لو فتحت التقويم عندك علي الموبايل وقعدت ترجع ترجع لحد بالتحديد شهر اكتوبر سنة 1582 هتلاقي في عشر ايام بين 4 اكتوبر ل 15 اكتوبر محذوفين، الحقيقه ده مش، عيب في التقويم الموضوع ليه سبب تاريخي حقيقي بس في الاول خلينا نرجع ورا شويه لحد 6268 سنه بالتحديد…

من 6268 سنة تم اختراع اقدم تقويم في التاريخ اللي كان علي ارض مصر، التقويم مكنش تقويم بدائي او شئ شبه كدا، المصريين القدماء قدروا يقسموا السنه ل12 شهر و 365 يوم وفصول زي ما معترف بيها النهارده بالظبط، لكن كانوا عاملينه بنظام ان كل الشهور 30 يوم وفي نهاية السنه بيحطوا 5 ايام زياده ف تبقي 365 يوم.

وكان المصريين القدماء رابطين بداية السنه بموسم الزراعة وانخفاض درجات الحراره واعتدال الجو الحار.

Subscribe

لكن كان في مشكلة بسيطه ان السنه في الحقيقه مش 365 يوم بالظبط بل 365 يوم و ربع، ف مع مرور السنين وصلوا لحل ان كل اربع سنين يضيفوا يوم زياده يعني كل الشهور 30 يوم وفنهاية السنه يضيفوا 5 ايام لكن كل اربع سنين يضيفوا 6 ايام فنهاية السنه بدل 5.

بعدها جيه الرومان كان عندهم مشكله ف التقويم ف سافر يوليوس قيصر لمصر استعان بعالم الفلك المصري لأصلاح التقويم الروماني، وبعدها اتطبق التقويم الروماني اللي كان اسمه وقتها التقويم اليولياني علي اسم يوليوس قيصر واللي كان قريب من التقويم المصري كل اربع سنين يوم زياده…

بعدها ظهر التقويم الميلادي المأخوذ من فكرة التقويم اليولياني اللي ف الاصل مأخوذ من التقويم المصري، وبدأ عد السنين من ميلاد المسيح وقسموا الزمن لجزئين قبل الميلاد يعني قبل ميلاد المسيح وبعد الميلاد.

التقويم الميلادي المأخوذ من التقويم اليولياني كان فيه مشكله انه اطول بجزء صغير جدا اه مش كبير لكنه بيتراكم، فبعد فتره طويله بالتحديد 1582 قام البابا جريجوريوس الثالث عشر بأصلاح التاريخ وهو انه لما حسب كل الاجزاء الصغيره الطويله من وقت تطبيق التاريخ اليولياني لقي انهم تقريبا عشر ايام قام حذفهم من التاريخ عشان يكون التاريخ ماشي بشكل صح واتسمي بالتقويم الجريجوري.

وده التقويم المستخدم الي الان لكن احنا في الدول العربية بنقول السنه الميلاديه لكن بعض الدول لسه بتستخدم كلمة الجريجوري عادي وبس.

طب هل كدا بعد فتره محتاجين نحذف ايام من التاريخ لما تتراكم الاجزاء الصغيره؟

لا مش اوي لان التقويم المستخدم حاليا اطول بنسبة 26 ثانيه في السنه بس يعني تقريبا كل 3323 سنه بيبقي في يوم زياده، ف لو فضلنا نستخدم التاريخ ده لحد 3323 سنه اه ممكن نحذف وقتها يوم واحد مش مشكله.

يعني تلخيصاً التقويم بدأ في مصر، ثم الروماني، ثم اليولياني، ثم الجريجوري (الميلادي حاليا).

وكل سنه واحنا طيبين بمناسبة السنه المصريه رقم 6268 الموافقه في التقويم الميلادي 11/9❣️🇪🇬

النهاية. 🤍

في الحقيقه احنا مش بنخاف من المستقبل نفسه بشكل صريح، لكن احنا بنخاف من الاحتمالات اللي موجوده جواه…

زي شخص عنده فوبيا من المرتفعات، لكنه مش بيخاف من المرتفعات هو بيخاف من السقوط منها.

او شخص عنده فوبيا من البحر، لكنه مش بيخاف من البحر بشكل شخصي، هو بيخاف من الغرق.

وغيرهم من الامثله…

فالانسان بيخاف من الاحتمالات اللي موجوده في المستقبل، مش المستقبل شخصياً.

• بنخاف يحصل شيء سيئ واحنا مش مستعدين له.

• بنخاف نفشل في شيء بنحلم بيه.

• بنخاف نفقد شخص بنحبه.

• بنخاف حياتنا تتغير بطريقه مش عايزينها.

• بنخاف نكتشف ان القرارات اللي خدناها كانت غلط.

• او حتي ان المستقبل يكون غير الصوره اللي رسمناها.

وغيرها من الأمثله…

طب ليه نخاف اصلا من حاجه زي كدا؟

العقل البشري بطبيعته بيخاف من المجهول، اي حاجه معندوش علم بيها بيبدأ يخلق الف سيناريو ليها لأن العقل بطبيعته بيحب يفهم، ف لو في شيء مجهول بيحب يتخيل هو اي موضوع وهمي ويصدقه لأنه مينفعش يفضل مش فاهم العقل متبرمج انه يفهم دائما بأي طريقه.

الموضوع بالظبط اشبه ب لما تكون موجود ف مكان مظلم وتبص ناحية الملابس المعلقه، او خزانتك، او الكرسي، وتحس او تشوف ان في حد بيبصلك، في كائن ما انت شايفه واول ما تفتح النور تكتشف ان دي مجرد ملابس كانت واخده شكل عشوائي، لكن طبيعة عقلك زي ما اتفقنا ان بيحب يفهم كل شيء امامه مش واضح له بالتحديد مبيحبش العشوائيه، ف الملابس العشوائيه اللي العقل مش شايفها كويس دي العقل بيحب يتخيلها اي حاجه منطقيه عشان يفهمها، زي عين او شخص واقف او اي شيء بشكل عام.

او لما تبص علي لوحة الكهرباء فتحس انها وجه بيضحك، او تبص علي سحابه في السماء تحس انها واخده شكل ما…

كل دي تخيلات من عقلك ف محاوله منه لفهم الشيء الغير واضح له.

وطبعاً المستقبل هو شيء معروف لكنه لسه مجاش ف بالتالي عقلك بيفضل يفكر ف الف سيناريو وده بيسببلك الخوف.

لكن الاهم انك لازم تفهم ان المستقبل مش وحش وان الشيء اللي انت مش شايفه مش معناه مش كويس، طالما في شيء انت مش شايفه ف السوء فيه بيساوي الحلو بمعني 50/50 النسبه متساويه ليه؟ لان انت متعرفش اذا كان المستقبل حلو، وكمان متعرفش اذا كان المستقبل سيئ، ف علي ايه قررت انك تخاف منه؟

بدل ما تخاف وتقول لنفسك ممكن الحدث ده يحصل، قول ممكن الحدث ده ميحصلش، وان المستقبل مش كله وحش، زي ما انا خايف من ان يحصل حدث مش عاجبني، ممكن كمان يحصل حدث عاجبني افتكر ان نسبة الخير والسوء متساوية 50/50 لانك متعرفش المستقبل شايل ليك ايه فكر فيها بالطريقة دي ومش هتلاقي شيء تخاف منه، وافتكر ان ربنا دائماً شايل ليك الافضل مهما كان.

قول لنفسك انا مش مطالب اعرف هيحصل ايه، انا مطالب اعرف اتعامل مع اي شئ هيحصل…

Subscribe

لو عجبك المحتوي حط لايك واشترك فصفحتي من الزر هنا عشان يوصلك كل المقالات الجديده. 🤍

ده اللي نعرفه، لكن قليل اللي يعرف ليه ده بيحصل من الماء اساسا، وانا جي هنا اقولك السبب.

في الحقيقه مش حابب اصدمك ان الماء مش بيأثر علي الكهرباء من الاساس، طب ليه لما الماء يلمس كهرباء بيحصل المشكله دي؟

الماء نفسه اللي هو H²O الماء النقي بنسبة 100% ده فعلا مش بياثر علي الكهرباء، يعني انت لو معاك ماء نقي بنسبة 100% ووقع علي كهرباء غالبا مش هيأثر فيها.

لكن الماء الطبيعي فحياتنا اليوميه بيكون مذاب فيه املاح ومعادن صحيه وملياء شوائب ودي بتشتغل كموصل قوي للكهرباء.

Subscribe

تخيل معايا انك جبت بوردة كهربائية زي في الصوره تحت دي وحطيت عليها الماء، الماء هنا هيبدأ يوصل اماكن عشوائيه في البورده ويوصل مكونات بمكونات عشوائيه مينفعش تتوصل ببعض من الاساس عشان كدا يحصل ماس والبوردة ممكن تتحرق.

طب ليه الماء في الطبيعي مذاب فيه شوائب وهي ده بيضرنا؟ لا، لان الاملاح والمعادن والكالسيوم والبوتاسيوم وغيرهم دي كلها مواد الجسم اصلا محتاجها، لكن احنا كمان بناخدها من الاكل، لكن مش معني كدا اننا نشيلها من الماء عادي زيادة فائده مش أكتر ممكن شخص بياكل قليل وجسمه محتاج العناصر دي اكتر فياخدها من الماء بشكل افضل، يعني مش معناه ان الماء النقي اكتر صحيه، الاتنين مش هيضروك لكن الماء المذاب فيه العناصر دي اكتر فائده من النقي بس.

بالنسبه للشوائب اللي في الجو بأستمرار، هل لما نفتح زجاجة ماء وتتعرض للهوا والشوائب دي تلمسها ليها ضرر علينا؟ لا، لان الشوائب في الجو مش شرط سامه، وكمان الجزء اللي بيدخل في الماء بيكون صغير جداً جداً جداً ميضرش الجسم، وكمان العشر ثواني اللي بنفتح فيهم بس الزجاجة ونشرب ونقفلها مش كفيله انها تدخل كميه ضخمه من الشوائب، وهي لو الماء فضل معرض للهوا لفتره طويله الشوائب بتتجمع وبتطفو علي السطح وتقدر تشيلها، لكن طبعا الافضل ترميها وتشرب من ماء جديد.

كمان الماء النقي بنسبة 100% اللي قلنا غير مؤثر علي الكهرباء، لو جبته مجرد تعرضه للهوا لثواني والشوائب دي لمسته اه كميتها صغيره ومش هتضرنا زي ما اتفقنا لكن جعلت الماء النقي موصل للكهرباء، فعشان تعمل التجربه دي محتاج مكان مخصص معزول من الهواء تماماً والشوائب الطائره وبطريقه ما توصل الماء بالكهرباء بدون تلامسها لأي شوائب مجهريه غير مرئيه للعين وده شئ صعب جداً انه يحصل لكنه علمياً ينفع.

وكدا نكون عرفنا ان الماء نفسه مش بيأثر علي الكهرباء، الفكره في المواد المذابه في الماء مش الماء نفسه…

لو عجبك المقال حط لايك واشترك فصفحتي فضلاً. 🤍

Subscribe

الفكره ببساطه انهم مش بيحطوا مثلا ارقام معينه مدروسه او شئ شبه كدا، الفكره كلها ف عدد الاحتمالات بمعني:

الكارت بيتكون من 16 رقم، فبالتالي انت عندك فكل خانه من ال16 رقم 10 احتمالات اللي هما من 0 ل9 وعدد الخانات 16 ف لما تضرب عدد احتمالات كل خانه اللي هما 10 ارقام من 0 ل 9 في عدد الخانات هيطلعلك 10 كوادريليون احتمال، ولو مش مستوعب الرقم ف هو ده:

10,000,000,000,000,000

الرقم ده عدد الاحتمالات اللي لازم تجربه عشان يطلع ليك كود شغال فعلاً وعشان تستوعب اكتر كبر الرقم ف انت لو افترضنا هتجرب كل احتمال ف ثانيه واحده بس، فالموضوع هياخد منك 317 مليون و97 الف و919 سنه عشان تجرب كل الاحتمالات ده لو افترضنا كل احتمال هياخد منك ثانيه واحده بس ف محتاج تجرب لحد 317 مليون سنه!

طب لو الشركه بتصنع يوميا مثلا 10 مليون كارت وبقالها 30 سنه مثلا هل ده ميقربش من العدد الضخم ده؟

الحقيقه كمان لا تعالي نحسبها:

10 مليون

×365 عدد ايام السنه

×30 عدد السنين

الناتج هيكون 109 مليار و500 مليون، الرقم ده رغم انه كبير الا انه بيمثل 0.001% بس من عدد الاحتمالات اللي هما 10 كوادريليون احتمال للتخمين، يعني تخيل لو شركة الاتصالات بتصنع يوميا 10 مليون كارت من 30 سنه ف ده موصلش لحد النهارده 1% حتي من الاحتمالات، كمان انت مجرد ما تزود رقم واحد عدد الاحتمالات بيزيد بشكل مجنون يعني لو الشركه خلت كود الكارت مكون من 17 رقم بدل 16 ده هيرفع احتمالات التخمين من 10 كوادريليون ل100 كوادريليون يعني 10 اضعاف الرقم بمجرد بس ان الكود بقي 17 بدل 16 رقم…

بس في حاجه مهمه، الكروت اللي بتتصنع يوميا اللي افترضنا انهم 10 مليون بتستخدم وبتتباع بشكل شبه يومي بيخلصوا تقريبا ف نفس اليوم او اليوم التاني او التالت كأقصي حد يعني الكروت اللي بتتصنع من 30 سنه غالبا استخدموا جميعا، الكروت اللي موجوده اليوم هي نفسها اللي مصنوعه اليوم او امبارح او اول امبارح بالكتير اللي هما 10 مليون بس علي افتراضنا وده بيمثل نسبة 0.0000001% من ال10 كوادريليون احتمال اللي اتكلمنا عليهم ف نسبة تخمينك لكارت تعتبر ممكنه نظرياً لكن مستحيله عملياً…

Subscribe

ده بالنسبه لكروت الشحن… هل الفيزا بينطبق عليها نفس الموضوع؟

اه، الفيزا كمان مكونه من 16 رقم ف الحسبه اللي فوق دي كلها تنطبق عليها، لكن في نقطتين زياده ف الفيزا عن كروت الشحن…

اول نقطه:

ان الفيز مش بتستخدم وتترمي زي كروت الشحن، فبالتالي كل الفيز اللي تم صنعها من اول ما اخترعوا الفيزا لحد النهارده موجوده عادي، الا بعض الناس اللي الفيزا بتاعتهم بتضيع او تنتهي او تتكسر ف يرموها لكن بيطلعوا غيرها فيعتبر مفيش فرق…

معني كدا ان سهل نخمن رقم فيزا بما انهم موجودين كلهم؟ ده كمان لا لانك نسيت حاجه مهمه اه ال16 رقم بتوع الفيزا احتمالاتهم 10 كوادريليون زي كروت الشحن بالظبط لكن كوكب الارض فيه 8 مليار انسان بس يعني لو كل انسان علي كوكب الارض معاه فيزا يعني في في العالم 8 مليار بطاقه فيزا بس، ف نسبة انك تخمن رقم من 8 مليار فيزا من بين 10 كوادريليون احتمال للتخمين ف ده شئ مستحيل لان ال8 مليار نسبتها 0.00008% من ال10 كوادريليون رقم ضئيل جداً، حتي لو كل شخص في العالم معاه اتنين فيزا او تلاته او حتي عشره مازال الرقم بعيد كل البعد عن التخمين، والاهم ان الفيزا اصلا مش بتتصنع غير لما العميل بيروح يستخرجها يعني البنوك مش بتصنع ملايين الفيزا يوميا زي كروت الشحن، لا دي بتتصنع علي طلب العميل.

في انواع فيز زي فيز الشباب دي فعلا بتتصنع منها كميه محدوده وبتروح للبنوك ولما الشخص يروح يطلبها بياخد واحده والبنك بيفعلها علي حسابه وبياناته يعني بتكون موجوده ف البنك غير مفعله بتتفعل بس لما الشخص يروح يطلب استخراجها، ف كمان نسبة تخمينها معدومه ولو افترضنا انك خارق وخمنت واحد غالبا مش هيشتغل لانها غير مفعله فبالتالي مفهاش فلوس بتتفعل بس لما العميل ياخدها.

النقطه التانيه بقي، ان حتي لو اديتك ال16 رقم بتوع الفيزا بتاعتي انت مازلت مستحيل تستخدمها بس ليه؟

لان الفيزا كمان بيكون فيها تاريخ انتهاء مكون من اربع ارقام رقمين شهر ورقمين سنه وخلف الفيزا بيكون في الرقم السري المكون من 3 ارقام…

طب تاريخ الانتهاء مكون من شهر وسنه بس واغلب الفيز مدتها بتكون اخرها 5 سنين يعني قدامي 60 احتمال بس اطلع التاريخ الصحيح للفيزا صح؟ هقولك عندك حق، والرقم السري الخلفي مكون من 3 ارقام بس يعني لو ضربنا عدد احتمالات كل خانه اللي هما 10 ارقام زي ما اتفقنا من 0 ل 9 في عدد الخانات اللي هما 3 بس

10×10×10

هيطلع لينا 1000 احتمال بس اننا نلاقي الرقم السري الصحيح للفيزا صح؟ هقولك كمان عندك حق…

طب كدا لو معايا ال16 رقم اقدر اخمن الباقي دول كلهم علي بعض 60 احتمال لتاريخ الانتهاء و1000 للرقم السري يعني 1060 كلهم ف الموضوع بسيط مش رقم خرافي زي اللي فات، ف دي بقي مش عندك حق اوي وهفهمك ليه.

فعلاً عدد احتمالات الرقم السري 1000 وعدد احتمالات تاريخ الانتهاء 60 لكن في نقطه مهمه انك محتاج تجرب ال1000 احتمالات بتوع الرقم السري علي ال60 احتمال بتوع تاريخ الانتهاء بمعني:

انت بدأت حطيت تاريخ الانتهاء مثلا 09/26 اللي هو شهر 9 سنه 2026 وانت معاك ال16 رقم بتوع الفيزا كدا ناقص ال3 ارقام بتوع الرقم السري اللي عدد احتمالاتهم 1000 ف بدأت تجرب فيهم، احتمال ورا احتمال لحد ما خلصت الالف كلهم الفيزا مشتغلتش يبقي كدا تاريخ الانتهاء غلط هنا لازم تزود التاريخ شهر تخليها 10/26 وتعيد من الاول ال1000 احتمال بتوع الرقم السري لكن المره دي مع التاريخ الجديد لان الاول مشتغلش، هتلاقي ان الفيزا كمان اترفضت يبقي التاريخ غلط ف تخليها 11/26 وتعيد من الاول ال1000 احتمال للرقم السري مع التاريخ الجديد، هتفضل كدا لحد ما تجرب تاريخ الانتهاء من اليوم ولحد خمس سنين اللي هما 60 شهر يعني 60 احتمال وكل شهر محتاج تجرب فيه ال1000 احتمال بتوع الرقم السري من اول وجديد يعني المجموع هيكون 60 الف احتمال للرقم السري مش مجرد 1060 بس…

طب نفترض ان انت شخص فاضي وهتجرب ال60 الف احتمال هل فيها مشكله؟

اه هيقابلك مشكله جديده كمان، وهي ان اي موقع دفع او تطبيق او اي مكان هتحط فيه ال16 رقم للفيزا وتبدأ تجرب ال60 الف احتمال لتاريخ الانتهاء والرقم السري، ف كل بوابات الدفع بتديك عدد محاولات محدود تقريبا 3 محاولات او 5 حسب بوابة الدفع يعني انت من تالت او خامس احتمال تجربه هيحصل حاجتين يا هتاخد حظر من انك تدفع في الموقع ده من كثرة المحاولات، يا الفيزا هتتوقف لحد ما صاحبها يروح يفعلها او يبلغ ان في شخص معاه الارقام وقاعد يخمن فيها ف غالبا هيوقفوا الفيزا كلها ويعملوا واحده جديده بأرقام جديده بتاريخ جديد برقم سري جديد للعميل، فبالتالي ال16 رقم معاك مش هيكون ليهم اي لازمه…

ف في النهاية الشركات مش اغبياء عشان يسيبوا ثغرات زي كدا للتخمين ويضروا نفسهم، وعشان كدا مستحيل تخمن اي ارقام سواء كانت فيزا او كارت شحن او اي كود لأي شئ بيتم صناعته ياستمرار…

عرفني رأيك فكومنت، ولو عجبك حط لايك واشترك فصفحتي لو مش مشترك فضلاً من هنا. 🤍

Subscribe

لكن من اكتر المعلومات اللي بحبها واللي كل ما افكر فيها بحس بذهول، لدرجة ان بالنسبالي كل المعلومات اللي عرفتها واللي هعرفها بسيطة امام المعلومه دي.

وهي:

ان لو جمعنا كل شعيرات الحمض النووي داخل خلايا جسم الإنسان وحطيناهم في خط مستقيم، طولهم يقدر يوصل للشمس ويرجع، الشمس اللي بينا وبينها مسافة 150 مليون كيلومتر!

وقبل ما تتصدم خد المعلومه الاكتر صدمة، طول شعيرات الحمض النووي يقدر يوصل للشمس ويرجع مش مره لا، 246 مره تخيل!

السبب:

ان شعيرات الحمض النووي صغيرة ودقيقه جدا لاتلاحظ بالعين، خلايا جسمك نفسها لاتلاحظ بالعين فما بالك بشعيرات الحمض النووي اللي داخل الخلايا نفسها يعني اصغر من الخليه بكتير…

ولو جمعت شعيرات الحمض النووي داخل الخليه الواحده طولهم بيوصل لأتنين متر، جسم الانسان بقي فيه حوالي 37 تريليون خليه، ولو مش متخيل الرقم ف هو ده

37،000،000،000،000

وطول الشعيرات فالخليه الواحده زي ما اتفقنا لو تم تجميعها طولها هيكون 2 متر فلما نضرب 37 تريليون × ال2 متر اللي جوا كل خليه هيعملوا 74 تريليون متر، نقسمهم بقي علي 1000 علشان نحولهم لكيلومتر بدل المتر فالناتج هيكون 74 مليار كيلومتر، بالارقام:

74,000,000,000

والمسافه بين الارض والشمس 150 مليون كيلومتر يعني:

150,000,000

ولو عملنا رحلة ذهاب واياب للشمس الاجمالي هيكون 300 مليون كيلومتر

ف اذا قسمنا ال74 مليار كيلومتر طول الشعيرات علي ال300 مليون كيلومتر مسافة الذهاب والاياب للشمس الناتج هيكون تقريبا 246 مره!

Subscribe

وانا هنا بقولك ذهاب واياب مع بعض هيكون العدد 246 مره، لو قلتلك هنخليها ذهاب فقط النتيجه هتكون ان الشعيرات هتوصل للشمس 493 مره تقريبا، حرفياً رقم مجنون!

بنفس الحسبة دي طول الشعيرات كمان ممكن يوصل للقمر ويرجع حوالي 192 الف و702 مره…

او توصل كوكب بلوتو اخر وابعد كواكب مجموعتنا الشمسية حوالي 17 مره!

كل ده داخل جسم الانسان الواحد فقط.

فعلاً…

“وَمَا أُوتِيتُمْ مِنَ الْعِلْمِ إِلَّا قَلِيلًا”

“صدق الله العظيم”

وسائل التواصل الاجتماعي تجعلك مسجوناً داخل حياتك، انت بتشوف ناس بتعرض افضل لحظات حياتهم: شكلهم، فلوسهم، سفرهم، علاقتهم، نجاحهم… فالعقل ممكن يقارن ده بحياتك اليومية العادية، وتبدأ تحس بشعور زي “انا ليه حياتي مش شبه حياة الناس دي؟” مع انك في الواقع بتقارن حياتك كاملة بأفضل مشاهد من حياة غيرك بس…

انت مش شايف حياة الشخص اللي في الفيديو او الصوره وراء الكاميرا، الطبيعي والمنطقي مش هيوريك تعب قد ايه فحياته، قبل. الفيديو او بعده كان بيعمل ايه، ده كله انت مشفتوش انت بس بتشوف الفيديو … الفيديو اللي نزل بعد تصوير ومراجعه ومونتاج وميك اب وإضاءه وزاويه ومكان مناسب، هو مفتحش الكاميرا ويلا نصور…

خصوصاً والاهم، انه متولدش غني او معاه فلوس كتير اكيد تعب فحياته انت بس شايف النتيجة النهائيه، ولو اتولد والده كان غني ف بالتالي هو بالفعل اتولد غني، فنفس الفكره انت كمان متعرفش والده تعب ازاي عشان يوصل لده.

اللايكات دائماً بتتحول لمقياس للقيمة…

بوست جاب تفاعل... انا محبوب ومهم

بوست مجابش تفاعل... انا كل الناس بتكرهني

وده مش صح وهنا المشكلة، ان تقدير الذات يبدأ يعتمد علي شئ خارج سيطرتك.

Subscribe

الصور المثالية... الفلاتر، الاضاءه زاوية التصوير وتعديل الصور وغيرهم، بتخلق شكل غير واقعي للجمال، الشخص ممكن يبص لنفسه في المرآة ويقارن نفسه بصورة شخص تاني معدّلة بعناية، فيشعر ان شكله اقل جاذبية ويفقد ثقته بنفسه وانه لازم يحسن مظهره وشكله لازم يظهر بصورة افضل من كدا...

وده مش حقيقي لأنك بتقارن مظهرك الطبيعي والواقعي، بصور معدلة عند ناس تانية.

ممكن تحس كمان انك متأخر... السوشيال ميديا بتخليك تشوف ان كل الناس بتنجح قبلك، واحد اشتري عربية، واحد فتح مشروع، واحد سافر، واحد اتجوز، واحد اتخرج...

فتبدأ تحس ان كل الناس بتتقدم وانا واقف مكاني، رغم انك ببساطة مش شايف المرات اللي فشلوا فيها او الايام العاديه اللي بيعيشوها.

لكن السوشيال ميديا مش كلها سلبيات فيها كمان ايجابيات...

السوشيال ميديا ممكن ترفع تقدير الذات كمان، خصوصاً لو استخدمتها ف التعلم، او التواصل مع ناس عندهم نفس اهتماماتك، او مشاركة انجازاتك وتلاقي دعم حقيقي...

خوارزميات السوشيال ميديا: الخوارزميات فالطبيعي اي شئ بتشوفه، بتحط لايك، كومنت، وغيره بيبدأ يظهرلك نفس المحتوي... بنفس المنطق لو بحست وحطيت كومنتات ولايكات علي فيديوهات او بوستات مفيده هتبدأ تظهرلك نفس المحتوي المفيد فتكون استخدمتها لصالحك مش ضدك، اعمل بلوك لكل شخص بيظهرلك محتوي سلبي، اتفاعل مع كل شخص بيظهر محتوي مفيد، التطبيق هيعرف تلقائي انك مش عايز المحتوي ده انت عايز ده وهيظهره ليك.

وفي النهاية... المشكلة ممكن تكون مش في السوشيال ميديا بحد ذاتها، لكن في طريقة استخدامها مننا، السوشيال ميديا زي اي شئ فيه الحلو وفيه السيء، تقدر بنفسك تشوف وتظهر الحلو ليك وتبعد عن السوء، قلل تأثيرها عليك متزودوش.

صاحبة فكرة المقال: 🤍

وانت كمان لو عندك فكرة مقال قولي عليها وهعملها. 🤍

أحياناً نكون وسط الناس، بنتكلم ونضحك ونشاركهم يومنا، ومع ذلك نشعر برغبة غريبة في أن نختفي قليلاً…

أحياناً نشعر اننا نحتاج ان نكون وحدنا، ان نرتاح من صخب الحياة، ننظم افكارنا، نستعيد طاقتنا النفسية والذهنية بعيداً عن ضغوط الآخرين المستمره …

Subscribe

ليس فقط الاجهزة الإلكترونية والبطاريات من تريد اعادة الشحن… الإنسان ايضا يحتاج أحياناً الي اعادة شحن عقله، تجديد طاقته، تهيئة نفسه الي استقبال بعض الضغوطات الجديده، بعض الافكار، بعض الحلول.

الوحدة هي الشاحن …

عندما تشعر انك تريد ان تكون وحدك، فهذا يعني ان طاقتك تنفذ، انك تريد فقط اعادة شحنهاشحنها لتتعامل مع هذا للعالم بشكل افضل… لاتتردد أبداً فشحن وتجديد طاقتك، فهي كل ما لديك.

شعورنا بالوحدة والابتعاد، ليس بالضرورة لأننا حزينين او نكره البشر او لا نريد احد فحياتنا. أحياناً كل ما نحتاجه هو مساحة … مساحة لا يطلب فيها منا احد شيئًا، مساحة لنفسنا، مساحة لعقلنا…

أحياناً يجب عليك ان تجلس مع نفسك، ان تتحدث معها وتجادلها، ان تفهمها، ان تعيد فهم ومراجعة قراراتك ومهامك في هذه الحياة.

تحدث مع نفسك …

التحدث مع النفس ليس مرض، بل عدم ذلك هو المرض نفسه؛ أحياناً لانفهم انفسنا بشكل واضح بسبب تشتيتات وضغوط الحياة لنا، فالطريقه الوحيدة هي ان تجلس معها وتفهمها انظر لنفسك في المرآة، تحدث واصرخ اخرج طاقتك السلبية، طاقتك السلبية مثل الرواسب في انابيب المياه التي تمنع المياه ان تخرج بكل قوتها، وان خرجت تكون مليئه بالشوائب وغير قابلة للشرب… جلوسك مع نفس وكلامك معها هي طريقة لتنظيف انابيب طاقتك الايجابية من شوائب طاقتك النفسيه.

أحياناً نبتعد قليلاً عن الناس لكي نعود اليهم ونحن اهدأ.

لكن في فرق بين اختيار الوحدة قليلاً والشعور بالوحدة.

الاولي قد تكون راحة لك والثانية قد تؤلمك احيانا…

هل ان تجلس مع نفسك قليلاً يمك ان يسبب لك ضرراً ؟

نعم، أحياناً لو اختارت الوحدة ليس بالضرورة جعلك افضل الوحدة ليست علاج لكل شئ… أحياناً اذا اختارت الوحدة بطريقة خاطئة تعود عليك بالسلب، مثل ان تختار الوحدة وتقرر ان لا تخرج من منزلك، ان لا تخرج من غرفتك، ان لا تتحدث مع احد اطلاقاً، ان تختار الوحدة لفترة طويلة اكثر مما تحتاج … هنا فقط يمكن ان تعود عليك بالسلب يمكن جعلكجعلك انطوائياً وحيداً وحتي لو حاولت ان ترجع الي حياتك قبلها لن تستطيع ذلك بسهولة…

يجب عليك ان تختار الوحدة بطريقة صحيحه وان تعطيها وقتها الكافي لا اكثر ولا اقل، وان تعيش حياتك لا تغلق نفسك، لا تريد التحدث مع احد تمام، لكن ليس مع احد اطلاقاً لدرجة ان لا تخرج من منزلك أبداً لأن تعلم انك يجب ان تتحدث مع صاحب السوبر ماركت، او لا تخرج من غرفتك لانك تعلم انك سوف تتحدث مع والدتك او والدك او احد اخوانك، هذه الاشياء البسيطة لن تضر وحدتك، بل هي جزء من شحن طاقتك.

Subscribe

كيفية استغلال وقت الوحدة بشكل ذكي…

الكتابة والتفريغ: الكتابة من افضل الطرق لطرد طاقتك السلبية احضر ورقه وقلم واكتب كل شئ يؤلمك، يحزنك، مشاعرك السيئه، لا يهم خطك ان يكون جيداً فهي ليست مسابقة كتابة، اكتب بكل عشوائيتك، شخبط، علم، اخرج عن النصوص، اكتب وكأنك تصرخ لكن تصرخ في الورقه.

التعليم الذاتي: تعلم شيئاً جديدة، اقرأ كتباً، ثقف نفسك وتعلم اشياء مفيدة وجديدة، لايهم تحديدها، اي شئ مهما كان تتعلمه سيفيدك مستقبلاً

ممارسة التأمل: اجلس، في مكان هادئ، اذهب الي حديقة، او حتي من منزلك، استيقظ في وقت الهدوء باكراً مثل السادسه صباحاً، اخرج الي شُرفتك، ركز علي اصوات العصافير، ركز علي تفاصيل اوراق الاشجار شاهدها وهيوهي تتحرك بكل راحة وسلام، تنفس ببطى مثل حركة اوراق الاشجار، التأمل من افضل الطرق لتصفية العقل والذهن.

الاهتمام بالهوايات: فكر فما هي هواياتك، وابدأ في ممارستها، تحب الرسم ارسم، تحب الطبخ اطبخ، تحب اي شئ افعله، لا تحرم نفسك من شئ فهي ليست عدوتك، الاستثمار فنفسك يعيد لك ارباحك فراحتك وسعادتك وطاقتك.

مراجعة الاهداف: ضع خطط صغيره لنفسك للأيام او الاسابيع القادمة، نعم خطط صغير مثل غداً سوف اقرأ عشر صفحات من الكتاب ذاك، غداً سوف امارس التأمل لنصف ساعة، وغيرهم، عندما تضع خطط صغيره وتنجزها العقل يشعر بالسعادة ويرتفع الدوبامين لديك يجعلك تشعر انك تريد انجاز مهام افضل واكثر، ليس لانك انجزت مهام بسيطة، لكن العقل يشعر بالسعادة عند انجاز اي شئ حتي ولو بسيط فهذه طريقة ايضا لجعلك فحالة نفسية رائعه.

هذة بعض تمارين التهدئه للتخلص من التوتر…

تنفس المربع: استنشق الهواء لمدة 4 ثوانٍ، ثم احبسه لمدة 4 ثوانِ، ثم اخرجه في 4 ثوانِ، ثم انتظر 4 ثوانِ قبل التكرار.

قاعدة الالعشرين دقيقة: خصص لنفسك عشرين دقيقة يومياً للجلوس مع نفسك بدون تلفاز بدون احد بدون هاتفك، فقط جالس مع نفسك لا تفعل اي شئ بدون اي متقاطعات أبداً، كأنها اجازة رقمية للأبتعاد عن الشاشات لتمنح عقلك الراحة اللازمة.

قائمة المهام الثلاثية: ركز علي انجاز 3 اشياء فقط فيومك لتجنب الشعور بالضغط.

تعلم قول “لا” بلطف: اعتذر بلطف عن الأنشطة الاجتماعية “غير الضرورية” التي تستهلك وقتك الخاص.

الاسترخاء العضلي: شد عضلاتك مثل الكتفين لثوانٍ ثم ارخها تماماً لتشعر بالراحة.

وفي النهاية… الوحدة ليست سيئة، لكن تعلم كيف تستخدمها، الوحدة سيف ذو حدين تعلم استخدام الحد الذي لصالحك، لا تجعل الوحدة تسيطر عليك.

لاتتردد أبداً فإعادة تجديد وشحن طاقتك ونفسك…

اذا وصلت الي هنا فشكراً لك، واثبت نفسك في التعليقات. 🤍

طيب ازاي شوية ضباب وزنه يوصل للرقم ده وازاي مش بتقع؟ في الحقيقة السحب شبيها بالضباب لكنها مش ضباب اصلا، طب هي بتتكون من ايه بالظبط وليه مش بتقع؟ تعالي اشرحلك تركيبة السحابة لحد ما تنزل مطرة.

تكوين السحابة:

في البدايه الشمس بتسخن مياه البحار والمحيطات والتربه وغيره، لما ده بيحصل سطح المياه بيتحول لبخار شفاف بيبدأ يرتفع في الهواء، لحد ما يوصل لمستوي فيه هواء بارد نسبياً، فبخار المياه بيتكثف ويتحول لقطرات مياه متناهية الصغر، صغيره جداً جداً، صغيره لدرجة الهواء قادر علي رفعها وجعلها معلقه، لما بيتجمع ملايين ومليارات القطرات ف مكان ما هنا بتتكون السحابة، يعني السحابه نفسها هي كمية ضخمه من قطرات المياه متجمعه مع بعض.

طب ليه بنشوفها سحابة وهي قطرات مايه متجمعه؟

لسببين السبب الاول انها قطرات متناهية الصغر، تخيل دخلت تغسل ايدك وخرجت لقيت نقط مايه بتقع من ايدك، نقطة او قطرة المياه في السحابه اصغر من القطرات اللي بتقع من ايدك تخيل ب مليون مره ! يعني كأنك جبت قطرة مياه من ايدك وقطعتها مليون جزء، ف قطرات مجهريه بالصغر ده انت متقدرش تشوفها لو قدامك تخيل بقي لو علي بعد عشرات الكيلومترات فوق سطح الارض؟ ف بسبب الصغر ده الهوا قادر يرفعها وتفضل السحابة طايره في السماء…

والسبب التاني ان ضوء الشمس بيتشتت فكل قطرات المياه دي ف لما بيوصل لعينك انت بتشوفها كأنها قطعة واحده وهي السحابة بسبب تشتيت الضوء مش اكتر.

ليه السحابة مش بتقع؟

ده لأن قطرات المياه المتناهية الصغر دي موجودين ف مساحة ضخمه جداً، السحابةاكبر بكتيرمن ما بتشوفها من الارض، ف المساحات دي بتمنعهم من التجمع والسقوط.

طب امتي بيتجمعوا وينزلوا علي هيأت مطر؟

ده بسبب طيارات الهوا القوية، لما يحصل طيارات هوا قوية خصوصا ف الشتا قطرات المياه الصغيره جدا بتبدأ تخبط فبعض وكل ما قطره تلمس بس قطره تانيه بتمسك فيها وتبقي قطره اكبر، لحد ما وزن القطرة يتغلب علي الهواء والجاذبيه تفوز ف تبدأ القطرات دي تقع علي شكل مطر، وممكن وهي نازله تخبط ف قطرات تانيه وتكبر ف الجو اكتر شويه.

طب هل ممكن نشوف سحابة بتقع؟

لا، لأن السحابة مش كتلة واحده زي ما فهمنا عشان تقع، السحابة عبارة عن مليارات قطرات المياه الصغيره جداً جداً بينهم مساحات ف الهواء الصاعد قادر يخليها مرتفعة ومعلقه في السماء، ولو في قطرات اتجمعت مع بعض هتنزل علي شكل مطر عادي، ف بالمنطق ده مستحيل تشوف قطعة سحابة بتقع من السما.

طب والوزن؟

الوزن ده المقصود بيه ان لو جمعنا كل المياه في السحابة ووزناهم وزنهم ممكن يوصل ل500 الف كيلوجرام اه عادي جداً، لكن بسبب انهم في السحابه بينهم مساحات ومتقسمين لأجزاء صغيرة جداً جداً مجهريه ف مستحيل تقع، لكن ده مينفيش وزنها الضخم فنفس الوقت، وبس…

قولي رأيك في كومنت، وشكراً لو كملت المقال لهنا. 🤍

الموضوع ده مش ثابت يعني مفيش حد معين اقولك 5 او 10 كيلو متر وبعد كدا مش هتشوف تاني، لا خالص، انت فبعض الحالات تقدر تشوف اجسام علي بعد مليارات الكيلومترات ! اه دي حقيقه، تعالي نبسط الموضوع سوا.

هنقسم الموضوع 3 أجزاء، في كل جزء هنبعد بمستوي الرؤية اكتر.

الجزء الاول، هكلمك عن المستوي الطبيعي بتاعك وانت ف البيت او في الشارع او في حياتك بشكل عام طبيعي.

تخيل انك روحت وقفت في طريق، الطريق ده فيه عربية بتتحرك قدامك بشكل مستقيم، ايه ابعد نقطه للعربية بعد مش هتقدر تشوفها تاني؟

بسبب انحناء الارض وان كل ما جسم بعد بيبدأ ينزل لحد ما يختفي عن مستوي نظرك (وبالمناسبة ده دليل علي كروية الارض، العمليه دي مينفعش تحصل غير علي جسم كروي مش مستقيم) المهم بعد حوالي خمسه كيلو متر العربيه هتختفي عن مستوي نظرك بسبب انحناء وكروية الارض، لكن ده مش مستوي نظرك لان هنا تدخلت كروية وتسبب ف اخفاء العربيه عن الطريق، طيب نلغي انحناء الارض ونقول ان العربيه هتفضل مستمره بشكل مستقيم الي مالانهايه، هنا عينك هتفضل شايفه العربيه لحد اكتر من 20 كيلو متر ! اه كل ما تبعد ملامحها هتقل لكن بشكل عام انت شايفها لسه، وبعد ال20 كيلو متر هتبدأ تختفي تماما من مستوى نظرك هي لسه قدامك لكن صغرت لدرجة مش قادر تلمحها.

الجزء التاني، خلي بالك 20 كيلو متر دي مجرد البداية مدى عينك اكبر بكتير لسه، خلينا نكمل، في الجزء التاني هننتقل مع بعض لعالم تاني، عالم مفهوش اي نوع ضوء في الكون، مفيش اضاءه في الارض، مفيش تلوث ضوئي، مفيش شمس، مفيش قمر، مفيش نجوم 100% ظلام، بعد كدا هوقفك في مكان وقدامك شمعه، الشمعه دي بتبعد اكتر كل شويه، بسبب ان العين بتتكيف مع الظلام وبتبقي حساسه جداً جداً وقت الظلام لأي مصدر ضوء ولو بسيط جداً، ف في الحاله دي انت هتشوف ضوء الشمعه لحد مسافه 10 ل 20 كيلو متر تقريبا، طب لو جبنا مصباح قوي جداً ممكن تشوفه علي مسافة عشرات او مئات الكيلو مترات !

الجزء التالت، هنا هكلمك عن النجوم في السماء، النجوم انت تقدر تشوفها في السماء عادي، اللي، متعرفوش ان النجوم دي بعضهم بعضهم بعيد عنك ب ملايين او عشرات مليارات الكيلو مترات وانت بتشوفها بعينك تخيل ! فنفس مثال الشمعه والمصباح ف الظلام كل ما الضوء اقوي وانت ف ظلام هتشوفه علي مسافه ابعد، والنجوم اضائتها قوية جداً بشكل لا تتخيله، عندك الشمس انت بتشوفها بوضوح وبتوجع عينك وهي في الاساس علي بعد 150 مليون كيلو متر، في نجوم بقي اللي بتكون نقط صغيره في السماء علي بعد مليارات الكيلو مترات وبتشوفها لان اضائتها قويه والفضاء كله ظلام ف شايفها من المسافة دي كلها عادي جداً.

ف مستوى نظر الانسان كبير جداً اكبر مما نتخيل بكتير وهنا نقول سبحان الله.

قولي رأيك في كومنت، وشكراً لو كملت المقال. 🤍

طبعا انت مستغرب دلوقتي وبتقول من يوم ما اتخلقنا .واحنا عارفين ان في ماضي وحاضر، ومستقبل

هقولك عندك حق، بس في نسبة كبيره جداً جداً من العلماء مش معترفين بوجود الحاضر اصلا ده كمان الجزء التاني من العلماء المعارض بيقولوا ان الحاضر ممكن يكون موجود، لكن ملوش امتداد زمني حقيقي.

الموضوع بدأ منين بالظبط ؟

في القرن الخامس كان في فيلسوف يوناني اسمه “زينون الايلي " زينون حط مفارقات كتيره ميهمناش دلوقتي غير واحده بس منهم وهي مفارقة الانقسام.

مفارقة الانقسام كانت بتقول انك نفترض عندك مسافه معينه عايز تقطعها وتوصل الناحيه التانيه عشان تقطعها محتاج الاول تقطع نص المسافه بس قبلها محتاج تقطع نص النص للمسافه اللي هو الربع، وقبلها محتاج تقطع نص الربع اللي هو الثمن وقبلها محتاج تقطع نص الثمن اللي هو 1/16 وقبلها تقطع نصفه اللي هو 1/32 بعدين 1/64 و 1/128 الي مالانهايه، ف في اعتقاده انك بالشكل ده مستحيل تقطع المسافه.

لكن في الرياضيات الحديثه الموضوع اتحل رياضيا الرياضيات الحديثة، خصوصًا مفهوم النهايات والمتسلسلات اللانهائية، بتوضح إن وجود عدد لا نهائي من الأجزاء لا يعني إن الوصول للنهاية مستحيل.

الموضوع ده اتربط بالزمن بنفس الفكره، وبسببه جيه الخلاف علي ان مفيش حاضر، وان الموجود هو المستقبل والماضي فقط، ليه مفيش حاضر؟

نفس نظرية التقسيم لكن الوقت بدل المسافه، وهي انت حاليا يومك مقسوم لجزئين جزء في الماضي اللي راحوالجزء الاخر في المستقبل لسه مجاش وان كل اللي جي بيروح للماضي مفيش حاضر يقف عنده.

مثال للتبسيط الدقيقه فيها 60 ثانيه وانت واقف في المنتصف هتلاقي ان 30 ثانيه منهم في الماضي و 30 ثانيه منهم في المستقبل، هتقولي يمكن الحاضر اصغر من كدا خلينا نقرب الموضوع لثانيه واحده، هقولك تمام الثانيه اللي انت فيها حاليا نصفها في الماضي والنصف الآخر في المستقبل، طب نص ثانيه بس؟ بسيطه الربع الاول منها في الماضي والربع الآخر في المستقبل، طب ربع ثانيه بس؟ كمان بسيطه ثمن الثانيه في الماضي والثمن الآخر في المستقبل، وهكذا.

وهكذا تبدأ تقسم الزمن اكثر الي مالانهايه هتلاقي دائماً في جزء في الماضي وجزء في المستقبل ومفيش جزء في الحاضر.

لان ببساطه لو هنقسم الزمن لتلاته مثلا وقولنا ان الساعه اللي انت فيها حاليا 20 دقيقه في الماضي و 20 دقيقة في الحاضر و 20 دقيقة في المستقبل، طيب ال 20 دقيقة الحاضر؟ 6.6 دقيقه منهم في الماضي وقدهم في الحاضر وقدهم في المستقبل، وهكذا برضو هنفضل نقسم في الوقت ومش هنوصل لوقت فيه حاضر فعلي.

طيب ده الموضوع، ايه بقي اللي وصلناله في النهاية بعد کله ده؟

الحقيقه الي الان الموضوع مش مثبت علمياً، جزء من العلماء شايف ان مفيش حاضر بسبب الطريقه اللي شرحتهالك دي، وجزء اخر شايف ان الحاضر موجود لكن ملوش امتداد زمني حقيقي، بمعني انه مجرد فاصل بين الحاضر والمستقبل زي الارقام تخيل عندك رقم 0 علي يمينه الارقام الموجبه وعلي شماله الارقام السالبه الفاصل بينهم الصفر فقط لكنه مش عدد تقدر تجمعه او تطرحه او تعمل فيه شئ زي باقي الارقام، نفس الكلام بالظبط الجزء ده من العلماء شايف ان الحاضر موجود لكنه ملوش امتداد زمني فعلي وهو مجرد فاصل فقط.

طيب انت شايف مين فيهم اللي ممكن يكون صح ؟ هل الحاضر مش موجود فعلا، ولا موجود لكن ملوش امتداد زمني ومجرد شئ فاصل بين الماضي والمستقبل؟ ولا شايف حاجه تالته خالص ؟

قولي رأيك في كومنت ونتناقش، وتحب اتكلم في ايه المره الجايه. 🤍

الانتروبي هو الميل للحالة الاكثر احتمالا بمعني…

تخيل انت و3 اصدقائك دخلتوا قاعة سينما، قاعة السينما دي فيها 4 مقاعد بس، طبيعي كل واحد فيكم هيقعد علي مقعد ف انا حاليا عندي احتمال واحد بس وهو ان كل واحد فيكم قاعد علي مقعد فبالتالي انتروبيا اقل.

تخيل بقي لو دخلتوا قاعة سينما فيها 100 مقعد، انا حاليا عندي احتمالات كتيره جداً جداً لأماكن مقاعدكم تخيل الحاله دي فيها 94 مليون و 109 الف و400 احتمال لأماكنكم، فبالتالي انتروبيا اعلي بكتير جداً.

تخيل رميت ورقه في الهواء الطبيعي هتتحرك ف اتجاهات كتير جداً عشوائيه، ايه احتمال انك ترمي الورقه تاني وتتحرك ف نفس اتجاهات الرميه الاولي بالحرف؟ مش هقولك ارقام خرافيه لان احتمال حدوث ده هو صفر او الاحتمال صغير بشكل لا يذكر لدرجه ان بعض العلماء بيقولوا عليه صفر، ودي فكرة الانتروبي انت عندك عدد كبير جداً من احتمالات حركة الورقه في الهوا لكن احتمال ان حركة الورقه ترجع زي الاول تقريبا صفر ف بالتالي الحدث الاكثر احتمالاً وحدوثاً هو طيران الورقه في اتجاهات عشوائيه عشان كدا ده اللي بيحصل.

هديك مثال تاني لكن المره دي انت بنفسك اللي هتجاوب عليه… تخيل انا ماسك صندوق فيه 10 كرات 5 منهم ابيض وعلي الشمال و5 احمر علي اليمين، بعدين مسكت الصندوق وحركته وهزيته بشكل عشوائي كتير جداً تقدر تقولي مين الحدث الاكثر احتمالاً وحدوثاً؟

• الكرات ترجع بترتيبها الطبيعي خمسه أبيض شمال وخمسه احمر يمين

• كل الكرات هتتبعثر داخل الصندوق

طبيعي كل الكرات تتبعثر داخل الصندوق ده الحدث الاكثر احتمالاً وحدوثاً فبالتالي ده الطبيعي يحصل، مش بقولك ان مفيش احتمال ان الكرات ترجع بترتيبها الاساسي، لكن احتمال حدوث ده اقل بكتير من احتمال تبعثرهم والانتروبي بتحب الميل نحو الاحتمالات الاكثر حدوثا عشان كدا ان تبعثر الكرات هيكون اسهل وطبيعي يحدث عن انهم يرجعوا مترتبين.

وبنفس المفهوم ده بيعرفنا ليه منقدرش نرجع بالزمن لان ببساطه كل شئ متجه نحو الاحتمالات الاكثر، مثلا الكون بتاعنا في تمدد وتوسع مستمر فبالتالي احتمال اماكن تواجد الأشياء بتزيد ف بالتالي احتمالات اكتر يعني انتروبي اكتر، طب ليه مينفعش نمشي بالعكس ونرجع للماضي نحو الاحتمالات الاقل والترتيب؟ لان ده بيحتاج شغل وجهد اكبر عكس التوزيع.

يعني تخيل في مكتب عليه عشرين حاجه، موبايل، كتاب، لوحه، دميه، الي اخره، بعدين انا قلبت المكتب، مستحيل كل حاجه تقع او تتحرك بشكل منظم لان الانتشار وقتها هو الحدث الاكثر احتمالاً للحدوث، العشرين حاجه ممكن تتجه لملايين الاتجاهات، لكن لو قلتلك رجع كل حاجه لمكانها الطبيعي الاول مفيش زاويه مختلفه ولو بنسبة 0.00001 هل هتعرف؟ نظريا اه لكن عملياً محتاج جهد ضخم اكبر بكتير من انك تبعثر الاشياء.

وبس قولي رأيك في كومنت ولو في موضوع حابب اتكلم عنه عرفني. 🤍

تعالي اشرحلك ازاي:

انت لما بتبص في السماء في الليل من الشباك بتشوف نجوم كتير، الحقيقه انت مش شايف النجوم دي، انت شايف ماضي النجوم، النجوم دي ممكن يكون في منها اللي اتوفي او اتحرك من مكانه او مش موجود بأي شكل لكن انت شايف الماضي شايف لما كانت هنا لكن هي حالياً حالياً مش هنا.

وده ببساطه بسبب بعدها عننا، النجوم بعيده عننا. بمسافات ضخمه الضوء اسرع شئ في الكون بسرعة 300 الف كيلو متر في الثانيه بياخد سنين بسبب المسافة عشان يوصلها، وده حجر الاساس اللي هنتكلم عنه وسبب اننا بنشوف ماضي النجوم.

المسافه بين الارض والقمر حوالي 384 الف كيلو متر ف الضوء لو حب يتحرك للقمر هيوصل ف حوالي 1.3 ثانيه، والضوء اللي جي من القمر بيوصلنا فنفس المده طبعاً، معني كدا اننا مش بنشوف القمر الحالي بل بنشوف ماضيه من 1.3 ثانيه بس لكن دي مده بسيطه جدا خلينا نبعد اكتر في بحر الفضاء.

المسافه بين الشمس والارض 150 مليون كيلو متر الضوء بيستغرق حوالي 8 دقايق و 20 ثانيه عشان يوصلنا ف احنا لما بنبص للشمس احنا بنشوف ضوئها اللي خرج من 8 دقايق و20 ثانيه مش بنشوف ضوئها الحالي وضوئها الحالي هيوصلنا لسه بعد 8 دقايق و20 ثانيه ف بالتالي مستحيل تشوف ضوء الشمس من لحظه خروجه فنفس الوقت لازم هتشوف ماضيها، وعشان تفهم الفكره لو الشمس اختفت فجأه احنا مش هنعرف الا بعد 8 دقايق و20 ثانيه لما اخر نقطة ضوء خرجت منها توصلنا.

طب احنا بنتكلم ف ثواني ودقايق محتاجين حاجه ابعد من كدا، وهما هنتكلم علي “بروكسيما سينتوري” اقرب نجم لمجموعتنا الشمسيه، اقرب نجم لينا ده بيبعد عننا اربع سنين ضوئية! يعني الضوء محتاج اربع سنين عشان يوصلنا منه، ف حرفيا لو شفته في السماء انت مجرد شايف الضوء اللي خرج منه من اربع سنين فاتوا يعني النجم ده لو اختفي او اتحرك او او او انت مش هتعرف الا بعد اربع سنين لما اخر نقطة ضوء خرجت منه توصلك، انت بس شايف ماضي النجم ده من اربع سنين لكن حاليا وارد يكون مش موجود عادي وانت متعرفش.

والنجوم اللي بنشوفها في السماء بالليل كلها علي مسافات ابعد بكتير ملايين السنين الضوئيه يعني انت شايف ماضي النجم من ملايين السنين، يعني لو افترضنا ان في نجم علي بعد 66 مليون سنه ضوئيه وانت حاليا واقف عليه وطلعت منظار كوني عملاق وبصيت علي الارض من المسافه دي كلها انت هتكون شايف لحظة انقراد الديناصورات اللي حصلت من 66 مليون سنه.

مجرة “اندروميدا” مثلا دي اقرب مجرة لمجرتنا “درب التبانه” بتبعد عننا 2 ونص مليون سنه ضوئيه يعني لو في كائن فضائي بيتفرج علينا من علي المجره دي هيكون شايفنا من 2 ونص مليون سنه مش حالياً واحنا كمان بنشوف ماضيها من 2 ونص مليون سنه مش حالياً.

قولي رأيك في كومنت ولو في موضوع حابب اتكلم عنه عرفني. 🤍

كلنا خدنا في المدارس ان العنصر الكيميائي للماء هو H²O او بمعني ابسط ذرتين هيدروجين وذرة اكسجين واحده تنتجلنا ذرة ماء، فنفس الوقت احنا عارفين ان الاكسجين اكتر عنصر بيساعد علي الاشتعال وسبب انك متقدرش تشعل نار في الفضاء هو عدم وجود اكسجين في الفضاء، والهيدروجين من اقوي واسرع المواد اشتعالاً، العنصرين دول الهيدروجين والاكسجين بيستخدموا في الصواريخ الفضائيه النار الضخمه اللي بتطلع خلف الصاروخ واللي بتدفعه لحد الفضاء ده بسبب الهيدروجين والاكسجين مع بعض.

طيب ازاي المايه متكونه من اكتر مواد اشتعالاً وهي نفسها اللي، بنحطها علي النار عشان تطفي ليه مش بتزود النار؟

الحقيقه لأن الماء في الاساس هو نتاج التفاعل الكيميائي اصلا بين الهيدروجين والاكسجين، يعني تقدر تقول ان الماء في الاساس منفجر او اشتعل مش لسه هيشتعل، كأنك جبت العاب ناريه واشعلتها واستنيتها تنفجر بعدين خدتها تاني تشعلها تاني ومستنيها تنفجر مره تانيه مستحيل هي خلاص انفجرت وحصل التفاعل وده النتاج بتاعها الحالي.

يعني انت لو جبت علبه فارغه وحطيت فيها غاز هيدروجين وغاز اكسجين وقفلت عليهم وبطريقه ما دخلت ليهم نار هيحصل انفجار وتفاعل كيميائي وبعد ما تفتح العلبه هتلاقي جدران العلبه فيها بلل وده لان الماء انتج من التفاعل بين الهيدروجين والاكسجين.

ف الماء غير قابل للأشتعال لان هي اصلا وجودها بسبب ان الاشتعال تم خلاص.

ومش بقول ان المايه والبحار والمحيطات موجوده بسبب ان تم اشتعال كمية ضخمه من الهيدروجين والاكسجين لا، كلها موجوده بسبب الامطار اللي نزلت علي مدار ملايين السنين بقدرة الله، لكن القصد ان تركيبة المايه نفسها مكونه من الهيدروجين والاكسجين متفاعلين مع بعض من الاساس عشان كدا الماء غير قابل للأشتعال رغم تكونها من اكتر المواد اشتعالاً وبس.

قولي رأيك في كومنت ولو في موضوع حابب اتكلم عنه عرفني. 🤍

الحديد اللي بتشوفه يومياً فأي مكان تقريبا وفي بيتك واللي موجود في موبايلك وفي جسمك نفسه وفي كل شئ تقريباً، مستحيل تكوينه علي كوكب الارض، والحديد اللي موجود حالياً نازل من الفضاء لم يُصنع علي الارض.

ربنا بيقول في سورة الحديد الآية رقم 25: ﴾وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ﴿

ربنا قال ‟وانزلنا الحديد”معني كدا ان الحديد انزل الي الارض، ومكنش موجود في البدايه.

وبالفعل العلماء اكتشفوا ان عنصر الحديد مستحيل تكوينه علي الارض مفيش اي تكنولوجيا تقدر تكون حديد حالياً ولا مستقبلاً، وتكوين هنا القصد بيها ان ندمج شئ ب شئ ف ينتجلنا حديد زي بالظبط الماء مكون من هيدروجين واكسجين نقدر ندمج الاتنين مع بعض بتفاعل كيميائي ويتنجلنا ماء، وعناصر كتير جدا نقدر نكونها، لكن الحديد اللي مفيش شئ ندمجه يعملنا حديد او في لكن مستحيل دمجه بالتكنولوجيا علي الارض وهشرحلك ليه.

اول حاجه منين وصلنا الحديد اصلا منين نزل؟

الحديد بيتكون في قلوب النجوم بعد الانفجار والنيازك كل ده وصلنا الحديد علي الارض من بداية تكون الارض من مليارات السنين، وده خلى الارض مليانه بالحديد اليوم.

الاول خلينا نعرف دورة حياة النجم المثيرة جدا الي انتاج الحديد.

النجم عشان يفضل متماسك في الفضاء وسط ضغط الجاذبية محتاج طاقه ضخمه توازيها تدفعه للخارج فيفضل محافظ علي نفسه من الانكماش، والطاقه دي بتيجي من الاندماج النووي داخل النجم.

الاندماج النووي

الاندماج النووي بيحصل علي 6 مراحل بينتهي بالحديد مع وفاة النجم.

البدايه بتكون مع عنصر الهيدروجين النجم بيتكون في البدايه معظمه من الهيدروجين في قلبه بتكون درجة حرارة القلب تقريبا 15 مليون درجة مئويه الحراره دي كفيله تدمج الهيدروجين في بعض ويتكون عندنا عنصر الهيليوم، ومع العمليه دي بيختفي جزء من كتلة النجم وتتحول لطاقه اضخم حسب معادلة اينشتاين E = mc² وده اللي بيخلي النجم مضئ.

ثانياً، بعد نفاذ الهيدروجين طاقه النجم بتزيد وحرارة النجم بتوصل ل100 مليون درجة مئويه، الحراره دي كفيله تدمج ذرات الهيليوم فبعض ويطلع لينا عنصر الكربون.

ثالثاً، خلينا فاكرين ان كل عملية اندماج يتحول جزء من النجم لطاقه اضخم بتتحول لحرارة، دلوقتي حرارة النجم اصبحت 600 مليون درجة مئويه وزي ما اتعودنا الحرارة دي قادره تدمج الكربون فبعض ويطلع لينا عنصر النيون.

رابعاً، تصل درجة حرارة النجم الي مليار درجة مئويه تدمج النيون ويطلع لينا الاكسجين.

خامساً، طاقه اكبر ف الاكسجين يندمج ف يطلع عناصر اكتر من ضمنها السيليكون.

سادساً واخيراً، طاقه النجم تكبر وتدمج السيليكون ويطلع لينا أخيراً الحديد.

هنا بقي الحديد من اكتر العناصر استقرارًا تقريبا ودمجه مع نفسه او عنصر تاني مش بينتج طاقه بل يستهلكها، فبمجرد وصول النجم للحديد يتوقف عن انتاج الطاقه ف مفيش شئ يقاوم الجاذبيه ف ينهار القلب في اقل من ثانيه، ف الجاذبيه تبدأ تضغط النجم لحد ما يوصل لمساحة تقريبا 20 كيلو متر فقط لكن بكتلة توازي كتلة الشمس متخيل! ف بيتحول لنجم نيتروني او بأسم تاني النجم الطارق او النجم الثاقب او النجم النابض كلها اسامي لنفس النجم، وربنا ذكره في القرأن في سورة الطارق اللي بتقول: ﴿وَالسَّمَاءِ وَالطَّارِقِ * وَمَا أَدْرَاكَ مَا الطَّارِقُ * النَّجْمُ الثَّاقِبُ﴾. وده لأنه بيدور 700 لفه في الثانيه الواحده وبيطلع صوت زي نبض القلب وممكن تشوفه من الارض، احيانا بنبص في السما بنشوف نجم بيطفي ويضيء بسرعه زي مصباح قديم بيرتعش، زمان كانوا بيقولوا لينا ده قمر صناعي لكن هو ده النجم النيتروني.

بعدها النجم بيتوفي وبينفجر في انفجار من اعظم الانفجارات بتسمي بالمستعر الاعظم او “SuperNova”

وبيطلق الحديد وبعض العناصر الاخرى بعيداً في الفضاء.

وعشان كدا مينفعش تدمج مواد وتصنع حديد علي الارض لانك محتاج حراره بتساوي 3 مليار درجة مئويه وضغط قوي قد ضغط الشمس هل هتقدر توفر المكونات دي علي الارض وتصنع حديد؟ مستحيل.

قولي رأيك في كومنت، ولو في موضوع حابب اتكلم عنه عرفني. 🤍

كام مره اتمنين شئ او حلمت بشئ وحصل عكسه وحسيت ان الحياة ضدك وان ليه الحياة متتحركش حسب ما اتمني، ليه الحياة مش عادله.

الحقيقه عكس كدا، الحقيقه انت لما يحصلك حدث سئ عكس ما تمنيت عارف تعمل ايه؟ تفرح، افرح؟ افرح ان حصلي حدث سئ مكنتش اتمناه؟ بالظبط، تعالي معايا هشرحلك السبب.

مبدأياً خلينا متفقين ان كل احداث حياتنا بأحلاها وبأسوءها مكتوبه من قبل ولادتنا، طيب ده يثبتلنا ايه؟ ان الحدث السئ اللي حصلك مكتوب يعني بكل حال من الاحوال هيحصل هيحصل بأرادتك او بدونها، ومفيش شئ اسمه انا لو مكنتش ف المكان ده في الوقت ده مكنش هيحصلي الحدث ده، لا كان هيحصل، طالما مكتوب يحصلك الحدث ده يوم الخميس الساعه 07:46 و17 ثانيه فهيحصلك بغض النظر انت فين في الوقت ده.

طيب مش، كل شئ زي ما ليه بداية ليه نهاية ولا في حاجه بتدوم طول العمر؟ طبعا كل شئ زي ما ليه بداية بدأ منها ليه نهاية هينتهي منها من ضمنها الحدث اللي حصلك او الحزن او اي شئ سئ مهما كان هينتهي هينتهي.

تعالي نتخيل شئ بسيط كدا، تخيل نفسك اتولدت فعالم بدون سكر مفيش شئ اسمه سكر ف العالم ده مفيش شئ اسمه تحليه في العالم ده بشكل عام، هل مكنتش هتشرب شاي او قهوه او تاكل كيك او شوكولاتة او كل شئ بيتحط ليه سكر فالعالم بتاعنا؟ الطبيعي انك هتاكل وتشرب كل الحاجات دي وهتكون متعود عليها جدا بل كمان لو جيت ليك ف العالم ده وقلتلك تخيل انك اتولدت فعالم فيه شئ اسمه سكر بيتحط في الحاجات دي غالباً هتستغرب، هتقول انا مستحيل احط حاجه زي كدا فالشاي او القهوه لان مجربتوش ولا تعرف طعم السكر بالنسبالك شئ غريب جدا ومش قادر تتخيل طعم الشاي بيه هيكون ايه، لكن انت ف العالم الحالي عندك السكر كتير فعادي جدا ممكن يكون مش متخيل طعم كل الحاجات دي من غير سكر هيكون ايه.

طيب ده ايه علاقته بموضوع المقال؟

الموضوع ده ينطبق جدا علي الحزن والفرح، انت لو محصلكش، احداث سيئه وحزنت وعدا عليك اوقات شدة مستحيل مستحيل مستحيل تحس بطعم الفرح ليه؟ للان الفرح هيكون وقتها موجود طول الوقت لدرجه تخليك تنسي طعمه، ونسيانك ووجود الفرح بشكل دائم هيعمل عندك نوع من انواع التشبع، انا بقيت شبعان من الفرحه فمش حاسس بيها انا عايز فرح اكتر واكتر.

فوجودك الحزن من الاساس سببه انه يخليك تحس بالفرحة لما تيجي بدون الحزن وعايش حياتك كلها سعيد مش هتحس بطعم السعادة ف الحزن موجود بغرض الفرح من الاساس.

كام مره كنت شغال علي شئ ومنجحش او كنت عايز شئ ما ومكملش او جالك عكسه او او او، وبعد فتره اكتشفت ان لو كان جالك اللي بتتمناه وقتها او اتفتحلك الباب اللي كنت بتتمناه ودخلته كان هيقابلك تعب وعدم راحه وانك اكتشفت ان اختيار ربنا طلع احسن من اللي كنت بتتمناه وخير ليك عن اللي اتمنيته، دايما اي شئ تتمناه وميحصلش هتكتشف بعد فتره انه كويس انه محصلش والا كنت هتتعب ومش شرط تكتشف لان دي حكمة ربنا انت المفروض من نفسك يكون عندك اليقين الكافي اللي يخليك اول ما يحصل عكس ما تمنيت تقول اكيد مكنش خير ليا وواثق ف الله انه هيديني احسن منه حزنك علي القدر ده قلة ثقه ف الله وده مش صح تخيل القدر مبني من عشر ادوار انت واقف في الدور الاول باقي المبني ده فعلم الله مش في علمك انت بس مش شايف غير الدور الاول.

والموضوع كمان فيه جزء نفسي وهو انك بتتمني انا عايز ده وده وده ولما اكبر اكون ده وبعد سنه هجيب الموبايل ده، وتكتشف ان بعد سنه مكنش معاك مبلغ الموبايل ده او ان اللي اتمنيته مش ماشي مع ظروفك ف كان من الطبيعي ميحصلش لكن بسبب انك اديت الموضوع اهميه كبيره وحصل الطبيعي حسيت بحزن رغم لو فكرت فيها هو كان طبيعي يحصل، مثلا بعد سنه هجيب الموبايل ده طب انا فخلال السنه دي اشتغلت؟ حوشت فلوس؟ جمعت تمنه؟ لا، اذا كان الطبيعي ان السنه تخلص ومتجيبش الموبايل.

الحل الصح تدعي بالخير ليك واللي علي مقدرتك، بأذن الله اجيب موبايل كويس، بأذن الله ادخل تخصص كويس ليا متحددش حاجة بعينها ادعي انه يكون خير ليك وبس اياً كان اللي جالك هيكون خير ليك وارضي بيه.

وفي النهاية ربنا مش بيجيب شر ابدا لو في حاجه حصلت عكس ما تمنيت ده لأن ربنا اعلم بمستقبل الحاجه دي معاك اللي اكيد كان هيكون شر ف بعدها عنك واداك حاجه احسن وخير ليك ممكن تكون مش حاببها لكن مع الوقت هتحبها لما تكتشف ان ده خير اكتر ليك.

شاركني رأيك في كومنت، ولو في موضوع حابب اتكلم عنه عرفني. 🤍

هل الالعاب الإلكترونية ادمان ام مهاره؟

الموضوع ده بيعتمد علي الشخص نفسه لو كانت الالعاب بتلهيك عن حياتك ودراستك وصلاتك وكل ما يخص حياتك هنا تتحول لإدمان، لكن لو الموضوع غير كدا يبقي موضوع تاني وده اللي جي اتكلم عنه.

معنوياً

الالعاب الإلكترونية من اكتر الحاجات اللي بتدعمك معنوياً، كل جيم تكسبه، كل تشجيعه من اصحابك او من اللعبه نفسها، كل ده بيدعمك نفسياً، الالعاب أحياناً بتدعم وبتديك اللي مش بتاخده من اقرب الناس، الالعاب هي الركن الدافئ في برد الشتاء، هي اللي بتصفي عقلك فيها بعد يوم طويل جدا ومتعب، والموضوع مش محتاج اكتر من موبايلك.

اجتماعياً

اجتماعياً الالعاب بتخليك تتواصل مع اي حد فأي وقت وتكون صداقات من اي مكان في العالم وتتكلم معاهم بالصوت وتشجعوا بعض وتهزروا وتضحكوا مع بعض فألالعاب كمان من اكتر الحاجات اللي ممكن تبعدك عن الوحده وتضيع من عليك الملل.

مادياً

لو هنتكلم مادياً فألالعاب كمان تعتبر من اقوي مصادر الدخل من البيت، لايڤات الجيمينج تعتبر من اكتر اللايڤات مشاهده ودعم مادي، في استريمرز بيعملوا ملايين الدولارات شهرياً من الالعاب، ف لو قدرت تبني جمهور ليك وحولت الالعاب لمصدر دخل ليك فأنت هيكون عندك مصدر دخل قوي جداً.

مهارياً

مهارياً الالعاب بتقوي وتزود عندك حاجات كتير منهم:

• رد الفعل السريع

• الذكاء

• التركيز

• الشجاعه

• الثقافه

• التفكير تحت ضغط

وغيرهم كتير.

طب ايه الدليل ان الالعاب بتعمل كل ده؟

العاب الباتل رويال زي فري فاير، بابجي، كول اوف ديوتي، او العاب البقاء والبناء زي ماين كرافت، او العاب الموبا زي موبايل ليجيندز، ليج اوف ليجيندز، هونر اوف كينج، العاب التركيز زي الشطرنج والسودوكو، والالعاب القصصيه والعاب المهمات، وغيرهم وغيرهم كل دول بيزودوا عندك رد الفعل السريع، الذكاء، التركيز والتخطيط، الشجاعه، والثقافه.

ليه؟ لان الالعاب دي مش مجرد بتدخل تكسب او تخسر وتخرج، الالعاب دي لو اتأخرت فقرار حرفياً ربع ثانيه ممكن تخسر، ف ده مع الاستمرار بيخلي عندك نوع من انواع رد الفعل السريع وتقدر تاخد قرارات صح وسريعه فحياتك مش بس في الالعاب، الموضوع ده بيزود كمان الذكاء والتخطيط لان الاهم من القرار هو امتي هتاخده وقبل ما تهاجم خصمك هتهاجمه ازاي، هتعمله كمين ولا هتهاجم مباشر ولا هتدور وتهاجمه من وراه، كل دي خطط وقرارات لازم تاخدها ف اقل من ثانيه والا خصمك هيسبقك في القرار وتلاقي نفسك خسرت.

والشجاعه لأن وارد جدا تقابل خصم اقوي منك او وارد فريقك يتم اقصاءه وتكون لوحدك ضد فريق كامل وانت ضعيف لأنك لوحدك، ف هل هتقدر تقصي خصمك الاقوي منك؟ هل هتقدر تهاجم فريق كامل وانت لوحدك بأستخدام ذكائك وتقصيهم لوحدك؟ كل دي قرارات محتاجه شجاعه وهل هتقدر وتفكر تحت ضغط عشان تقدر تفوز ولا هتستسلم وتقول مش هقدر؟

وجزء الثقافه ده لأن زي ما قلتلك انت ممكن تلعب وتتعرف علي ناس كتير من كل العالم سواء عرب او اجانب وتكون صداقات معاهم وتتعلم عن ثقاقتهم من كلامك معاهم وهما يتعلموا من ثقاقتك من كلامهم معاك، ومش ده الموضوع بس اللي بتتثقف منه، الالعاب حاليا مش حاجه خياليه، الالعاب بتستخدم اسامي اس. لحه حقيقيه وموجوده في الواقع وانواع ذخيرتهم وطرق التلقيم واستخدامها كل ده بيكون نفس الحقيقه بالظبط، واسامي شخصيات حقيقيه وجمل بتتقال وقت المعارك في الواقع كل ده كمان بيزود ثقافتك، ولو انضميت للخدمه العسكريه حرفياً مفيش حاجه هتكون غريبه عليك لان الالعاب تقريبا اديتك فكره عن كل شئ انت شايفه امامك.

وفي النهاية كل شئ فيه الحلو والسيء لكن الالعاب مش بالسوء الضخم اللي اتربينا عليه من اهلنا بل ان ممكن 10% بس سوء و90% لا وال10% دول هما الناس اللي قلت عليهم في البداية خالص وهما اللي بيضيعوا حياتهم واهلهم وصلاتهم ودراستهم واعمالهم ف سبيل اللعب ده هو الغلط الحقيقي وهنا الالعاب تتحول لأدمان، لكن لو انت بتخلص كل اشغالك وبتلعب وقت فراغك ف انت كدا صح، العب وقت فراغك كله عادي بشرط انك بتنجز كل مهامك في وقتها ف انت كدا ماشي صح ومفيش اي مشكله وبس.

شاركني رأيك في كومنت ولو في موضوع حابب اتكلم عنه عرفني، وشاركني ايه الالعاب اللي بتحب تلعبها. 🤍

: واللغز كالآتي

الشرطي وقف ال 3 لصوص امام بعض زي طابور وجاب 5 قبعات 3 لونهم احمر و 2 لونهم ازرق، الشرطي لبس التلاته قبعات عشوائيه وطلب منهم لو واحد بس عرف لون قبعته هيسيب التلاته يهربوا الترتيب كان ان اللص الاخير شايف الوان قبعات اللص التاني والاول اللي امامه واللص التاني شايف لون قبعة اللص الاول اللي امامه بس واللص الاول مش شايف اي حاجه، الشرطي سأل اللص الاخير ايه لون قبعتك ؟ قال مش عارف، سأل اللص التاني ايه لون قبعتك ؟ قال مش عارف، سأل اللص الاول اللي مش شايف ولا واحد ايه لون قبعتك ؟ قال احمر الشرطي قال صح والتلاته هربوا، طب ازاي عرف؟ يلا نحل اللغز مع بعض.

اللص رقم واحد

اللص رقم واحد في الصورة اللي هو الاخير لما بص للأتنين لو كان شاف الاتنين لابسين قبعات لونهم ازرق كان هيعرف بسرعة ان هو لابس قبعه حمراء لان مفيش غير اتنين ازرق بس ف لو كان شاف الاتنين امامه لابسين ازرق كان هيعرف انه لابس احمر لكن هو قال معرفش.

اللص رقم اتنين

اللص رقم اتنين استنتج من رد اللص رقم واحد ان هو واللص رقم تلاته مش لابسين قبعات لونهم ازرق مع بعض والا كان اللص رقم واحد عرف انه حتماً لابس احمر، ف اللص رقم اتنين عنده اختيارين يا هو واللص رقم تلاته لابسين قبعات لونهم احمر يا واحد فيهم ازرق وواحد فيهم احمر، ف لو اللص رقم اتنين شاف اللص رقم تلاته لابس قبعه لونها ازرق هيعرف انه لابس كدا قبعة لونها احمر وهيقول الاجابة ليه؟ لان زي ما اتفقنا بناءً علي رد اللص رقم 1 مستحيل الاتنين يكونوا لابسين قبعات زرقاء مع بعض يا الاتنين لابسين قبعات احمر يا واحد احمر وواحد ازرق لكن الاتنين ازرق مستحيل والا كان اللص رقم واحد قال اجابته، المهم اللص رقم اتنين نظر علي قبعة اللص رقم 3 امامه شافه لابس قبعة لونها احمر ف رده كان مش عارف لان اللص اللي امامه لابس قبعة لونها احمر وزي ما اتفقنا في احتمالين يا الاتنين لابسين احمر يا واحد احمر وواحد ازرق مستحيل الاتنين يكونوا لابسين ازرق، ف لو كان شاف اللص امامه قبعته زرقاء كان هيعرف ان قبعته حمراء لان مستحيل الاتنين يكونوا لابسين قبعات زرقاء هما الاتنين ف لما شافه لابس قبعه لونها حمراء كدا اتشتت لان كدا قبعته ممكن تكون حمراء، وممكن زرقاء فرده كان مش عارف.

اللص رقم تلاته

اللص رقم تلاته اللي مكنش شايف ولا حد لكنه استنتج من ردود اللص الاول والتاني، وهما ان اللص الاول لو كان شاف اللص التاني والتالت لابسين قبعات لونهم ازرق كان هيعرف انه لابس احمر وهيقول اجابته لان مفيش غير قبعتين زرقاء، لكنه قال معرفش معني كدا ان الاتنين امامه شافهم مش لابسين ازرق مع بعض، واللص التاني استنتج ان كدا هو واللص رقم تلاته لابسين هما الاتنين قبعات حمراء او واحد لابس قبعة حمراء وواحد زرقاء، لو اللص رقم اتنين شاف اللص رقم 3 قبعتة زرقاء معني كدا هو لابس احمر لان زي ما اتفقنا مينفعش الاتنين يكونوا لابسين قبعات زرقاء مع بعض لكنه قال معرفش معني كدا انه مشافش اللص رقم 3 لابس قبعة زرقاء، وعشان كدا اللص رقم 3 فهم ان قبعته حمراء وقال الاجابه وحل اللغز وبس.

قولي رأيك ولو في موضوع حابب اتكلم عنه عرفني🤍

في الحقيقه السفر بالزمن ممكن مش خيال لكن مش زي الافلام اعمل آلة زمن واظبط التاريخ وادخل جوا وسافرت لا، لكن في الواقع ونظرياً هو ممكن وخليني اشرحلك ازاي.

علي حسب نظرية النسبيه لأينشتاين وهو كل ما جسم قرب من سرعة الضوء اللي هي بتساوي تقريبا 300 الف كيلو متر في الثانيه الواحده كل ما جسم قرب من السرعه دي الزمن بيمر عنده ابطئ، بمعني لو انا عايز اسافر للمستقبل واتحركت بنسبة 99% من سرعة ف ده هيخلي، الزمن عندي يمر ابطئ بمعني لو عدا عليا يوم في العالم العادي ممكن يكون عدا عشرات السنين وانا عدا عليا يوم واحد بس لان الزمن بالنسبالي ابطئ ومش مجرد احساس ده فعلياً بيمر ابطئ.

اينشتاين كمان بيقولنا في النظرية ان لو اتحركت بسرعة 100% من سرعة الضوء الزمن عندي هيتوقف تماماً يعني عشان يمر عليا ثانيه واحده محتاج يمر علي الارض عدد لانهائي من السنين لان الزمن عندي واقف فعلياً.

كمان بيقول فيها ان لو تخطينا بقي سرعة الضوء الزمن عندي هيبدأ يتحرك بالعكس وهبدأ ارجع بالزمن مش اتقدم.

يعني الموضوع كدا بالظبط:

بتحرك بسرعة قريبه من سرعة الضوء = هسافر للمستقبل.

بتحرك بسرعة توازي سرعة الضوء = الزمن عندي هيتوقف.

بتحرك بسرعة اسرع من سرعة الضوء = هبدأ اسافر للماضي.

طيب ليه الموضوع محصلش لحد دلوقتي؟ الفكره ان بعيداً عن اننا معندناش اصلا التكنولوجيا اللي تخلينا نتحرك بالسرعات دي بس حتي لو عندنا ف النظرية كمان بتقولنا ان اي جسم ليه كتله من ضمنها الانسان مينفعش يفكر يقرب من سرعة الضوء لان عشان نتحرك بالسرعة دي، محتاجين طاقه لانهائيه وده مستحيل وكل شئ ليه كتله يعني حتي لو اخترعنا في المستقبل صاروخ بيتحرك بسرعة الضوء الصاروخ نفسه ليه كتله ف محتاج طاقه لانهائيه ف عملياً مستحيل.

طب تخيل قدرت تتغلب علي كل ده وبالفعل سافرت بالزمن هل الموضوع هيكون طبيعي؟

لا لان لو ده حصل انت بتكسر قوانين الفيزياء حرفياً وده هشرحهولك في مفارقة الجد.

ايه هي مفارقة الجد… مفارقة الجد بتقول انك لو رجعت بالزمن وقتلت جدك قبل ولادة والدك معني كدا ان والدك مجاش ف بالتالي انت كمان مجيتش طب لو انت مجيتش مين رجع بالزمن وقتل الجد؟ فبالتالي كدا الجد عايش ووالدك عايش وانت اتولدت ورجعت بالزمن وقتلت جدك ف والدك متولدش وبالتالي انت متولدتش طب مين قتل الجد؟ معني كدا جدك عايش ووالدك اتولد وانت اتولدت وتبدأ تدخل في مفارقة لانهائية مستحيل الخروج منها.

طب الاهم هل مفيش اي حالة سفر بالزمن حصلت ابدا من بداية التاريخ؟ الحقيقه في حالة واحده لكن مش بالشكل اللي احنا متوقعينه.

اللي حصل ان كان في رائد فضاء عنده اخ توأم، رائد الفضاء سافر فمهمه مع وكالة ناسا الفضائيه قعد فيها 340 يوم كان فمركبة بتلف حول الارض بسرعة 28 الف كيلو متر في الساعه، رائد الفضاء ده بعد ما رجع من المهمه عملوا اختبار عليه هو واخوه التوأم لقوا ان الاخ اللي كان في الفضاء اصبح اصغر عن اخوه التوأم وهما في الحقيقه توأم متطابق جداً في كل حاجة تقريباً يعني فعلياً هو سافر بالزمن لكن طبعا بنسبة لاتذكر كانت تقريبا 2 علي الف ثانيه يعني 0.002 ثانيه للتبسيط اكتر كأنك قسمت ثانيه علي الف جزء خد بقي اتنين من الالف جزء دول هي دي المده اللي الاخ اللي كان في الفضاء صغر عنه فيها لان الزمن عنده اتحرك ابطئ قليلاً عن اخوه اللي علي الأرض وهو مش صغر فعلياً بل ان الاخ اللي كان علي الارض هو اللي كبر.

اللي شاف فيلم interstellar هيفهم الموضوع لما “كوبر” نزل علي كوكب ميلر اللي كان قريب من ثقب اسود وقعد فيه 3 ساعات بس وقتها عدا علي الارض 23 سنه، واللي حصله مش انه اتحرك بسرعة كبيره لكن في نفس نظرية النسبيه بتقول ان كلما زادت الجاذبيه الزمن مر ابطئ و "كوبر" ساعتها كان علي كوكب قريب من ثقب اسود والثقب الأسود جاذبيته جباره لدرجة قادر بمتص سرعة الضوء فالزمن مر عليه ابطئ وفي احداث الفيلم اضطر يقرب مره تانيه من الثقب الاسود وفي النهاية لما رجع الارض لقي بنته اصبحت اكبر منه.

وطبعا الكبر اللي حصل لأخو رائد الفضاء اللي اتكلمنا عنه قليل جدا بالشكل ده لان سرعته كانت قليله جدا اه 28 الف كيلو متر في الساعه بالنسبالنا كبشر سرعة عالية لكن بالنسبه للسفر بالزمن وسرعة الضوء الخرافية دي سرعة ضعيفه جدا لان زي ما اتفقنا لازم تتحرك بسرعة قريبة من سرعة الضوء علشان نبدأ نشوف فرق ملحوظ و28 الف كيلو متر في الساعه بتساوي تقريباً 0.0026% من سرعة الضوء وده رقم صغير جداً عشان كدا الفرق بين الاخوين مكانش كبير لكن لو هنحسبها علمياً ف ده يعتبر علمياً سفر بالزمن وتحقيق نظرية النسبيه علي ارض الواقع وده يثبتلنا ان لو قدرنا نتحرك بسرعات اكبر بكتير جدا جدا الفرق ممكن يبقي اكبر وممكن يوصل لسنين مش مجرد 2/1000 من الثانيه.

طب ليه كل حاجة بنقيسها بسرعة الضوء لأن سرعة الضوء علي حسب النظرية هي السرعة القصوي للكون بتاعنا مفيش شئ يقدر يتخطاها، الا الكون نفسه فقط الكون بتاعنا دائما في توسع بسرعة اكبر من سرعة الضوء.

وبس عرفني رأيك ولو في موضوع حابب اتكلم عنه عرفني🤍

الفكره بكل بساطة ان كلمات زي:

• سيارة

• مدرسة

• شجرة

لو ثنيتها او جمعتها او ربطها في كلمه بعدها هنا هتظهر التاء، مثال:

• سيارتان

• سيارات

• سيارةُ الرجل

في كل الحالات دي هتلاقي ظهور للتاء.

عكس كلمات زي:

• انتبه

• وجه

وغيرهم كل دول بينتهوا ب هاء اصليه بمعني ان لو كمان ثنيتها او جمعتها او ربطها في كلمه بعدها هتفضل هاء مش هتتغير زي:

• وجهان

• وجُوه

• وجهُ الرجل

في كل الحالات فضلت هاء.

طب ليه منقولش سياره ووقت ما نحولها او نحطها فجملة نبقي نكتبها بالتاء المربوطة؟

لأن الموضوع ده بيرجع لأصل الكلمه بمعني كلمة وجه لو الهاء عمرها ما تتغير وهتفضل هاء يبقي تتكتب بالهاء اسهل علشان تكون واضحة، انما كلمه زي مدرسة التاء المربوطة وقتها فأي جملة هتتحول تاء يبقي تتكتب بالتاء المربوطة اسهل… وبس كدا🤍

طب هل الموضوع مستاهل كل العناء ده؟

الحقيقه لا وهفهمك ليه، الاول بص معايا علي الصوره دي.

أولاً:

دي نتايج الثانويه للقليل من اشهر وانجح الناس فمصر، اغلبهم تقريبا 80% او اقل، تخيل لو كل واحد من دول كان اكتئب او انت. حر مكنش هيبقي الشخص الموجود دلوقتي بالتأثير اللي عمله واللي الناس بتفتخر بيهم دلوقتي.

ثانياً:

تخيل تدرس 16 سنه وبعد ما تخلص دراستك كاملة تاخد الشهاده وتروح تشتغل بيها ف شركه كبيره صاحب الشركه الكبيره دي بيكسب ملايين شهرياً وفي الواقع كان ساقط دراسياً، مش هتحس نوعاً ما انك احسن منه والمفروض تكون انت اللي مكانه لانك متعلم ومخلص تعليمك وهو لالا وهو عنده شركه بتكسب ملايين شهرياً واغني منك وانت مجرد موظف عنده اه مرتبك كبير لكن عمره ما هيخليك غني زيه.

الحقيقه الموضوع مش بيمشي كدا او بمعني تاني مش معني شخص متعلم اكتر من شخص يبقي الشخص المتعلم يستحق نجاح مالي اكتر من الشخص الغير متعلم لان موضوع النجاح المالي مش بيعتمد علي التعليم بشكل اساسي، طب الموضوع بيعتمد علي ايه بالظبط؟

الموضوع بيتلخص في كلمه واحده “المشاريع” المشاريع هي السبب الرئيسي الاول في ان شخص يحقق نجاح مالي، مثال بص حواليك في فمنطقتك او بلدك كام مصنع وكام شركه وكام محل وكام مول وكام ڤيلل وعربيات غاليه كتير صح؟ طيب فكرك كل الناس اصحاب الحاجات دي كلها جابوها بمرتبهم الشهري بشهادتهم المدرسيه؟ طبعا شئ مستحيل انت عشان تجيب بس شئ واحد من الحاجات دي محتاج تشتغل موظف عمرين فوق عمرك فطبعاً الموضوع عمره ما كان بالشهاده المدرسه او انك تشتغل موظف فمكان كبير مهما كان مرتبك عشر الاف عشرين الف تلاتين خمسين الف وده مستحيل بس تخيل لو ده مرتبك مازال عمره ما يجيبلك ڤيلا ب عشرات الملايين زي الشخص اللي هناك ده.

طيب ازاي شخص ممكن يحقق النجاح المالي اللي بيحلم بيه؟ زي ما اتفقنا المشاريع، في ناس اول تسمع كلمة مشروع تقول واجيب فلوس المشروع منين فأعتقادهم المشروع محتاج الاف وطبعا في مشاريع بتحتاج كدا لكن فنفس الوقت في مشاريع برأس مال بسيط جدا يمكن تمن غداك يومين ممكن تفتح بيه مشروع ويجيبلك مكسب كبير وكويس وممكن تطور مشروعك اكتر ف وقت مش كبير ابدا وكل ما تطور المشروع المكاسب بتكتر، وبعد فتره صغيرة من تطوير مشروعك ممكن تفتح مكان صغير وبعد فتره تكبره وزي ما اتفقنا كل ما تطور وتكبر مشروعك المكاسب بتزيد “طور اكتر تنجح اكتر”

لو فضلت مستمر بالشكل ده اضمنلك ان بعد سنين قليله هيكون معاك شركتك او عملك الخاص اللي بيجيبلك المكاسب الكبيره والنجاح اللي بتحلم بيه وانت كمان اللي بتشغل الناس فالمكان بتاعك والفلوس هتكون بتوصلك وانت نايم في بيتك.

طب هل ده يقلل من الدراسه بشكل عام؟ طبعا لا الدراسه مهمه وانك تعمل مشروع ده في الاساس محتاج فهم اولاً، لكن اللي اقصده ان الدراسه مش بالاهميه القصوى اللي الناس بتديهالها واني أذي نفسي بسبب نتيجه مش كويسه او ادخل فحالة اكتئاب، الدراسه هي خطوه واحده من خطوات النجاح مش هي النجاح نفسه وعدم توفيقك فيها مش معناها انك فشلت مجرد خطوه وقعت منك تقدر تكمل طريقك من غيرها وتقدر تدرس حاجه بنفسك وتفهم عن فتح المشاريع و ادارتها وتبدأ وتنجح ووقتها هتلاقي ان الدراسه مكنتش عاقك أبداً.

في النهاية مش ورقة امتحان اللي هتحدد نجاحك من فشلك، مش هي اللي هتخليك غني او فقير الموضوع عمره ما كان بالشهاده المدرسيه لكن:

_ الدراسه مهمه؟

= اه مهمه

_ متوفقتش فيها احزن واكتئب؟

= لا، لسه تقدر تنجح عادي جداً

قولي رأيك في كومنت ولو في موضوع حابب اتكلم عنه عرفني. 🤍