við siglum inn í haustið í góðri stemningu. guð blessi ykkur kæru hlustendur.

Read more

Read more

guð blessi ykkur. ekki hika við að senda á mig allar pælingar. lengst

Read more

dýpra inn í sannleikann kæru hlustendur. takk fyrir allt.

Read more

Read more

Read more

Ég mun gera allt sem í valdi mínu stendur til þess að vernda framtíðar-son minn frá þessum áhuga. Þeir sem geta retard-maxxað næringuna sína eru hamingjusamasta fólk sem ég þekki - borða bara eftir tilfinningu, pæla ekkert í mat, og setja orkuna sína í annað.

En mín reynsla af lífinu hefur kennt mér það að allt sem þú taldir eitt sinn vera bölvun breytist í blessun. Stærstu þjáningar lífs míns hafa gefið mér guðdómlegar gjafir. Engar undantekningar á þessu.

Núna er eitthvað nýtt að gerast hjá mér. „This time it’s different“. Ég sver!

Ég er kominn djúpt ofan í Ray Peat kanínu-holuna. Keypti mér þjálfun hjá sérfræðingi á internetinu og fékk skýra greiningu og prógram hjá honum. Næstu 90 daga veit ég nákvæmlega hvað og hvernig ég á að næra líkamann minn.

Það munu fáir skilja það hvað mér líður vel að hafa skýra stefnu og einhverskonar aðhald eða yfirvald með mér í liði. Litla tilfinningin sem segir mér að ég sé að borða vitlaust og líkaminn sé að öskra á eitthvað nýtt er að hverfa.

Ray Peat er endastöðin í næringu. Flestir sem koma hingað hafa verið vegan og carnivore og allskonar annað. Hann var líffræðingur, heimspekingur og mikill king. Hugmyndirnar hans eru djúpar og flóknar með engin skýr fyrirmæli eða sérstakt mataræði. Það er ekki hægt að selja einhverjum þessar pælingar á 15 mínútum - og þess vegna á þetta ekki erindi til massans og mun sennilega alltaf vera í burtu frá meginstraumnum.

Til þess að fatta þetta þarftu að skera djúpt inn að beini og raunverulega kynna þér málið. Hormónar, stress, skjaldkirtill, melting og allskonar annað flókið. Ég er búinn að vera í miklu geðrofi með gervigreindinni að læra allt um þetta. Í mjög einföldu máli snýst þetta um að koma líkamanum þínum úr skorti og stressi yfir í allsnægtir og gleði. Þú gerir það með því að byggja upp þol fyrir kolvetnum og þannig geturðu hægt og rólega aukið brennsluna þína.

Þjálfarinn minn gaf mér skýr fyrirmæli um hvaða bætiefni ég á að taka og hvað ég á að borða og hvenær. Síðan mæli ég hitastigið á líkamanum mínum á hverjum morgni og þannig sjáum við árangurinn. Því hærra hitastig því betri er brennslan þín.

Það sem er svo stórkostlegt við þetta er heildræna nálgunin. Þú ert að taka líkamann þinn úr því að keyra á cortisoli og adrenalíni yfir í ró og allsnægtir. Tilgangurinn er að auka orkuna þína. Hvað gæti mögulega verið mikilvægara en að auka orkuna sína?

Vandamálið með kerfið mitt er að ég hef í mörg ár verið hræddur við kolvetni, fastað mikið og borðað lítið. Núna erum við vinna úr þeim skaða hægt og rólega. Fyrstu tvær vikurnar á ég að borða bara endalaust af kaloríum. Er að slurpa í mig mikið af mjólk hehe. Síðan förum við dýpra og lengra inn í þetta með tímanum.

Það er hægt að læra mikið inn í Ray Peat heiminum. Þetta er samfélag af fólki sem elskar frelsi, fegurð, orku og pepp. Að þurfa að læra meira um líffræði hefur dýpkað sýn mína á heiminn og gefið mér aukinn skilning á ýmsu sem ég fattaði ekki áður.

Svona virðist alheimurinn virka. Hann gefur þér eitthvað óyfirstíganlegt vandamál sem þú hatar. Þú færð þráhyggju. Ferð af stað inn í sársaukann og viðbjóðinn - og síðan allt í einu kemurðu út hinum megin sterkari og með eitthvað sem þú vissir ekki að þú þyrftir.

Það verður spennandi að sjá hvað þetta ferðalag ber í skauti sér. Markmiðið er að gleyma öllu sem ég hef lært og læra fullkomlega á líkamann upp á nýtt. Taka hann úr þessu stress-ástandi sem hann hefur verið í í mörg ár. Síðan byggjum við upp hið fullkomna forn-gríska form.

Svo kemur eitthvað nýtt.

Njótið vel kæru vinir. Stórir hlutir á leiðinni.

Read more

Þessi þáttur segir frá sambandi tónskáldsins Richard Wagner og heimspekingsins Friedrich Nietszche. Tveir alvöru leikmenn sem spiluðu leikinn á hæsta stigi.

Wagner var lærifaðir N en svo sinnaðist þei…

Read more

Þessi þáttur gerir tilraun til þess að svara því hvort það sé þess virði að standa og falla með þínum eigin persónulega sannleika.

Engin auðveld svör að sjálfsögðu. En það er gaman að þessu.

Guð blessi ykkur kæru hlustendur.

Við erum búin að færa okkur yfir á Substack, miðill sem samræmist okkar…

Read more

Rosalegur apríl hjá mér. Allt í einu fór ég að vakna á hverjum degi bólginn og þreyttur eins og einhver hefði læðst inn til mín um nóttina og barið mig í svefni. Ég hef aldrei upplifað svona crashout áður. Á kvöldin gat ég ekki slakað á en var samt þreyttur. Taugakerfið var á brútal yfirsnúningi.

Í þannig ástandi fær maður engar göfugar hugmyndir, getur ekki skapað neitt, og allt snýst um að lifa af.

En Guð er mesti snillingur allra tíma að láta mig ganga í gegnum þetta af því að væntanlega setur þetta mig af stað djúpt ofan í nýja og spennandi kanínuholu.

Hvað er í gangi? Hvað er þetta? Hvað er taugakerfið? Hvað er stress? Hvers vegna næ ég ekki að slaka á? Hvers vegna vakna ég á nóttunni?

Ég veit ekki hvað það var sem lét mig crasha. Það gæti verið vinnutengt eða einhverjar gamlar geðshræringar að láta á sér kræla. Nenni ekki að eyða of mikilli orku í það. Að öllum líkindum var þetta þó að ég skipti of hratt yfir há-kolvetnamataræði. Var að svolgra í mig hráu hunangi og endalaust af ávöxtum - vissi ekki að það þyrfti að byggja upp kolvetnaþolið sitt hægt og rólega. Síðastliðin ár hef ég verið hræddur við kolvetni og mestmegnis borðað fitu og prótín. Peppaði smá yfir mig.

Það fallega við þetta crash var að ég djúpfattaði með líkamanum að raunveruleg heilsa er heildræn. Fullkomlega heildræn. Þú getur ekki tekið styttri leiðir að þessu. Slepptu einu aspekti og ekkert virkar.

Svefninn skiptir mestu. Ef þú sefur vel þá langar þig til þess að hugleiða, anda, lesa, skrifa, labba, lyfta, hlægja, vinna, hitta fólk og borða hollt.

Núna veit ég allt um svefn - og er búinn að taka róttæka djúpa innri ákvörðun að forgangsraða honum fram yfir allt.

Til þess að sofa vel þarf taugakerfið að vera rólegt. Þú getur tekið öll bætiefni í heiminum en ef kerfið er ekki í ró mun svefninn vera lélegur sama hvað.

Stóra nýja uppgötvunin í þessu öllu saman hjá mér var mikilvægis morgunljóssins. Líffræðilega klukkan og sólin eru að stjórna þessu öllu hjá okkur. Líkaminn er milljón ára gamall og verður að fá skilaboð frá umhverfinu hvort það sé morgun eða kvöld. Þess vegna verðurðu að fá ljós frá sólinni um leið og þú vaknar.

Stórmeistarinn í þessum hugmyndum er Dr. Jack Kruse. Mikill fríþenkjari og snillingur sem segir að allt snýst um ljós. Hann býr í El Salvador og er líka Bitcoin maximalisti - eins og allir alvöru menn. Ef þetta vekur áhuga þinn þá mæli ég með að hann og Andrew Huberman í podcastinu hans Rick Rubin.

Það er allskonar annað sem ég byrjaði að gera til þess að laga svefninn eins og að hafa kalt í herberginu, öndunaræfingar, mikið myrkur, borða kvöldmat snemma, sofna alltaf á sama tíma - en það er eitthvað í mér sem segir að morgunljósið hafi verið stærsta breytan.

Ljósið er einmitt svolítið eins og Bitcoin, um leið og þú ert búinn að sjá þetta þá geturðu ekki afséð þetta. Sannleikurinn er kröftugur.

Taugakerfið hefur alltaf verið flókið fyrirbæri fyrir mér. Aldrei skilið það almennilega - og svosem ekki haft ástæðu eða áhuga til - fyrr en það bilaði hjá mér. Bestu pælingarnar í þessum efnum eru eftir Dr. Porges - Polyvagal Theory.

Yfirsnúningurinn hjá mér þýddi að kerfið mitt var fast í fight & flight. Kom mér ekki í ró á kvöldin þótt ég væri þreyttur. Hefði ég haldið svona áfram myndi ég enda í freeze og það þýðir kulnun og klárun. Martröð martröð martröð.

Skilvirkasta leiðin til þess að koma þér í ró eru öndunaræfingar. Besta leiðin er Buteyko. Ég notaði líka HRV öndun.

Líkaminn á að geta rekið sig sjálfur. Skilningur á taugakerfinu hjálpar manni að gera honum kleift að gera það. Þú átt ekki að þurfa margra klukkutíma rútínu á kvöldin til þess að vera heilsuhraustur.

Lífið á að vera spennandi ævintýri fullt af sköpun og ævintýrum. Það eru hlutir að fara gerast: partý, útlönd og allskonar annað. Því betra sem kerfið þitt er að höndla það því betra líf áttu. Anti-fragile.

Núna er ég kominn aftur á beinu brautina. Þetta var algjör viðbjóður. Heill mánuður af rugli.

Ég vakna á hverjum degi brosandi, fæ mér ljós, skrifa, hugleiði, anda og fer út í daginn að skapa og berjast. Er byrjaður að æfa líkamsrækt niðri í Primal og skynja mikinn sannleika og heildræna nálgun þar. Vitað af því í mörg ár en aldrei verið tilbúinn fyrr en nú.

Almættið getur ekki hætt að blessa mig. Ég er svo djúplega þakklátur að hafa lent í þessu crashouti. Lærdómurinn sem kom til mín og skilningurinn á tilvistinni dýpkaði umtalsvert. Hefði þetta ekki gerst hefði ekki hvarflað að mér að fara ofan í þessa kanínuholu.

Leikurinn er leikurinn og við spilum til að vinna. Meiri orka, meiri sköpun, meira frelsi og meiri fegurð. Það byrjar allt saman með rétt stilltu taugakerfi; stjórn á því hvernig manni líður og hvað maður ætlar að gera. Enginn aumingjaskapur og enginn sjálfsvorkunn. Fulla ferð, dýpra inn í sannleikann.

Forfeður okkar horfðu á apríl sem nýtt upphaf og endurræsingu frekar en Janúar. Sólin mætir, fólkið rankar við sér úr rotinu og blómin fara að blómstra.

Þangað til næst kæru lesendur. Það verður spennandi að sjá hvað maí felur í skauti sér. Lengra!

hvernig getur maður stanslaust verið að læra eitthvað nýtt og hoppa úr einu yfir í annað og láta það ganga?

hvernig raunverulega lærir maður?

finnið mig á instagram @bergthormasson - þar er broadcast channel fyrir hlustendur.

Read more

Þarna var ég fullkomlega samfélagsmiðlalaus og fókuseraður á það að lesa og skrifa í miðju vibe-shifti - ennþá með smá heilavírus.. en samt alltaf lengst.

Mjög fyndið að hlusta á þetta í dag og hlusta á sársaukann í manni þarna. Trúði á þunglyndi og að neikv…

Read more

Skilaboð móttekin. Ég fann hana á Spotify. Á fyrstu mínútunum vissi ég. Þetta var sú tegund uppgötvunar þar sem maður hættir við öll verkefni dagsins og bara… hlusta hlusta hlusta.

Bókin er 25 klukkutímar. Ég kláraði hana á nokkrum dögum og byrjaði svo strax aftur. Gat ekki hætt. Heilög orka beint í æð.

Ég er að tala um bókina Reality Transurfing eftir rússneska eðlisfræðinginn Vadim Zeland. Huldumaður sem forðast athygli. Við vitum ekkert um hann. Tjáir sig einungis í gegnum bækur - og tekur það skýrt fram að hann sé ekki að skrifa þetta. Það er verið að skrifa í gegnum hann.

Heimurinn er spegill. Þú brosir - hann brosir. Reyndu að breyta spegilmyndinni á annan hátt - og sjáðu hvernig þér gengur.

Guð minn almáttugur hvað þetta er einfalt.

Þú ræður öllu. ÖLLU. Þú ert nú þegar að velja þér þinn veruleika. Spurningin er bara hvort þú gerir það meðvitað.

Heiminum er ekki stjórnað af pólitíkusum eða ríkri elítu. Honum er stjórnað af stórum orkusvelgum sem hafa eitt markmið - að stækka og ná fleirum á sitt vald. Þetta eru pendúlar.

Indland er pendúll. Gucci er pendúll. Kanye er pendúll. Bitcoin er pendúll. Sósíalismi er pendúll. Miðflokkurinn er pendúll. Islam er pendúll. ESB er pendúll.

Pendúll deyr þegar að fólk hættir að hugsa um hann. Ekki þegar fólk er ósammála honum - þegar fólk gleymir. Þess vegna eru haterar hjálparar. Þeir halda pendúlnum lifandi með athygli. Neikvæð eða jákvæð - skiptir ekki máli.

Allir sem hafa afrekað eitthvað merkilegt hafa byggt eigin pendúl - meðvitað eða ómeðvitað. Taylor Swift. Gandhi. Kristin trú. Jón Sigurðsson. Pendúll verður til með athygli fólks - síðan fær hann sitt eigið líf.

Sumir rífa niður og aðrir byggja upp. Þegar pendúlar skynja að aðrir pendúlar séu að taka orku af sér gera þeir árás. Matrixið og Einstaklingurinn. Bandaríkin og Íran. Drake og Kendrick.

Þú þjónar alltaf einhverjum pendúl. Flestir velja aldrei hvaða. Þeir eru bara teknir með af þeim stærstu og hávaðasömustu. RÚV. Instagram. Menntakerfið. Atvinnulífið.

Þegar þú skilur pendúlana kemur næsta spurning - Hvað viltu raunverulega? Ekki hvað foreldrarnir þínir vilja. Ekki hvað samfélagið - pendúlarnir - vilja fyrir þig. Hvaða líf þú vilt.

Þetta líf þarf að vera sjálfsagt fyrir þér. Eins og að panta mat á veitingastað. Þú velur. Stundum kemur maturinn seint - en það hvarflar ekki að þér að hann muni ekki koma.

Því meira mikilvægi sem þú setur á eitthvað - því meira hrindirðu því frá þér. Peningar, konur, árangur, sköpun, viðurkennig - þetta verður ALLT að vera sjálfsagt.

Þá kemur það.

Það er einhver sérstök rússnesk mystík í þessu sem talar djúpt inn í sálina mína. Tungumálið er frumlegt og skýrt - og fagurfræðin í kringum þetta er heillandi.

Ég er búinn að lesa allar helstu bækurnar um þessi málefni: Hvernig geturðu fengið Guð til þess að gefa þér það sem þú vilt?

Þessi er sú besta.

Lífið er spegill sem býður upp á milljón milljarða möguleika. Þú velur hvað þú sérð í þínum.

njótið vel og guð blessi ykkur

Read more

www.bergthormasson.is

að finna út úr því hvað þú átt að skapa ofl.

guð blessi ykkur kæru hlustendur.

Read more

Við svörum því - einnig er það mikilmennska Laufeyjar og hvernig maður þjónar og býr til virði.

Read more

Við setjum okkur í gang og förum yfir stöðuna hér heima og úti í heimi.

Njótið vel!

Healing Back Pain eftir John Sarno. Um leið og ég kom út í bíl keypti ég hana á Audible og byrjaði að hlusta á leiðinni heim. Daginn eftir tók ég hana svo tvisvar í gegn. Hlustaði og gerði ekkert annað.

Sársaukinn er ekki í bakinu. Hann er í höfðinu. Niðurbældar tilfinningar - reiði, ótti, þrýstingur - lifa í líkamanum. Líkaminn skapar sársauka til þess að þú þurfir ekki að mæta tilfinningunni á bak við hann.

Mér hefur verið illt í vinstra mjóbakinu frá því ég var unglingur. Sérfræðingar og sjúkraþjálfarar. Teygjur og æfingar í ár og ár. Ekkert gekk.

Bókin sagði mér að hætta öllu. Hætta að teygja, hætta að gera æfingar. Hætta að lifa eins og veik manneskja. Heilbrigð manneskja lifir bara - hún þarf ekki að gera þetta.

Þegar þú trúir því að þú sért bakveikur - þá ertu bakveikur. Ég hafði trúað þessu í tuttugu ár.

Síðastliðin ár hef ég verið heltekinn af hugmyndinni um að lækna taugakerfið mitt til þess að ná öllum markmiðunum mínum. Gera það sterkara. En í rauninni var ég bara að senda líkamanum ítrekuð skilaboð: þú ert veikur. Hann trúði mér.

Þetta er ekki í fyrsta skipti sem bók klárar mig. Ég hætti að nota nikotín eftir svæsna áralanga neyslu þökk sé Easy Way To Stop Smoking eftir Allen Carr. Sami höfundur frelsaði mig frá sykri líka.

Hugurinn lýgur að manni og segir „þetta getur ekki verið svona einfalt“. En jú. Þetta er svona einfalt. Þú getur hætt að vera bakveikur, nota nikotín og borða sykur. Einfaldlega með því að taka ákvörðun og hætta að trúa sögunni sem þú hefur sagt þér um sjálfan sig.

Þessi stóra uppgötvun litaði febrúar-mánuð. Ég fór að slaka töluvert á allri rútínu. Fattaði að heilbrigður einstaklingur myndi ekki lifa svona. Sigurvegarinn sinnir því sem þarf að sinna, iðkar það sem þarf að iðka - og gerir það glottandi. Hann lifir í jafnvægi sverðs og penna.

Ég er búinn að lesa fullt í mánuðinum. Nietszche, Halldór Laxness og sjálfsævisögu Henry Ford meðal annars. Það sem stendur upp úr er bókin King, Warrior, Magician, Lover: Rediscovering Masculinity Through the Lens of Archetypal Psychology’ eftir Robert L. Moore.

Þetta eru erkitýpurnar fjórar sem leynast í sálinni þinni. Stríðsmaðurinn, galdrakarlinn, elskhuginn og konungurinn. Heill karlmaður er sá sem nær að samþætta þær allar og fullorðnast í leiðinni.

Ég er að tengja við þetta á djúpu leveli þessa dagana. Stríðsmaðurinn í mér er að vakna eftir langan dvala. Samfélagið okkar bælir hann hvað mest niður í karlmönnum. Það þarf ekki nema að kíkja í Bónus til að líta öll þessi sigurðu karldýr augum.

Það er canonical viðburður í lífi hvers hugsandi Íslendings að láta Halldór Laxness klára sig. Núna er hann að gera það við mig í annað sinn.

Ég var búinn að gleyma því hvað gaurinn tók þetta gjörsamlega alla leið. Reis upp á hæsta stig skáldskaparins. Tók stærstu hindrun sína - að skrifa á örtungumáli fyrir örþjóð - og breytti henni í sannleiksaflið sem knúði allt áfram.

Ég hef verið að lesa Heimsljós. Textinn er svo magnaður að manni verður stundum flökurt.

Unga fólkið í dag veit ekki hvað þetta er mikið stórmenni. Við þurfum að koma honum til skila til Gen Z. Búa til kvikmynd.

Í mér hefur alltaf blundað draumur um að kvikmynda HKL: Ástarsaga eftir Pétur Gunnarsson - þroskasaga Halldórs. The come up. Ekkert í uppruna hans eða umhverfi benti til þess að þetta væri hægt. Eina leiðin fyrir hann var að fara til útlanda. Sem hann gerði.

En það er ekki rétti tíminn núna fyrir svona verkefni. Gervigreindin er að verða betri með hverjum deginum. Það sem kostaði 5 milljarða mun kosta 5 milljónir. Eina sem þarf er sýn og saga.

Í Key Habits var þriggja daga vinnustofna um persónulegar yfirlýsingar.

Þú kjarnar hver þú ert. Hvað þú stendur fyrir. Býrð til stjórnarskrá fyrir lífið þitt. Afhverju gerirðu það sem þú gerir? Hverjum ertu að þjóna?

Þegar stórt er spurt.

Ef maður veit þetta verður maður ósigrandi. Bandaríska stjórnarskráin færði okkur lýðræði, Google, Kanye og Aneglinu Jolie. Skýrleikinn og sannleikurinn í henni færði mannkynið upp á hærra plan.

Öll fyrirtæki og stofnanir reyna að búa svona stjórnarskrá til. En ef starfsfólkið veit ekki hver sín eigin gildi eru - getur það ekki lifað eftir gildum fyrirtækisins.

Þetta er búið að senda mig í mikla naflaskoðun. Það er stór munur á því að vita næstum því hver þú ert - og vita það nákvæmlega.

Það mun taka tíma að klára stjórnarskránna mína. Mun birta hana þegar hún er tilbúin.

Þetta helst allt í hendur. Sannleikurinn er til og það er undir hverjum og einum komið hversu djúpt maður vill fara. Ég verð að skera inn að beini.

Orkan í samfélaginu breytist með hækkandi sól. Léttara fyrir venjulega fólkið að koma sér upp. Ég fer spenntur inn í mars.