “محد درى عنك” معدوم قيمتك ما ترتبط في أنهم دروا أو ما دروا عنك قيمتك ترتبط في أنك تعبد الله سبحانه وتعالى، وتتعلّم عن عالمك الخاص، وتستخلص من تجربتك مفاهيم تشبهك ومعاني تلمس روحك. وتجارب؟ حتى غيرك ممكن يأخذ إلهام حقيقي منك

ختامًا ؟ بهالمتجر عندي كتيبات قيمة مبنية على تجارب حقيقة و الهام أصيل , بالإضافة إلى منتجات قيمة اخرى , إذا كان عندك اهتمام بهالجانب , شيّك هنا

و الأعمق من ذلك ، ليش تأثرت هالقد تمر الايام ، تمر الايام و التجارب بحد ذاتها تزيد من عمق معرفتك لذاتك لا انت الخوف و لا انت اليأس ولا انت الانتظار ولا انت شكلك ولا طولك ولا طريقتك بالكلام ولا الحي اللي كبرت فيه كل اللي كان ناقصك ، تجارب تعرف فيها نفسك

انت روح ، روح مكرمة من رب العالمين وهذا التكريم ولا اي ظرف قادر يأخذه منك تصديق تأويل الاخرين في الحقيقة قصة طبيعي تمر فيها في فترة محددة من حياتك و بعمر محدد

هالنوع من الوعي العالي الذاتي ، نكتسبه من خلال التجارب و التعامل مع الاحداث المتوقعة او حتى الغير متوقعة ، تصديق تأويل الآخرين في الحقيقة ، إلا ما يحطك في قالب ماهو لك ببساطة لانها ماهي حقيقتك وحدك تعرف حقيقتك وحدك تقرر وش اللي تصدقه و صدقني ، ايًا كان اللي تصدقه

هو كل شيء تقدر تسيطر عليه وتغذيه من مشاعر و فكر وطاقة بالتالي ، يكون له نتيجة في عالمك على عكس التالي ، إذا كنت للحين تبحث عن نفسك، أي وصف بيكون مغري إنك تصدقه او على الاقل ؟ تفكر في حقيقته مرتين ، وأي مدح بيرفعك أكثر من حجمه وأي ذم بينزلك أكثر من حجمه ليش؟ لانه و بالأصل هذي القيمة ماهي ثابتة ، القيمة الذاتيه ، الوعي الكامل بهويتك عشان كذا؟ يمكن تسمع فلان بيقول عنك أنت بارد ويجي غيره يقول لا أنت حساس اكثر من اللازم ! واحد يشوف تشتت والثاني يشوفك دهاء ، و العجيب ؟ يمكن انت تكون خليط ما بينهم كلهم ، فالإنسان بطبعه النقيض و الوعي بذلك ، نقطه تساعده يفهم نفسه اكثر في عصر ، كل شيء فيه يستدعي التشتت و يستدعي تأجيل التفكير و التأمل و التمعن !

لأن الناس ما تشوف حقيقتك، الناس تشوف الجزء اللي ظهر لها منك، في لحظة معينة، وفي ظرف معين ، وتشوف الجانب اللي يعكس عندها شعور معين ، قصة معينة تكملها

ما بين هذا وذاك ، عادي تكون واعي بحقيقة انك بهالرحلة تتعلم عن نفسك ، تكتشف معاني تشبهك و تتخلى عن أنماط ما تشبهك ، تعيد صياغة قصصك من فترة للثانية ، و تتحرر من شوائب تربطك بمعاني رمادية ،الحقيقة الثابتة هي كل ما كان عندك هذي الحدود في انك توقف اتصالك بالانتهاكات الخارجية و ما تسمح لتأثرك منها بأن يكون شعورك تجاه ذاتك ، كل ما قدرت تحمي نفسك من الانجراف وراء معاني مصاغة من قبل الآخرين ، وهذا بحد ذاته يساعدك تكتشف هالعالم الداخلي اللي تحمله معاك وين ما رحت

ختامًا

إذا لمسك هالسرد و هالمعاني الحقيقية

و إذا حسّيت إن هالكلام يشبهك بطريقة من الطرق

أيام يجهل فيها الاتجاهات اللي تشبهه وأيام يعيد فيها صياغة كل معنى في حياته وكأنه بهالطريقة يحاول يلاقي مبرر ومعنى يشبه جوهره الداخلي

قبل ما أبدأ، في آخر مقال كثير أشخاص زعموا بأن اللي كتبته منقول من الذكاء الاصطناعي، وأنا هنا أقول إني ببساطة ما أستعين بولا شيء! إلا رغبتي في الكتابة فقط ولان هذا مصدر رزقي , فما أقبل التشكيك فيه

لو تبي لون يضاف على حياتك؟ تمعن في التعلم عن جانبك الإبداعي، محد فينا يولد سادة، ولكل شخص فينا إلا ما يكون عنده مهارة، اهتمام، يثري روحه ويذكره بماهيته محد هنا يتكلم عن الإتقان والبراعة والاحترافية بقدر ما نتكلم عن ملجأ نفسي وأداة ببساطة تقدر تعبر فيها عن نفسك، بوقت الطبيعي فيه هو قضاء كل الوقت على السوشل ميديا، كل شيء يستهدف انتباهك، وكل شيء يستهدف تركيزك. وبين هذا وهذا، طبيعي تمر في أيام تتساءل فيها بصدق

أنا وش اللي يشبهني؟

أنا وش اللي يمثلني؟

وما بين عالم الكل يركض فيه تجاه طريق معين أنا وش طريقي؟

لو تبي لون يضاف على حياتك؟ تمعن في القيم اللي تشبهك لأن القيم هي الأساس، واربط هذه القيم في عادات معينة روتينية. مع الوقت بتلاقي نفسك أقل تشتت وأقرب لصورة حقيقية تشبهك

لو تبي لون يضاف على حياتك؟ وقف تتمعن في الماضي من باب جلد الذات، وعادي تتمعن في الماضي من باب الاستفادة من تجاربك. محد فينا بيوم راح يكون يملك كل هالأدوات والمعلومات وغيره وغيره وغيره! مرات؟ إحنا بسبب الخوف نختلق فوضى خفية في حياتنا! الخوف من إنك ما حققت إنجاز معين

الخوف إنك ما استمتعت بحياتك ولا عشتها كما المطلوب

الخوف إنك ما وصلت لهذا وهذا وهذا!

وين الطمأنينة بهالخريطة؟ بينما وفي هذي الرحلة؟ الأرزاق مقسمة! ومكتوبة. محد يختلف على أهمية السعي ولا أحد يتناقش فيه، لكني بعد أذكرك هنا بأن هذه الروح أمانة من رب العالمين، وإنك طوال الوقت عندك الأدوات اللي تقدر من خلالها ترتب فوضى محددة في عالمك. ساعات؟ نشوف ذواتنا من زاوية النقص من باب السعي للكمال، لكن هذا مو إجحاف بحد ذاته؟

لو تبي لون يضاف على حياتك، ركز بكل الأشياء اللي تعطيها قيمة ومعنى، من آراء الناس حولك إلى الأفكار اللي تصول وتجول في بالك قبل النوم. هالحياة ما هي مثالية، ومع ذلك؟ كل جهد حتى لو كان معنوي تبذله بيكون له نتائج بيوم من الأيام

لو تبي لون يضاف على حياتك؟ بطل تقلل من نفسك حتى لو ما كسرت هالوزن المحدد بالتمرين،

وما أتقنت هالمهارة في غضون أسبوعين،

ولا بدعت بالشيء اللي كنت تعتقد إنك مبدع فيه

هالمرونة في تقبل نفسك بكل الأحوال هي الأساس اللي تقدر تبني عليه الكثير

ختامًا؟ إحنا نعيش هالحياة وفي بالنا تصورات عديدة عن اللي بنكونه، ولما ما يصير؟ معظمنا يتواجه مع فوضى داخلية مؤقتة. من عز هذه الفوضى أقولك: ما في حال ثابت، كل شيء قابل للتغيير، لكن الأهم؟ إنك ما تتجرد من إيمانك بذلك، لأن هالإيمان هو كل ما نملكه

ما اقلل هنا من قيمة الإنجازات و أطلق عليها نوع من التقليل

ولكن مشكلتنا، نربط ما بين قيمة الإنسان والإنجازات اللي حققها في حياته، في حين أن الإنسان من الله سبحانه وتعالى قيمته مكرمة، وهذا التكريم لا يرتبط في شروط ولا في قيود محددة، يرتبط بهالروح اللي فيها من نفخ الله عز وجل.

وعشان ننتقل من النسخة التي تخاف من اللامكانة واللاشيء، نحتاج إلى هذا الوعي الذي ينص على الفكر التالي: الإنجازات وتحقيق الأهداف بلا شك مهمة، لكنه ما يلغي حقيقة أنك في الأصل مكرم، وفي الأصل قيمتك محفوظة.

الإنجازات ما ترفع من قيمتك، لأنها تسرد تطورات في رحلتك في هذه الحياة، ما بين الخوف من اللاشيء، والطموح في أن تكون كل شيء.

بالحياة المهنية، والاستقرار المالي، والقبول الاجتماعي، والارتباط العاطفي، وغيره وغيره، يفقد الإنسان قدرته على إدراك أنه، وفي الحقيقة، ما فيه قانون يقول لك بهالعمر من الضرورة تحط صح على هذه الخانة أو صح على هذه الخانة، في الحقيقة هي كلها أرزاق ، محاولاتك لها نتيجة حتى لو اخذت وقت و حتى لو كانت النتائج بطيئة

بتلاحظون

كل ما ركز الإنسان على رحلته بمواقيتها الخاصة، كل ما أدرك، وفي الحقيقة، أنه ما فيه أحد يقدر يأخذ مكانه، هي مثل البصمة، هل فيه أحد بهالعالم يملك مثل بصمتك؟ لا، إذن ما فيه أحد بالعالم ممكن يأخذ مكانك، فرصتك، رزقك، سواء اعتقدت أنك من المتأخرين أو السابقين.

المعايير المشهورة مؤخرًا، لا تخليها تعميك عن حقيقة أنك مسؤول عن السعي، لكنك مو مسؤول عن النتيجة، ولا تخليها تلهيك عن خلق عالم يشبهك بمعانٍ وقيم تمتد لك بصلة، وتساعدك تستشعر بأن كل يوم على هذه الأرض يستحق منك يقينًا ثابتًا بأنه، وفي نهاية المطاف، كل شيء يعمل لصالحك

أمر المؤمن كله خير

صوت من نحب يحمل أكثر من الكلمات. قد يقول جملة عادية، لكن نبرته تمنحك راحة. "أنا معك"، "لا تخف"، "احكِ لي"، أو حتى اسمك حين ينطقه بطريقة تعرفها. الصوت يصبح ذاكرة عاطفية، يرتبط بالأمان، بالشوق، وباللحظات التي شعرت فيها أنك لست