Има работи што е доволно да ги кажеме еднаш, а има и такви на кои вреди да се потсетуваме повторно и повторно. Ова писмо го напишав за Огнен и Елена на 1 септември 2025. Но кога повторно го прочитав, сфатив дека не сакам да остане писмо од еден 1 септември, сакам да биде писмо за СЕКОЈ 1 септември.

Затоа што децата растат, се менуваат одделенијата, наставниците, предметите, предизвиците, но некои пораки не застаруваат, само можеби секоја година ги читаме малку поинаку. Затоа решив ова да стане една наша мала традиција - секој 1 септември повторно да ги ставам овие десет пораки во ранецот на Огнен и Елена.

А можеби некоја од нив ќе посакате да ја ставите и во ранецот на вашето дете. 💛

Ова писмо не е за да ви објаснам што е училиште, тоа ќе го откриете сами, чекор по чекор, ден по ден, година по година. Ова писмо е мој обид да ви понудам мапа, не за тоа како да стигнете до нешто, туку како да патувате низ нешто што се вика училиште, а понекогаш изгледа како лавиринт. Сакам да знаете што мене ми требаше многу години да научам (и уште учам). Сакам да знаете дека училиштето не е само зграда со ѕвонче и табли, туку е главната вежбанка за животот.

Ако можев да ви ставам една реченица во училишниот ранец, таа ќе беше:
„Не бегајте од грешките - таму е школото.“

Живееме во време кога децата (а и ние големите) с(м)е под огромен притисок да бидеме „совршени“, совршени оценки, совршено однесување, совршен изглед… Иако училиштето би требало да има друга цел да ви помогне да станете и останете повеќе „ЈАС“, а не да ве претвора во… зошто тоа не се случува не е тема на ова писмо, туку темата е што сакам да знаете за училиштето за да уживате во патувањето.

На секое прсте по една порака:

1. Грешките се добредојдени гости

Не се бега од нив, се учи од нив. Грешките често покажуваат дека сте биле храбри и сте пробале нешто ново. А секој обид е чекор напред. Затоа многу често ве потсетувам „нема неуспех, има само резултат“. Тоа е ставот #КакоМОЖЕ на дело. Никој никогаш не направил нешто што направило промена без да направи многу грешки, кои не ги криел туку учел од нив #КакоМОЖЕ следниот пат подобро, побрзо, помудро...

2. Оној што знае како да учи, ќе знае како да живее

Училиштето не е меморирање на факти кои не се логично и функционално наштимани за да знаете како да ги употребувате. Туку да научите како се учи. Како се истражува. Како се размислува. Како се поставуваат прашања. Тоа се вештини кои ќе ве водат цел живот. А посебно во времето што ве чека затоа што промената се забрзува секојдневно и денешните правила нема да важат утре. Брзо учете, брзо одучувајте и брзо преучувајте…

3. Успехот не значи да знаете сè, туку да продолжите дури и кога не знаете

Она што се брои е да не се откажувате. Постои една скриена вештина која училиштето не ја оценува, а е клучна - упорноста. Оваа лекција ја добив од дедо ви кој знаеше да каже „т`п ама упорит“ постигнува сè, и ви ја подарувам вам.

4. Изборот на ставот е во вашите раце

Кога нешто не ви оди како што треба, запрашајте се:

• Што можам да научам од ова?

• #КакоМОЖЕ да го гледам ова поинаку?

Вашата перцепција е ваша најголема моќ, внимавајте на кого му дозволувате да влијае на неа. Исто како што не се пие вода од секој извор, не се учи ни од секој човек, независно која титула ја носи. Или ако подобро размислам тие даваат исто вредна лекција, а тоа е лекцијата - Како НЕ треба.

5. Не морате да имате сè смислено уште сега

Многу од нас и како ГОЛЕМИ сè уште живееме со избори и одлуки донесени во детството, со голема веројатноста дека не сме ги донеле самостојно туку под влијание на други големи, во период кога деловите од мозокот важни за планирање, проценка и донесување одлуки сè уште се развиваат (претфронтален кортекс, дел од мозокот задолжен за такви одлуки).

И да, јас и во моите години уште размислувам што сакам да бидам кога ќе пораснам и менувам, не сум посадено дрво. Така да не е ваша задача да го имате целосно осмислено животот уште сега, ова е време за истражување, експериментирање, а патот секогаш се појавува кога ќе тргнете.

6. Вашата вредност не зависи од оценките

Вие не сте бројка. Вие сте личности, со соништа, карактер, емоции и уникатен начин на размислување. Можете да имате „лоша“ оцена и пак да бидете ѕвезда во нешто што не се мери со стандардите на училиштето и во оценки. Преку мојата работа научив дека луѓето кои знаат да го најдат своето „зошто“ и да одржат став на благодарност, растат многу подалеку од оценките на дневникот. Јас сигурно знам дека не сум горда кога ќе си ја погледнам дипломата од средно, но затоа сум совршено горда со она што го имам сработено.

7. Фокусот е супервештина

Во свет на постојани нотификации, научете да го чувате вашето внимание како највредно богатство. Тоа ќе ви служи повеќе од било кој апдејт на апликација. Малкумина ја имаат оваа вештина, а вие сега имате време да ја вежбате секој ден. Не дозволувајте на секој што е гласен, светка или… (овој тренд се менува и не заслужува повеќе од два збора) да ви шета по мислите. Кога јадеш расипана храна телото ја исфрла преку добропознатите места, но сте размислувале ли како се исфрлаат „расипаните“ мисли… преку вашето делување.

8. Можете да побарате помош и да останете силни

Да кажете „ми треба поддршка“ не е знак на слабост, тоа е знак дека сте доволно храбри да не се откажете, а јас ова го научив како голема, би сакала вие да растете со ова знаење.

9. Популарноста е шум, вашиот глас е важен

Во свет каде сите сакаат да бидат „видени“, важно е да не се изгубите себеси. Бидете гласни за тоа што е важно за вас. Не морате да бидете дел од секој муабет, изберете ги оние што вредат. И да некои луѓе може ќе мислат дека сте „глупи“, но секој има право на свое мислење, така?

10. Бидете благодарни секој ден

Благодарноста не значи дека е сè совршено. Туку дека во секој ден ќе најдете нешто што е совршено дури и кога не е лесно. Таа ќе ви помогне да гледате пошироко, да не се изгубите во ситниците и да се движите со полно срце.

Некои од овие пораки гледам дека фатиле здрав корен и растат, додека други со надеж вредно ги полевам секој ден, а за некои чистам плевел од вашата градина, но тоа е родителувањето.

Огнен, Елена, со ова писмо не сакам да ви кажам што треба да бидете. Туку да ве потсетам дека секогаш имате избор како да гледате, како да учите, како да избирате. И дека, без разлика на училиштето, светот или трендовите, вие веќе сте доволно добри такви какви што сте.

Ве сака,
Мама ❤️

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Ако сето тоа е вистина... тогаш што всушност можеме да направиме како родители? Мислам дека во многу од нас има една тивка желба, да ги заштитиме нашите деца од разочарувања, неуспеси, тага, страв, ако можеме... да им го расчистиме патот. Но, секое дете ќе доживее ден кога ќе биде тажно, ќе згреши, ќе биде одбиено, ќе се посомнева во себе, тоа е дел од растењето, дел од боите на животот.

Прашањето никогаш не е дали тоа ќе се случи, туку што ќе направи кога ќе се случи?

Дали ќе остане заробено во таа мисла? Или ќе знае како повторно да се врати кај себе? Токму тука почна да се раѓа идејата за семејната книга #ВолшебнотоКИЛИМЧЕ. Не како приказна што ќе им ги избрише тешките моменти, туку како потсетник дека секој од нас има способност свесно да го насочи своето внимание, да си постави подобро прашање и повторно да стапи во контакт со своите сили и внатрешни ресурси. Затоа што вистинската магија никогаш не била во килимчето, туку отсекугаш била во детето и во возрасниот што ќе му покаже дека секогаш постои пат назад. Назад кон мирот, кон љубопитноста, кон храброста, назад кон вербата дека „сè уште не можам“ не значи „никогаш нема да можам“.

Можеби токму тоа е една од најважните животни вештини што можеме да им ги пренесеме на нашите деца. Не како да избегнат тешки моменти, туку како да не им дозволат тие да го кажат последниот збор. Кога ја пишував #ВолшебнотоКИЛИМЧЕ, не сакав да создадам само уште една детска приказна. Сакав да создадам алатка што ќе им помогне на родителите и децата да разговараат за нешто што ретко го учиме. Како свесно да се вратиме во состојба во која повторно можеме да размислуваме, да учиме и да го дадеме најдоброто од себе.

А можеби... токму тоа е и една од задачите на родителството, да воспитаме деца што нема да имаат совршен живот, туку деца што ќе знаат повторно да се вратат на себеси, без разлика што ќе им донесе животот.

А ако оваа серија ве поттикна барем за миг да погледнете поинаку на човечкиот ум, на родителството или на разговорите што ги водите со своите деца... тогаш ја исполни својата цел.

Затоа што понекогаш една нова перспектива е почеток на една сосема нова приказна.

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Ако искуствата се толку важни... зошто понекогаш едно единствено лошо искуство успева да ги засени десетте добри?

Замислете дете кое десет пати успешно чита на час, единаесеттиот пат ќе згреши и наставничката ќе го коригира.

Кога попладнето ќе го прашате: „Како помина на училиште?“

И ќе ви одговори: „Лошо.“

Кога ќе ви објасни што се случило вие на тоа не гледате како денот да бил лош туку само еден момент бил непријатен.

Па сепак... токму него мозокот го избрал да го понесе дома.

Зошто?

Затоа што нашиот мозок не е создаден првенствено за да нè направи среќни, создаден е за да ни помогне да преживееме. Тоа е наследство што го носиме од нашите предци. Со илјадници години тие живееле во свет каде пропуштената опасност можела да значи живот или смрт. Оној што навреме ќе ја забележел змијата, ќе го слушнел шушкањето во грмушките или ќе го запомнел опасното место, имал поголеми шанси да преживее. Затоа мозокот постепено развил навика многу побрзо да ги забележува и памети непријатните искуства отколку пријатните. Тоа било одлична стратегија за преживување.

Но денес... истата таа стратегија понекогаш прави еден неуспех да изгледа поголем од десет успеси. Токму затоа улогата на родителот не е да се преправа дека лошото не се случило. Ниту да каже – не се секирај ништо страшно. Затоа што за детето... во тој момент навистина е страшно. Нашата задача не е да го тргнеме вниманието од непријатното искуство, туку да му помогнеме да не остане заробено во него.

Наместо веднаш да даваме утеха или решение, можеме да бидеме љубопитни, да прашаме:

„Што мислиш дека можеш да научиш од ова?“

„Ако ова му се случеше на твојот/ата најдобар другар/ка, што ќе му/ѝ кажеше?“

„Што би сакал/а следниот пат да направиш поинаку?“

Со овие прашања не го менуваме тоа што се случило, го менуваме начинот на кој детето ќе го запамети тоа искуство. Не ги менуваме фактите му помагаме да пронајде значење во нив.

На децата им треба некој што ќе им покаже, што ќе ги научи да откријат што можат да понесат со себе од тоа искуство, а не да им каже дека не е ништо страшно и дека ќе помине.

И токму од тоа размислување почна да се раѓа идејата за семејната книга #ВолшебнотоКИЛИМЧЕ.

Што ако постои едноставен начин детето свесно да се врати на ресурсите кои ги има во себе, а кои ќе му помогнат во тешките моменти?

Затоа што животот никогаш не е составен само од убави или само од тешки моменти.

За тоа...

следниот вторник.

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Додека го користев ChatGPT, почнав да размислувам за нешто сосема друго. Не што AI ќе нè научи да правиме... туку што AI може да нè научи за нас самите.

Не затоа што човечкиот мозок е компјутер, туку затоа што, за првпат, имаме технологија што нè потсетува колку е важно:

• какви прашања поставуваме,

• од кои искуства учиме,

• што паметиме,

• и што пребаруваме кога ни треба одговор.

И тогаш ми помина една едноставна мисла. Кога ќе му поставам прашање на ChatGPT, тој не измислува одговор од ништо. Тој пребарува низ знаењето со кое располага и врз основа на него создава одговор. Колку поквалитетни информации има... колку подобро е поставено прашањето... толку покорисен е и одговорот.

И тука се запрашав... Зарем не прави нешто многу слично и нашиот мозок?

Минатиот вторник зборувавме дека мозокот собира докази, но тие докази не ги создава сам. Тој учи од искуствата што ги живееме и токму тука ја видов најголемата сличност. AI не станува попаметен затоа што размислува, туку затоа што учи од податоците што му се достапни. И тука човечкиот мозок има една огромна предност. Не само што учи од искуствата, туку може и свесно да размислува за нив, да им даде ново значење и да избере што ќе направи следниот пат.

Прашањето никогаш не е дали детето ќе учи, тоа е неизбежно.

Прашањето е од што ќе учи?

И уште поважно... кои искуства неговиот мозок ќе ги зачува како најважни?

Тука повторно се враќаме на улогата на родителот, не можеме да го живееме животот наместо детето, но можеме да му помогнеме да забележи нешто што инаку би можело да го пропушти.

Да го прашаме:

„Што научи денес?“

„Што направи добро?“

„Што би пробал поинаку следниот пат?“

Токму со оваа побуда, барајќи подобри прашања пред неколку години почнав да ја развивам идејата #КакоМОЖЕ. Затоа што сфатив дека многу често не ни недостигаат одговори, ни недостигаат подобри прашања. Прашања што не го затвораат размислувањето... туку го отвораат. Од тие прашања подоцна се родија играта и картите #КакоМОЖЕ, како алатки што им помагаат и на децата и на возрасните кога ќе заглават во мислата „не можам“.

Со тие прашања не му даваме готови одговори. Му помагаме да научи како континуирано да ја гради сопствената база на искуства од која ќе ги бара своите одговори. И можеби токму тоа е една од најважните задачи на родителството, не да му го покажеме патот, туку да му помогнеме да научи како да го пронаоѓа.

Но ако искуствата се важни...

зошто понекогаш едно единствено лошо искуство успева да ги засени десетте добри?

За тоа... следниот вторник.

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Не е најважно што му се случува на едно дете. Најважно е што неговиот мозок ќе одлучи да запамети од тоа што му се случило. Тоа е една од најважните работи што ги научив низ годините работејќи со возрасни, родители и деца.

Замислете две деца кои, гледајќи од надвор, доживуваат истиот настан.

И двете паѓаат додека учат да возат велосипед. Едното станува, ја тресе прашината и повторно се качува, другото заклучува дека тоа едноставно „не е за него“.

Настанот е ист, но приказната што си ја кажуваат и заклучуваат во нивниот мозок е различна, а токму таа е клучна за следната одлука.

Со години верував дека најважно е децата да имаат повеќе убави искуства. Денес знам дека тоа не е доволно. Затоа што мозокот не ги зачувува сите искуства. Тој постојано селектира, одлучува што е важно, што ќе запомни и што ќе користи како доказ следниот пат кога ќе треба да донесе одлука.

Следниот пат кога ќе се соочи со предизвик и ќе каже: „Не можам.“

Мозокот не измислува одговор, тој пребарува, бара докази.

„Кога претходно не успеав?“

„Кога ми беше тешко?“

„Кога ми рекоа дека не сум доволно добар?“

Но ако во неговата „внатрешна библиотека“ има и поинакви докази...

„Кога бев храбар.“

„Кога успеав.“

„Кога не се откажав.“

„Кога некој веруваше во мене.“

...одговорот што ќе го добие ќе биде сосема поинаков.

Можеби токму затоа нашата улога како родители не е да ги заштитиме децата и да им ги решиме сите проблеми, тоа е невозможно. А и кога би било возможно... дали навистина би било паметно? Дали на тој начин не му го крадеме искуството и учењето. Јас постојано се потсетувам себеси – ако му ги решам сите проблеми на моето дете тоа нема да има ниту еден проблем освен мене – како НАЈголем проблем.

Нашата улога е да им помогнеме да изградат богата внатрешна библиотека од искуства на кои ќе можат да се потпрат кога животот ќе стане тежок. Затоа што не можеме секогаш да влијаеме на тоа што ќе им се случи. Но можеме да влијаеме на тоа што нивниот мозок ќе зачува како доказ за тоа кои се тие... и што сè можат да научат, создадат и станат.

Но што има сето ова заедничко со ChatGPT?

Искрено... кога првпат ја видов таа паралела, не можев неколку дена да престанам да размислувам за неа.

За тоа... следниот вторник.

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Тука ќе ги најдеш предизвиците, алатките, игрите, книгите и идеите што ги создадов со една едноставна желба – благодарноста да стане дел од секојдневието.

💛 Добредојде.

Можеби се прашуваш како започна приказната #Благодарам.

Во 2014 година одлучив да направам еден мал експеримент, да почнам секојдневно да искажувам благодарност.

И ако сум искрена, не започнав затоа што верував дека ќе ми го промени животот. Напротив, започнав со желба да проверам дали навистина има толку голема моќ каква што покажуваат многу научни истражувања.

Денес, повеќе од една деценија подоцна, можам да кажам дека тој мал експеримент прерасна во начин на живот. Полека сфатив дека благодарноста не е чувство што нè посетува само кога сè е добро. Таа е вештина што може да се развива, да се вежба, да се негува.

И токму затоа денес зборувам за #Благодарам како животна вештина.

Од таа идеја се родија книгите, игрите, медитациите, предизвиците, обуките и сите останати алатки што ќе ги најдеш на оваа страница.

Не затоа што верувам дека постои една совршена алатка.

Туку затоа што секој човек и секое семејство има свој начин на кој најлесно учи, расте и ја живее благодарноста.

Пред тебе е мапата на светот #Благодарам. Избери го патот што најмногу ти одговара.

Прва станица, 10-дневниот предизвик #Благодарам за големи

Ако првпат се среќаваш со #Благодарам, ти препорачувам да започнеш токму од тука. Предизвикот е создаден како едно мало 10-дневно патување низ различни идеи, вежби и перспективи кои ќе ти помогнат полека да ја развиваш благодарноста како животна вештина.

Не е потребно да бидеш позитивен/на цело време, ниту овој предизвик има за цел да ти го промени животот, туку целта е да си дозволиш да направиш свое искуство.

Живееме во едно интересно време... за некого ова е најстресното и најтешкото време за живеење. Но, ако погледнеме малку пошироко, живееме во време во кое човештвото направило огромен напредок, многу болести кои бришеле цели градови веќе ги нема, многу од болестите кои биле смртоносни сега се лечат со лекови од домашната аптека, имаме повеќе знаење, повеќе технологии и повеќе можности отколку кога било претходно… мислам дека се гледа во која насока сакам да ја поканам твојата мисла.

Но, исто така факт е дека луѓето генерално не се чувствуваат најдобро, која е причината, нема да навлегуваме, затоа што веројатно не е ни една, дополнително гледањето во вратата која не нè носи на место каде добро се чувствуваме нема да направи голема разлика.

Што велиш да отвориш една нова врата?

Подолу ќе ги најдеш сите денови од предизвикот, започни од првиот ден и движи се со свое темпо.

Направи искуство. 💛

Втора станица – Алатките на методологијата #Благодарам

Низ годините се родија различни алатки со една иста цел – да помогнат благодарноста полека да стане животна вештина.

Не постои една совршена алатка. Постои онаа што најмногу одговара за тебе и за твоето семејство во овој момент.

Семејни спомени и благодарност...

Семејната книга #Благодарам

Понекогаш највредните разговори започнуваат со едно едноставно прашање.

Семејната книга #Благодарам е создадена за родителите и децата заедно да разговараат, да ја негуваат благодарноста и да создаваат среќни спомени што ќе останат запишани.

Додека ја пополнувате книгата, благодарноста не ја развива само детето и ти добиваш можност да застанеш, да погледнеш со нови очи на секојдневието и да откриеш колку убави нешта веќе постојат во твојот живот.

Со текот на времето книгата станува многу повеќе од книга. Станува семеен споменар на мислите, разговорите и моментите на кои вреди повторно да им се навратите.

Дознај повеќе, на следниот линк.

Ако бараш нови идеи...

50+ идеи #Благодарам

Понекогаш не ни недостасува желба да ја негуваме благодарноста, туку идеја од каде да започнеме.

Книгата 50+ идеи #Благодарам содржи по една активност за секоја недела од годината и верувам дека секое семејство ќе може да го пронајде она што најмногу му одговара.

Не постои правилен начин да се практикува благодарноста.

Важно е активностите да имаат смисла за тебе и твоето семејство и да ве поттикнат да создадете и свои идеи. Понекогаш и една мала идеја е доволна за да започне една нова семејна традиција.

Дознај повеќе, на следниот линк.

Ако најлесно учите преку игра...

Играта е еден од најприродните начини на кои децата учат, а често и најлесниот начин возрасните повторно да се поврзат со нив. Во светот #Благодарам ќе најдеш повеќе игри и игровни алатки кои ја претвораат благодарноста во заедничко искуство, разговор и смеа.

Игра #Благодарам, бесплатна игра што децата сами ја изработуваат и можат да ја играат на три различни начини, линк за симнување

Картички #Благодарам, бесплатни картички за гејмификација на благодарноста, линк за симнување

Карти #Благодарам, три игри од нашето детство, збогатени со благодарност.

Карти „Што фали?”, игра за внимание, концентрација и забележување детали.

Коцка #Благодарам, визуелен потсетник што ги отвора разговорите за благодарност.

За картите и коцката дознај повеќе, на следниот линк.

Ако ти треба повеќе мир... тука се детските медитации

Понекогаш на детето не му треба уште еден совет, му треба само неколку минути да застане, да здивне, да се поврзе повторно со себе.

Детските медитации со #Благодарам се создадени токму за тие мали моменти.

#Деница е медитација за добро утро.

#Мирка е медитација за свесна пауза, кога детето ќе почувствува силни емоции или едноставно ќе има потреба да застане.

#Сонка е медитација за мирен крај на денот.

Сите три медитации се збогатени со негување на ставот #Благодарам, за благодарноста полека да стане природен дел од детското секојдневие.

Дознај повеќе, на следниот линк.

Ако сакаш да ја вклучиш и детската перспектива...

Најлесно ги учиме децата преку она што секојдневно го живееме. Токму затоа, откако ќе го поминеш 10-дневниот предизвик за големи, можеш да ја поканиш и детската перспектива.

30-дневниот предизвик за деца содржи по една мала идеја за секој ден од месецот, која ќе ви помогне заедно да ја негувате благодарноста како животна вештина.

Не е важно дали ќе ги направите сите 30 активности, важно е да создадете моменти во кои благодарноста ќе стане природен дел од вашето секојдневие.

Предизвикот за големи беше почеток. Овој предизвик е покана благодарноста да продолжи да расте и дома, заедно со децата.

линк за симнување

Продолжи да истражуваш, ова не е сè... 💛

Не се сите алатки претставени овде.

Во светот #Благодарам постојат уште многу идеи, игри, активности и работни материјали кои можеш да ги истражуваш со свое темпо. Некои се достапни бесплатно, некои можеш да ги најдеш на веб-страницата, а многу од нив се дел од библиотеката на #КЛУБзаРодители, каде продолжуваме да ја развиваме благодарноста како животна вештина.

Ако светот #Благодарам ти се допадна и сакаш ова да не остане само еднократно искуство, тогаш #КЛУБзаРодители е местото каде патувањето продолжува.

Секој месец заедно развиваме животни вештини што им помагаат на децата и возрасните да живеат посвесно, похрабро и посреќно. Во Клубот често велиме дека зад секое однесување што сакаме да го видиме кај нашите деца, најпрво стои нешто што треба да го развиеме кај себе. Затоа и пристапот во Клубот започнува од родителот.

Со текот на годините, овие принципи ги преточив во една едноставна рамка за родителување, која нè потсетува што сакаме свесно да градиме додека растеме заедно со нашите деца. Таа не е создадена за да станеме совршени родители, туку да ни помогне почесто да застанеме, да размислиме и посвесно да ги носиме родителските избори. Симболично, и таа го носи акронимот #БЛАГОДАРАМ.

Б - Баланс меѓу љубов и дисциплина
Л - Лична слобода со поддршка
А - Акцент на развивање на ставот #КакоМОЖЕ
Г - Градење независност
О - Отворена комуникација
Д - Делегирање задачи
А - Автономија со насоки
Р - Рефлексија и учење од искуствата
А - Активно учество во нивниот свет
М - Менторство и coaching наместо контрола

Ова е само една од рамките и алатките што ги користиме во #КЛУБзаРодители. Ако го препознаваш овој пристап, ќе ми биде драго да продолжиме да растеме заедно.

Дознај повеќе за #КЛУБзаРодители, на следниот линк.

Ако сакаш да навлезеш подлабоко...

Ако сакаш подлабоко да ја разбереш методологијата #Благодарам, достапна е и обуката #Благодарам како животна вештина.

Оваа тема е дел од #КЛУБзаРодители, но обуката е достапна и самостојно за сите кои сакаат подобро да ја разберат и применат благодарноста како животна вештина.

Во неа зборуваме за благодарноста, научните сознанија, принципите на методологијата и практичните начини на кои благодарноста може да стане дел од секојдневниот живот.

Ако сакаш да дознаеш повеќе или да се вклучиш во обуката, слободно пиши ми. Ќе ми биде драго да споделам повеќе информации.

За крај...

Ти благодарам што прошета низ светот #Благодарам.

Се надевам дека барем една идеја, едно прашање или една алатка ќе најде место во твоето секојдневие. Не е важно од каде ќе започнеш, важно е да започнеш. Благодарноста не е дестинација, таа е начин на кој полека учиме да го живееме секој ден.

Сподели ја приказната

Сакам да ти кажам едно големо #Благодарам што се вклучи во овој предизвик, што си подари време на себеси да направиш свое искуство и да ја поканиш благодарноста во својот живот.

Пред да продолжиш понатаму те поканувам да застанеш за момент и да си кажеш едно искрено #Благодарам.

• Благодарам што започнав.

• Благодарам што не се откажав.

• Благодарам што си дозволив да пробам нешто ново.

• ...

Премногу често го забележуваме само она што не сме направиле, а забораваме да си оддадеме признание за чекорите што веќе сме ги направиле, токму тие мали чекори создаваат големи промени.

Исто така пред да го затвориш овој предизвик сакам да те поканувам да си поставиш и неколку прашања:

• Која идеја најмногу ми остана во мислите?

• Која вежба најмногу ми помогна?

• Што научив за себе?

• Што сакам да продолжам да практикувам и по денешниот ден?

Не мора да има големи одговори, понекогаш една мала промена е доволна за да го промени правецот по кој ќе продолжиме.

Сакам да ти оставам и еден мал потсетник – секогаш кога ќе почувствуваш дека повторно брзаш низ животот и забораваш да ги забележуваш малите нешта, врати му се на акронимот #Благодарам.

Б – Благодарност секој ден

Л – Личен раст

А – Афирмации на успехот и лекциите

Г – Грижа за другите

О – Оптимизам во тешките моменти

Д – Доверба во процесот

А – Акција со ентузијазам и игривост

Р – Радост за малите нешта

А – Автентичност

М – Мотивација да продолжиш да светиш и осветлуваш.

Патувањето може да продолжи и по овие десет дена, ако во тебе се разбуди желба да продолжиш да ја развиваш благодарноста како животна вештина. Можеби ќе посакаш да продолжиш преку некоја од алатките од методологијата #Благодарам:

• Семејната книга #Благодарам – за заеднички разговори, размислувања и создавање семејни спомени.

• 50+ идеи #Благодарам – практични идеи, игри и ритуали со кои благодарноста полека станува дел од секојдневието.

• Играта #Благодарам – за семејни разговори и учење преку игра.

• Картичките #Благодарам – за забавна гејмификација.

• Карти и коцка #Благодарам – да ја направиме #Благодарам забавна преку игра.

• Медитациите со благодарност – за моменти кога сакаш да забавиш и да се поврзеш со себе и со своето семејство.

• Доколку сакаш подлабоко да ја истражиш темата, тука е и обуката #Благодарам како животна вештина.

• А ако сакаш ова да стане дел од твоето секојдневие, ќе ми биде драго да ни се придружиш во #КЛУБзаРодители, каде секој месец заедно развиваме животни вештини што им помагаат на децата и возрасните да живеат посвесно, похрабро и посреќно.

Во Клубот често велиме дека зад секое однесување што сакаме да го видиме кај нашите деца, најпрво стои нешто што треба да го развиеме кај себе. Затоа и пристапот во Клубот започнува од родителот.

Во Клубот го користиме уште еден акроним #Благодарам како рамка на методологијата за тоа како да родителуваме и каков возрасен да бидеме.

Б – Баланс меѓу љубов и дисциплина

Л – Лична слобода со поддршка

А – Акцент на развивање на ставот #КакоМОЖЕ

Г – Градење независност

О – Отворена комуникација

Д – Делегирање задачи

А – Автономија со насоки

Р – Рефлексија и учење од искуствата

А – Активно учество во нивниот свет

М – Менторство и coaching наместо контрола

Ако го препознаваш овој пат и сакаш да продолжиш, ќе ми биде навистина драго да се сретнеме повторно – во Клубот, на обука или на некоја следна заедничка авантура.

И да, ова не е крај на предизвикот, ова е почеток на една нова навика.

Се надевам дека благодарноста повеќе нема да биде само збор што ќе го кажеш од време на време. Се надевам дека ќе стане животна вештина која ќе ја препознаваш, ќе ја вежбаш и ќе ја живееш секој ден.

Доколку ти се допадна предизвикот и мислиш дека на некој ќе му биде исто така корисен, сподели ја идејата и покани уште некого да ни се придружи.

Да ја шириме магијата на #Благодарам заедно.

Од 💛 им се радувам на сите ваши искуства, пораки и прашања. Затоа немој да се стегаш – пиши ми. Ако не ти одговорам, тоа најверојатно значи дека пораката не стигнала до мене. Пиши ми повторно. 💛

До следното читање ти посакувам многу лични (и свесни) избори.

Благодарам од 💛,

Ана

Сподели ја приказната

Јеее ден 10, #Благодарам што си уште тука. Те охрабрувам и себеси да си кажеш #Благодарам што се вклучи во овој Предизвик, на ова патување, кое се надевам дека и кај тебе ќе трае многу години и ќе ти донесе многу благодети исто како на мене.

Денес...

МОЖАМ да кажам #Благодарам на...

Се случува понекогаш да добијам подароци (насмевка, убав збор, охрабрување...) од луѓето околу мене, а во моментот да не ги препознаам како такви. Можеби сум премногу зафатена, уморна, или... едноставно не сум била свесна за нивното значење во тој момент. Постојат многу моменти за кои вредело да кажам #Благодарам, а кои сум ги испуштила. Како е состојбата кај тебе? Дали некогаш си размислувал/а за тоа дека некому си сакал/а да кажеш благодарам, а не си го направил/а тоа.

Што ме спречува да му/и кажам денес #Благодарам на таа личност?

Можеби чувствувам дека е малку несоодветно да му/и се јавам и да кажам #Благодарам, и ако е така ништо не ме спречува да застанам и да го направам тоа сама со себе, дали во себе, дали на глас, дали на хартија или...

Денес сакам да те повикам на размислиш на кого Можеш да му/и кажеш #Благодарам. Кој е тој/таа на кој/а не си му/и дал/а доволно признание или не си ја искажал/а благодарноста што ја чувствуваш кон него/неа, кој/а би бил/а тоа?

Што ти значи таа личност?

Што си научил/а од неа/него?

Што мислиш дека тој/таа гледа во тебе?

И ако е тука, што би му/ѝ кажал/а?

Можеби некоја личност на која сакаш да и кажеш #Благодарам да не е денес повеќе со нас, нека не те спречува тоа.

Или можеби ќе бидеш храбар/а и ќе почнеш предизвик во предизвик па секој ден ќе пишуваш на една личност на која си сакал/а да и кажеш #Благодарам а не си го направил/а тоа и ќе пишуваш се додека не го исцрпиш списокот. Притоа овие благодарности ако не си спремен/а да ги споделиш со луѓето на кои им кажуваш #Благодарам и тоа е ОК, може да останат во твојот дневник и да чекаат некое друго време во кое истото ќе го кажеш и гласно. Да одиме сите со темпото и чекорот кој е најдобар за нас.

Се читаме! Да има БОНУС 😊

Благодарам од 💛

Coaching сесии

Сакаш да те поддржам на патувањето биди слоден/а да ме побараш.

Сподели ја приказната

Ќе споделам со тебе еден наш семеен ритуал ААА камче срце. Елена мојата ќерка (еден од главните ликови во книгата #Благодарам) почна да ги наоѓа насекаде, ги броев до 200 па престанав. По некое време почнав и јас, син ми Огнен (другиот главен ликови во книгата #Благодарам) и мојот сопруг да ги гледаме и пронаоѓаме околу нас. Овие камчиња ги даруваме, често се дел и од моите работилници, па со дечињата изработуваме Камче на Благодарноста.

Може да биде камче но може да биде било кој друг физички објект кој кога ќе го видиш ќе те потсети да искажеш благодарност, секогаш кога ќе го видиш/допреш.

Јас камчиња срце имам насекаде во домот, на работното биро, во тоалет, на секоја полица, пред секоја слика во библиотеката, во ташна, во паричникот...

Што ќе биде твојот физички објект кој ќе те потсетува да бидеш благодаран кога ќе го видиш/допреш.

Ако сакаш камче срце, пиши ми, ќе бидеме супер среќни да ти подариме.

Ова е моето омилено, камче срце со срце на него.

Се читаме утре!

Благодарам од 💛

Сподели ја приказната

Пред самиот крај или на самиот почеток, зависи што имаме во фокус креирајте свој РИТУАЛ за негување на ставот #Благодарам.

Инспирација за идеи за осмислување на твојот ритуал може да видиш од понудените идеи во книга 50+ идеи #Благодарам, или од семејната книга #Благодарам или на интернет или да направиш некоја твоја креација/комбинација/инспирација.

Тестирај го ритуалот и баждари го сѐ до моментот додека не ја добиеш верзијата во која најмногу уживаш.

Од 💛 сум благодарна ако одлучиш да го споделиш со мене, а уште повеќе ако ми дадеш и дозвола да го споделам и со други луѓе (секако може и анонимно). Твојот РИТУАЛ за негување на ставот #Благодарам верувам дека ќе биде инспирација и поттикнување за другите.

Може да го поканиш партнерот/партнерката или целото семејство за заедно да креирате Семеен РИТУАЛ на негување на ставот #Благодарам, кој се надевам дека ќе прерасне и во семејна традиција којашто ќе се шири и негува и од твоите пра-пра-пра-пра-пра-правнуци. Да им оставиме нешто по што можат да нѐ спомнуваат и со што можеме да бидеме тука и кога нема да бидеме тука.

БОНУС: Ритуал за негување на ставот #Благодарам може да се креира и во секоја училница/занимална/тим/компанија.

Се читаме утре!

Благодарам од 💛

Сподели ја приказната

Можеби не си човек кој сака да пишува со пенкало и вчерашниот предлог да водиш Дневник на Благодарност не резонираше со тебе.

Денешната идеја за негување на ставот #Благодарам е да прочепкаш во морето на разно разни апликации, пронајди АПЛИКАЦИЈА којашто може да те поддржи во негување на благодарноста, има навистина многу. Можеби таа апликација ќе стане и една од твоите омилени.

А можеби и сакаш да пишуваш во Дневник, но ете не секогаш го имаш твојот Дневник за благодарност со тебе, па апликацијата секако може да биде одличен одговор.

Ако сеуште си во замката дека немаш време за искажување на благодарност може да отидеш во делот Digital Wellbeing на твојот телефон и да видиш каква е статистика за тоа колку време поминуваш на телефон, попрецизно на социјалните медиуми па од таму земи си 15 минути (ако не си на социјални медиуми или мудро ги користиш кажи си благодарам на себе си тоа е одлична одлука) и со која апликација најмногу се дружиш.

Мои омилени апликации се Kindle, Spotify & MindValley, кои се твоите?

Јас затоа што сум човек кој сака пенкало и хартија никако да најдам време и да ги истражам постоечките апликации, на телефонот ја имам Three good things (затоа што не собира меил адреси и податоци) мене оваа апликација ми е ОК иако ретко ја користам затоа што повеќе уживам на хартија.

Така да би била баш благодарна ако некој сподели некоја добра апликација која би можела да ја внесам како препорака за оние кои сакаат да искажуваат благодарност со помош на технологијата.

Се читаме утре!

Благодарам од 💛

Сподели ја приказната

Дневник на Благодарност, можеби до сега посака да имаш и ти дневник за благодарност во кој ќе ги бележиш работите кои го грејат твоето срце, увидите од претходниот ден или...

Мене водењето на дневник ми помогна да ја изградам и зацврстам навиката за искажување на благодарност. БОНУС е тоа што можам да се нурнам во дневникот секогаш кога „врне и дува“ во мојот живот, тогаш дневникот ми е топлиот чај кој ме топли од „врнежливото и ветровито“ време.

Земи ја тетратката/тефтерот кој го чуваш затоа што многу ти се допаѓа, но никако да почнеш да го користиш за нешто или пак оди до некоја убава и голема книжарница и види кој тефтер/тетратка ќе те повика (мене ми зборуваат тетратките/тефтерите кога избирам дневник за благодарност, ќе видиш дали и тебе некој можеби ќе ти прозборе).

Избери време во денот, наутро штом ќе станеш или навечер пред легнување (или било кое друго време во денот, науката овие ги препорачува) и напиши најмалку 3 работи за кои си благодарен/на, важно е да ја почувствуваш благодарноста за нив, не да се напишат како да се пополнува чек листа. На почетокот може и нема да ти текнат 3 работи за кои си бил/а благодарен/на тој ден, но како минува времето ќе има многу повеќе од 3 тоа секако знам дека беше точно и за мене, а и за многу мои клиенти со кои работам coaching 1 на 1.

Кога мозокот знае дека треба да напише нешто во дневникот на благодарност наутро или навечер, ќе почне да ги забележува и помни работите за кои е благодарен. А сигурно знаеш дека среќата во голем дел зависи од тоа на што се става фокусот, а тоа може да се навежба.

Благодарноста е моќна алатка која може да ви донесе поголема радост, мир и свесност за убавината околу вас.

Да не заборавиме дека развивањето на ставот #Благодарам е процес кој се развива со време, исто како што преку ноќ не научивме ниту една друга вештина. Колку повеќе го наоштриш фокусот на позитивното, толку повеќе убавина ќе најдеш во твојот живот.

Се читаме утре!

Благодарам од 💛

Семејната книга #Благодарам

Ако ти се допадна идејата за водење дневник на благодарност, можеби ќе посакаш во ова патување да го вклучиш и целото семејство.

Токму од таа желба се роди семејната книга #Благодарам.

Секој ден во книгата носи различна тема, различно прашање и нова покана за разговор. Со секоја нова страница книгата полека се исполнува со вашите мисли, детски одговори, смеа, мали победи и работите што ви биле важни токму во тој период од животот.

Со текот на времето таа станува многу повеќе од книга. Еден ден ќе ја отворите повторно и ќе се изненадите колку многу љубов, смеа и живот собираат неколку испишани страници.

А можеби, додека го читаш ова, веќе ти текна на едно семејство на кое би сакал/а да му подариш токму таков спомен.

Сподели ја приказната

Сте размислувале ли да зачините/споите некоја не толку забавна активност со благодарноста и да ја однесете на следно ниво?

Храбар предлог е да почнеш да Организираш/Средуваш/Чистиш со Благодарност. Најголем дел од луѓето не уживаат во организирање/средување/чистење на кујната, тоалетот, спалната, летните алишта...

Денес онашто треба да го организираш/средиш/чистиш во домот (или во…) зачини го со искажување на благодарност, на пример: го местам креветот и искажувам благодарност затоа што имам кревет, имам покрив над главата, имам душек и чист чаршав. Тоа може да го правиш на глас или во себе, за сѐ што ќе организираш/средуваш/чистиш денес. Сигурно ќе произлезат и некои креативни и интересни благодарности кои ќе посакаш да ги споделиш, за што сум благодарна од 💛.

Доколку организирајќи/средувајќи/чистејќи дојдеш до нешто за што не можеш да се сетиш зошто си благодарен/на, запрашај се на кого може да му го подариш, а би бил/а благодарен/на да го има тоа.

Ако баш и не ти текнува за што би можел/а да бидеш благодарен/на кога ќе влезете во WC, можеш да пробаш за момент да го замислиш животот без тоалетна хартија, одвод, WC-шолја, чешма за миење на рацете, еее сега веќе списокот за што сѐ можете да бидете благодарни е долг:

• Благодарам на тој/таа што ја измислил/а, тој/таа што ја произвел/а, тој/таа што ја донел/а до продавницата, тој/таа што ја донел/а до дома, тој/таа што ставил/а нова ролна...

• Благодарам на тој/таа што се сетил/а на идејата за канализација, на сите што учествувале во нејзино изведување, на сите што ја одржуваат, на сите комшии коишто не фрлаат влажни марамици...

• ...

Се читаме во понеделник!

Благодарам од 💛

Планер ЗА...

Не е дека не знаеш НО... така настана Планер ЗА...

Сподели ја приказната

Гејмификацијата (чист литературен македонски збор) е една „нова модерна“ техника која се состои од примена на игри како метод за учење со цел да се добијат подобри резултати. Иако на прв поглед изгледа како нешто ново, децата го прават ова отсекогаш. 😊 Но, за среќа, на нас ГОЛЕМИТЕ ни дава дозвола да се забавуваме повеќе 😊.

Можете да направиш дневна, неделна, месечна гејмификација со тоа што ќе се договориш сам/а со себе дека ќе си подариш нешто на себе си за одреден број направени промени на ИЗВИНИ во БЛАГОДАРАМ (1 ден од овој предизвик), или за секоја дополнителна причина за благодарност од ЛИСТ на 2 дела (2 ден од овој предизвик) или пак денешната ПРОШЕТКА да има повеќе искажани благодарности од претходната прошетка #Благодарам или...

Ако сум главен лик во некоја игрица дали моќта што ја имам ќе ја користам против себе? НЕ, ако сум лик во игрица знам како треба да играм. Не знам дали ти забележуваш, но јас забележувам дека некогаш некои луѓе (во нив и јас влегувам, за среќа се поретно) чекичот/струјата/огинот/или некоја друга моќ што ја имаат во игрицата, ја користат да се удрат себе си во глава и така повеќе пати. Ако е глупо тоа да го правиме во игрица, зошто некогаш си го правиме на себе си?

Дополнително ниво на себе обврзување за овој предизвик и/или за гејмификацијата можете да направите и со ЈАС Декларацијата 👇

Сите кои ќе сакаат играта да ја однесат на ново ниво може да го посетат мојот website www.AnaSaltirova.mk и да ги симнат картичките #Благодарам.

Се читаме утре!

Благодарам од 💛

Сподели ја приказната

А да одиме на Прошетка #Благодарам.

Прошетката како таква самата по себе е терапевтска и со многу бенефити, но кога е зачинета со благодарност тогаш се качуваме на следното ниво.

Можете сами, а можете и да си го поканите омиленото друштво. Прошетката може да биде на некое специјално или не толку специјално место кое кога ќе стане специјално откако ќе го воспримиш преку сите сетила.

Доколку шеташ сам/а целта е да набљудуваш/забележиш сѐ околу тебе, да ги забележиш сите бои, облици, звуци, мириси, сензации во телото (на пример: кога газиш на земјата) за кои си благодарен/на и да ја почувствуваш благодарноста во своето тело/срце.

Доколку шеташ со омиленото друштво можете да го правите истото со тоа што сите ќе го искажат на глас или пак да зборувате за што се сте благодарни или пак да изберете тема и на истата да зборувате за што сте благодарни или пак може ќе се роди некоја друга идеја на која доколку ја споделите со мене ќе ви бидам благодарна од 💛.

Се читаме утре!

Благодарам од 💛

П.С. Медитации со #Благодарам

Ако прошетката ја правиш со семејството и тоа е на некое мирно место дополнително може да ја поканите и #Деница, медитацијата со #Благодарам

Сподели ја приказната

Промена на перцепцијата со вежбата Лист на 2 дела

• земи еден лист и превиткај го на половина (дали хоризонтално или вертикално избери сам/а како повеќе ти се допаѓа)

• на левата страна напиши ги најголемите грешки/неуспеси кои си ги направил/а, кои си ги искусил/а

• на десната страна до секоја грешка/неуспех извади ги лекциите од нив како и ползата којашто запловила во твојот живот како резултат на таа таканаречена грешка/неуспех, зачинето со тоа што си научил/а од таа ситуација и каква личност си станал/а.

Доколку одвоиш време за оваа неверојатно едноставна и моќна вежба, ќе согледаш дека твојот живот нема да биде така богат и шарен без грешките од минатото. Бидете понежни кон самите себе и гледајте го животот онаков каков што е, патека за самооткривање, личен развој и доживотно учење.

Не помалку важно е тоа да бидеме светол пример којшто следната генерација ќе може да го следи.

Да размислуваме во духот #КакоМОЖЕ да пораснеме од грешките.

https://anasaltirova.mk/project/razviva%d1%9ae-na-stavot-kakomozhe-vo-korporativniot-svet/

Се читаме утре!

Благодарам од 💛

Сподели ја приказната

БЛАГОДАРАМ наместо ИЗВИНИ е една моќ(ж)на игра со зборови. Во НЛП (невролингвистичко програмирање, методологијата што ја проучува успешноста и која е основа на мојата работа), делот на лингвистиката за мене како љубител на зборот, игра значајна улога. Оваа моќ(ж)на игра со зборови покани ја во твоето секојдневие и најди каде сѐ може да кажеш БЛАГОДАРАМ наместо ИЗВИНИ.

Некои идеи за замена:

→ БЛАГОДАРАМ што ме почека Vs. ИЗВИНИ што доцнам.

→ БЛАГОДАРАМ за трпението/дополнителното објаснување. Vs. ИЗВИНИ, не те разбирам.

→ БЛАГОДАРАМ што ми ја придржи вратата. Vs. ИЗВИНИ за вратата.

→ БЛАГОДАРАМ _____________________. Vs. ИЗВИНИ _____________________.

БОНУС, кажи си #Благодарам доколку согледаш дека користиш многу негативни зборови и #Благодарам за спремноста да направиш промена.

Развивање на свесност за сопствениот говор и која приказна си ја кажуваме, прави голема разлика.

Се читаме утре!

Благодарам од 💛

Сподели ја приказната

Можеби имаме и повеќе од она што ни е потребно, а она што ни недостасува е СВЕСНОСТ и БЛАГОДАРНОСТ за истото.

Живееме во едно интересно време... за некого ова е најстресното и најтешкото време за живеење. НО, ако погледнеме малку пошироко, живееме во време во кое човештвото направило огромен напредок, многу болести кои бришеле цели градови веќе ги нема, многу од болестите кои биле смртоносни сега се лечат со лекови од домашната аптека, имаме повеќе знаење, повеќе технологии и повеќе можности отколку кога било претходно… мислам дека гледате во која насока сакам да ја поканам вашата мисла.

НО, исто така факт е дека луѓето генерално не се чувствуваат најдобро, која е причината нема да навлегуваме затоа што веројатно не е ни една, дополнително гледањето во вратата која нè не носи на место каде добро се чувствуваме нема да направи голема разлика.

Што велите да отвориме нова врата?

Што велите да одиме на едно 10 дневно патување низ една друга врата и да истражиме една друга можност.

Морам да бидам искрена во 2014 година јас ја отворив таа врата само за да докажам дека сигурно нема да ме однесе таму каде што ветува. Дали го изгубив патот за назад или уживам на тоа патување те поканувам да дојдеш и да видиш за себе.

Направи искуство!

Дај му време на семето кое ќе го посадиш да фати корен и да израсне и да даде плод, ако не ти се допаѓа наградата секогаш може да го искорнеш или да престанеш да го полеваш...

Овој 10 дневен предизвик беше креиран по повод мојата 10 годишнината во редовно секојдневно искажување на благодарност. Во изминатите години тој стигна до илјадници луѓе преку мејл, социјалните мрежи и моите содржини. Колкумина навистина ги поминале сите 10 дена не знам, но знам дека многумина ми пишуваа дека токму тие 10 дена им помогнале да почнат поинаку да го гледаат секојдневието.

Развивањето на менталниот мускул #Благодарам за мене ја направи најголемата разлика во мојата емотивна и ментална состојба, токму затоа оваа година предизвикот станува централен дел од Фестивалот #Благодарам.

Дали е случајност што и зборот БЛАГОДАРАМ има 10 букви? 💛

Сподели ја приказната

Дали некој ни кажал дека кога ќе пораснеме ќе треба сами на себе да си родителуваме?

• Ако ДА, каков разговор водиме сами со себе. Дали нашиот внатрешен разговор не инспирира или не иритира?

• Ако НЕ, каков разговор водиме сами со себе. Дали нашиот внатрешен разговор не иритира или не инспирира?

И можеби многу поважно кога ќе најдеме одговор на овие прашања, како од проблемите кои ќе испливаат да креираме проекти на кои страсно ќе работиме.

ПРОблеми - ПРОекти, како да бидеме ПРОфесионалец во улогата која што е многу значајна и која што може да ни донесе голема радост во животот - родителување и тоа како на нашите деца така не помалку важно и на нас самите.

Родителување, луѓето често ме коригираат кога ќе го кажам и да имаат право, не постои во македонскиот лексикон. Тоа е моја кованца која што ја користам кога сакам да кажам дека имаме одговорност сами кон себе за квалитетот на живот кој што го водиме. Кога бевме деца за нас се грижеа родителите/старателите и од позиција на најголема љубов од нивото на свесност на кое што биле влијаеле на тоа ние да бидеме тоа што сме денес. Но барем јас никако не мислев дека ќе треба да продолжам да си родителувам себе си доколку сакам да живеат среќен и успешен живот, секако согласно личните видувањата за истото. Не помислував дека независно што ми се јаде чоколада ќе си дадам себеси брокула, и покрај тоа што ми се спие сабајле ќе се поттикнам да станам во 05.30 да вежбам или независно што би отворила малку Facebook/Instagram ќе направам свесен избор книга. Овие избори за нас кога бевме деца ни помагаа или не потсетува да ги правиме родителите, сега кога сме доволно големи, одговорноста за истото треба да ја преземеме самите за себе т.е. да си родителуваме себе си за важните работи. Во спротивно несвесно можеме лесно да пристапиме кон лесните и достапни избори кои не секогаш се и добри. Парадоксот дека не секогаш лесното е добро ниту пак доброто е лесно, тука родителувањето си го наоѓа своето место. Во овој контекст мислам на родителување кое што не се води по принципите на 3-те „C“ споредување, жалење и критикување (compare, complain & criticize) туку од позиција на љубов, разбирање и поддршка. Некогаш имам чувство дека поради тоа што е чест пристапот на 3-те „C“ споредување, жалење и критикување станува стандард. Да не паднеме во замката дека доколку нешто е често да го помешаме со добро, да ги преиспитаме претпоставките од кои тргнуваме посебно кога станува збор за важни личности како што сме ние самите и нашите деца.

Она што сакам да остане со луѓето што ќе одвојат време да се запознаат со мојата работа и да растеме заедно се следните 3 клучни пораки:

1. Родителувајте си себеси, бидете си родителот што од секогаш сте сакале да го имате, со многу љубов, разбирање и поддршка.

2. Родителувајте им на вашите деца од позиција на многу љубов, разбирање и поддршка, бидете пример кој ќе бидете среќни доколку го следат, затоа што покрај сите работи кои ги обезбедуваме за нашите деца, топол дом, облека, храна, играчки, одмор… ние на дар им го даваме и нашиот став кон животот, што според мене е клучот кон (не)среќен живот.

3. Моето легаси (придонес) се моите деца. Дали сте помислиле на вашиот придонес на ваков начин? Сите луѓе кои со своето живеење оставиле белег на човештвото независно дали тоа е Мајка Тереза или Хитлер првично биле обликувани во своите семејства, голем дел од тоа што станеле директно влијание имало нивното прво гнездо - семејството. Од друга страна се наоѓаме во момент во кој нашата и генерацијата што доаѓа по нас ќе играат клучна улога за опстанокот на Земјата. Да ја поддржиме и поттикнеме новата генерација да биде барем за малку подобра од нас, посвесна од нас, да прави избори со повисоки цели кои вклучуваат добробит за сите страни vs. ситни интереси каде скриените трошоци кои се плаќаат се големи. Да си бидеме поддршка и пример за децата, а преку личен пример да ги учиме како проблемите се трансформираат во проекти на кои страсно се работи. Ние родителите љубиме да им кажуваме како треба, тие избираат да не гледаат и да го симнуваат моделот кој што им го покажуваме.

Тој/таа што сака да пее секогаш ќе најде песна, а тој/таа што не весла секогаш ќе најде време да го лула чамецот.

Ѕирни го и предизвикот за Родителување на мојата web страна во делот Бесплатни ресурси - Предизвици. Доколку ти се допадне овој начин на работа може да биде интересен и #КЛУБзаРодители https://subscribepage.io/LlDgai, туку се подржуваме, растеме, се инспирираме во родителувањето како на нашите најмили, така и на нас самите.

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната

Првата асоцијација на кактус најчесто се боцките. Логично, такви сме луѓето. Мозокот е дизајниран прво да ја забележи опасноста, да види што може да нѐ повреди, да нѐ предупреди. Но ако застанеме малку подолго и си дадеме време ќе ги забележиме и жолтите цветови.

Колку често истото го правиме и во животот. Кога ќе се соочиме со предизвик, конфликт, разочарување, грешка или загуба, многу лесно е целиот фокус да остане на боцките. На тоа што не е фер. На тоа што не оди според план. На тоа што сме изгубиле и тогаш природно доаѓа прашањето:

„Зошто јас?“ што не е лошо прашање, не е ни погрешно, всушност е многу човечко НО ретко нѐ носи напред. Затоа што колку повеќе остануваме во него, толку повеќе вниманието ни останува заглавено во проблемот. А вниманието е еден од клучните ресурси што ги имаме, токму затоа толку многу го сакам прашањето: #КакоМОЖЕ?

Не затоа што магично ги решава проблемите, не затоа што ги брише боцките, туку затоа што го пренасочува вниманието од „Зошто ми се случува ова?“ кон:

„Што можам да направам сега?“

„Што зависи од мене?“

„Кој е следниот чекор?“

„Како може да биде подобро?“

Различни прашања кои водат до различни одговори, и уште поголема е разликата во животот што постепено го создаваат тие одговори, тука во приказната влегува благодарноста.

За благодарноста има искривено сфаќање дека е нешто што го практикуваме кога ни е убаво. Некои дури велат дека благодарноста е ставање розови очила или игнорирање на проблемите. Или пак самоубедување дека сè е совршено. А всушност благодарноста е способност истовремено да ги видиме и боцките и цветовите, да признаеме дека нешто е тешко и во исто време да не заборавиме што сè уште имаме.

Токму затоа верувам дека благодарноста ни помага да го сплетеме сопственото #ВолшебноКИЛИМЧЕ, не од совршени денови, туку од мали моменти. Од убави разговори, од луѓе кои ни помогнале, од успеси, од падови од кои сме научиле нешто. Од сите оние спомени на кои можеме да се потпреме кога животот повторно ќе нѐ боцне.

Затоа што кога ќе дојдат тешки времиња, не живееме само од надеж, живееме и од среќните сеќавања кои се нашите внатрешни ресурси. Од приказните што си ги раскажуваме за себе. Од доказите дека сме поминале и низ други предизвици. Од спомените кои нѐ потсетуваат кои сме.

И можеби токму тука е најважната причина поради која треба да ги учиме децата на овој начин на размислување уште денес. Не затоа што детството треба да биде без проблеми, ниту затоа што можеме да ги заштитиме од секоја боцка. Не можеме. Но можеме да ги научиме како да одговорат кога ќе се појави „кактусот“ на патот. Можеме да ги научиме да се запрашаат #КакоМОЖЕ? наместо само „Зошто јас?“.

Можеме да ги научиме да ги забележуваат и цветовите, не само боцките. Можеме да ги научиме да ги собираат свои ресурси и свои среќни сеќавања, затоа што еден ден тие ќе влезат во светот на возрасните. Во свет на рокови, конфликти, одговорности, промени и неизвесност и тогаш нема да им биде потребно само знаење ќе им биде потребен начин на размислување.

А можеби, или само можеби... токму способноста да ги видат и боцките и цветовите ќе биде една од најважните животни вештини што ќе ги понесат со себе. 💛

А ако си помисливте „Добро, а #КакоМОЖЕ?“ 💛

Верувам дека животните вештини не се нешто за кое е доволно да читаме и да знаеме, тие се учат, вежбаат и живеат. И уште подлабоко верувам дека вештините што нам, ГОЛЕМИТЕ, ни се потребни на работа, се истите вештини што на децата им се потребни на игралиште. Затоа, ако по овој текст сакате да продолжиме заедно, можете да изберете што ви е потребно во моментов:

Сакам уште да истражувам – БЕСПЛАТНО
На овој Substack ве чекаат моите текстови, а на мојата страница бесплатни материјали, игри, картички, предизвици и првите 6 е-книги од серијата #КакоМОЖЕ да станеме и останеме среќни родители.

Сакам да применувам – САМОСТОЈНО
Моите книги, игри и карти се создадени токму за идеите за кои читате овде да не останат само идеи, туку да станат разговори, игри, мали чекори и семејни ритуали.

Сакам да растеме – ЗАЕДНО
Во #КЛУБзаРодители не бараме совршени родители. Учиме, пробуваме, разговараме и градиме животни вештини заедно со нашите деца. Вратите на Клубот ги отвораме двапати годишно – во мај и во ноември.

Имам нешто мое на кое сакам да работам – 1:1
Ако имате тема што веќе некое време ја вртите во глава, знаете дека сакате нешто да промените, но ви недостига јасност, поинаква перспектива или следниот чекор, можеме да работиме и индивидуално, низ 1:1 coaching.

Не мора да направите сè.
Изберете го она што ви е корисно СЕГА.

Впрочем, затоа и се вика #ЛиченИЗБОР. 💛

Сподели ја приказната