لما يصير العالم هادئ ويبدأ حديثك مع نفسك

العالم له قدره عجيبه يااما ينسيك كلشي او يعرضلك شريط ذكرياتك كامل بالوقت ذاته

الليل حيث تقل الضوضاء ويذهب النور ويخلد الجميع للنوم ، محد يبقى غيرك أنت وعقلك

تبدأ ذكرياتك تطلعلك شيء فشيء يعرضلك

ناس راحت : ناس كانت الكون ب أمته مابقى بس ذكراهم وصوت ضحكتهم اللي ماتفارقك

قرارات مصيريه : لحظات التردد ، النجاح ، الاخطاء اللي شكلت حاضرك اليوم

مشاعر مؤجله : تراكمات تجاهلتها فالنهار وطلعتلك زي الشبح فالليل

ليه الليل بالذات مرتبط بالذكريات

الشوق ، الحنين ، الندم ، الألم ... كلها فالليل

يميل الدماغ للاسترخاء فاللخظه المضلمه بالنسبه لعقلك لحضه لامعه وممتازه عشان يعرضلك خساراتك وشعورك

الليل مو مجرد ساعه نستناها عشان نشتاق

هي جسر يفصل بين ماضي تمنيته ماينتهي

وحاضر مانك قادر تتقبله ومجبور عليه

الليل اللحضه اللي ماتقدر تكذب فيها على نفسك ، تصير الذكريات هي مؤنسك الوحيد أو القاضي الشديد القسوة

تقدر تكتم كل ذا فالنهار وتتناساه وتضحك للناس وتبين أنك بخير ومافي احسن من وضعك

بس لما يجي الليل؟

مين يعرفك وانت مو بخير ؟

مين يعرفك وانت تحاول ماتفكر بالموضوع الي يكاد أن يقتلك من ألمه؟

مين ينسيك ذكرى كنت عايش عليها؟

مين قولي مين اللي يخليك تتعود تعيش بدون شخص هو كان لك كلشي ؟

محد

الجواب الوحيد اللي حتلقاه بعد كل ذا الالم

"خيره" ، "ماباليد حيله"

الليل مايعدي طويلل ماتقدر تهرب من ذكرياتك فيه

تتجنب فكره تطلعلك الاسوء

فالختام

هل يمكن للأنسان أن يتظاهر انه بخير وهو يكاد أن يُقتل من شد الوجد؟

شعور اللحضه اللي بديت فيها شي جديد؟

النشوه اللي تحس فيها وانت تتسوق لموقعك الجديد؟

او وأنت تختار الشعار للبراند حقك؟

او وأنت تطلب ادوات للنادي ومكملات وبروتين ؟

او لما تشتري شي كنت تحلم فيه؟

او لما تعرفت على شخص حسيته نصفك الثاني

وتتخيل نفسك بعد فتره من الزمن

شعور جداً حلو صح ٫ تحس انك ملكت الدنيا وأنك حصلت الشغف حقك ، وأن هذي اللحضه اللي بديت فيها الان بتغير حياتك للأبد

لكن خليني اسألك ،

وين البراند حقك؟

وين وصلت فالنادي؟

وين الشي اللي كنت تحلم فيه؟

وين الشخص اللي كنت تظنه نصفك الثاني؟

تحت السرير؟ فالمستودع؟ بعيد عنك؟

كم مره عشت الدوره هذي ؟

تبدأ متحمس وبعد اسبوعين تكسر ام الدنيا بس وبعدين؟

فجأه يجيك برود غريب ،تطفش ، وتبدأ تعطي نفسك اعذار

بأن البيئه هذي ماهي مناسبه مثلا؟

او السوق تعبان؟

او تبغى شي يستهويك اكثر؟

او حبيبك مو مناسب؟

وتقفل كلشي وتروح لبدايه جديده

" احنا اليوم في هذا الجيل محنا خايفين من الفشل ، احنا خايفين من الاستمرار ٫ احنا جيل مدمن على دوبامين البدايات وخايف من اللاشيء اللي جواتو "

ياهلافيك بعالمنا الحديث

العالم اللي علمنا أن قيمتنا فالانتاجيه

المشكله اننا ك جيل تشربنا هذي المعلومه بطريقه مشوهه

صرنا نربط بين الحركه ، والتقدم

نتظاهر ب اننا مشغولين نبدأ مشاريع ونسافر ونتعرف على ناس جدد , ف احنا ايش؟ قاعدين ننجز

تبدأ مشروع جديد .... اياً كان

عقلك يفرز كميات دوبامين هائله ليش؟

لانك فالبدايات

والبدايات مافيها محاسبه

فالبدايه انت رائد اعمال محتمل

انت رياضي محتمل

انت عاشق مافي زيه

انت لسا فمنطقة الأمان

مافي شخص زعلان منك ، مافي مشاكل فسلاسل الانتاج عندك

كلشيي مثالي

لأنو انت لسا " في خيالك"

التجهيزات للشي الي تبغاه هو امتع شي حتمر فيه ، لانه يعطيك شعور الانجاز بدون الم يذكر

لكن ، اللحضه اللي ينتهى فيها التأسيس ويبدا فيها الشغل الروتيني الممل

حتستوعب ان المتجر يحتاج خدمة عملاء

الحب يحتاجله وفاء والتزام

النادي يبيله التزام وتروح لو انك تعبان

وفي هذي اللحضه يبدأ التنازل ويبدأ الهروب

" الصدق يوجع لكن يحررك"

انا ليه نهرب من وظيفه لوظيفه؟

من مشروع لمشروع؟

من علاقه لعلاقه ؟

لاننا جيل مرعوب من فكرة الاستمرار

الاستمرار يعريك ، الاستمرار يكشف حجمك الحقيقي

طول ماانك فالبدايه تقدر تقنع نفسك واللي حواليك انك عبقري

بس انت ايش؟

لسا مااخذت فرصتك

لكن ... لما تلتزم في شي ، لما تدخل ف معمعة الالتزام والروتين

هنا بيبدأ التقييم الحقيقي لك

اذا استمريت وفشلت معناتو أنك فاشل

هذي بالضبط الفكره اللي ترعبك

عشان كذا انت قاعد تستبق الاحداث

تنسحب قبل ماتبدا اصلا

تقتل مشروعك بيدك وتغلفه بعذر انيقق

زي ايش؟ انه مو طموحك

انت مااكتشفت انه مو طموحك

انت هربت لانك شفت حجم الجهد المطلوب

توزن حجم الجهد وبعدين تكتشف " انك انسان عادي "

احنا جيل عنده فوبيا من فكرة انه يكون "عادي"

اشياء كثير وناس على السوشل ميديا اقنعتنا اننا ناس استثنائيين

وأن كلنا نقدر نكون مليونيريين قبل ماندخل الثانوي حتى

فلما يجي الواقع ويصفقك كف

ويقولك " عشان تنجح لازم تاكل تراب ولازم تشتغل سنوات بأشياء حتى لو تشوفها ممله"

كبريائك ببساطه مايتحمل

فتقوم تهرب لبدايه ثانيه ، تفتح صفحه جديده

لان الصفحه البيضاء داييم شكلها ؟ مريح

المشكله أن المرض هذا ماوقف على المشاريع فقط

صرنا نطبقه كمان على البشر

تنعرف على شخص جديد اووه

ولله نشوه ، حماس ، استكشافف

وبمجرد ماتاخذ هذه العلاقه منحنى جدي

لما الشخص الثاني يطلب منك الالتزام ، يبدأ يظهرلك عيوبه

تظغط زر الالغاء

تنسحب ، وتسمها " سلامه لذاتي"

"حمايه لسلامي الداخلي"

كذاب ، انت مو قاعد تحمي سلامك الداخلي

انت قاعد تحمي هشاشتك ، انت اجبن من أنك تتحمل مسؤولية شخص ثاني

انت تتعامل مع البشر ك " بضاعه "

تشتريهم عشان نشوة الشراء ولما تطفش منهم ، ترجعهم للمتجر

احنا عايشين ف اسهل حقبه بشريه ومع ذلك ،احنا جيل ضايع ، عوضنا غياب المعنى الحقيقي لكثرة البدايات

ابسط مثال احنا نلعب العاب ونضيع وقتنا عليها عشان نوصل مستويات عاليه

عالم افتراضي ياناس

طيب ليه ؟

لان العالم الافتراضي يعطيك زي ماانت تبا في خيالك

مجهودك فاللعبه = مستواك فيها

وندفع اشتراكات لذكاء اصطناعي عشان يفكر عننا ، يحلل عننا ، يجاوب عننا ، بس عشان نوفر الوقت

نوفر وقت عشان ايش؟

عشان ننسدح وقت اطول ؟ عشان نطلب اكل ف انصاف الليالي؟

" ادمان البدايات هو مخدر ، هو طريقه نخدع فيها انفسنا عشان مانواجه الحقيقه "

حقيقة اننا قاعدين نمشي فطريق ماحيودينا لأي مكان

نجمع فالبدايات هاذي ونراكم المشاريع ، علاقات مبتوره ومبهمه

وفالنهايه؟ المحصله . صفرر

المره الجايه ياصديقي لما تجيك فكره حتقلب حياتك ٣٦٠ درجه جرب توقف قدام المرايه

اسأل نفسك؟ هل انا مؤمن اني ب اقدر استمر فذا الشي ولا بس ابغى جرعة مخدر جديده عشان اهرب من فكرة أني انسان خايف ، فاضي ، ومرعوب من الأستمرار

الحياه عمرها ماكانت فالبدايه ، الحياه فخط الملل فالنص ولو ماقدرت تتعلم تعيش فذا الخط الممل

راح تقضي حياتك تركض نحو اللا شيء

بنتكلم اليوم عن رحلة الابتلاء للتطهير ٫ عن تجربه شخصيه وبعد حندمج الخيره

-

اتذكر اليوم ذا كنو امس

كان التعب فيه يتسلل لجسدي دون استئذان

ليله تايهه زي باقي الليالي

كان ليل ٫ ظلام ٫ وكنت اسمع اغاني

طلعلي مقطع بأحدى البرامج المختصر منه

"ماحنرتاح لين ننظف"

ماكانت مجرد كلمات ٫ كانت زي المرايه اللي طلعتلي حقيقتي بأكثر وقت كنت غافله فيه عن نفسي

بذي الثانيه ب اعمق نقطه بقلبي دعيت ربي أني ارجعلو وياخذ مني حتى ينقيني

مجرد كم كلمه بس كانت صادقه جداً طالعه من روح ماعاد في شي تخسرو ٫ كتله من التعب والبأس

ماكنت ادري أن الاجأبه ماحتجي على شكل راحه زي ماتخيلت ٫ كان زلزال لخبط حياتي

اقل من شهر بدت التنازلات على التوالي

فقدت الاشياء اللي كنت اظن أنها اركان لايُمكن أن تُهدم ماركزت لين لقيتني بالصفر

ماعندي ولا شي

غرقت فالظلام اكثر ٫ كان التعب يشتد ويطاردني ف كل ليله زي الشبح

مااستوعبت أنها بداية الاجابه ٫ وأن التطهير لايتم احياناً الا بقلع الجذور المريضه

لما بلغت ذروة التعب ٫ فقدت كلشي

انقفل كل باب بوجهي ٫ ماصرت اخاف أني اخسر شي هو ماعاد لي

فذي المنطقه الفاصله بين العدم واليقين

مارجعت لربي طمع عشان ارجّع اللي خسرته

او مصلحه عشان يحققلي امنيه سخيفه اظنها انا محور حياتي

-

رجعت لانها الحقيقه الوحيده اللي تعطي المعنى لحياتي ٫ رجعت لان ذي فطرتي ان انا مسلمه ٫ تبت رجعت مستسلمه بس ابي رضا ربي

هنا بتلقى الحكمه : الله يربيك عشان ينقيك

يربيك ب اعز ماتملكه ٫ ب اكثر الأشخاص قرب لقلبك ٫ مو حرماناً

لا ابداً بس عشان يقتلع الأسباب ويربطك بالمسبب

عشان يفرغ قلبك من شواغله لتدرك ان مافي حد ينفعك الا هو ٫ وأن حبيب اليوم هو نفسه وجع الباكر

حقق الله امنيتي بالتطهير والراحه

بس مو بالطريقه اللي رسمها خيالي ابداً

لكن بالطريقه اللي ربي سبحانو عرف انها حتنتهي فيني بالتوبه والنجاة

انك تتوكل على ربك وتسلم امورك لو مو كلمه وتنقال ٫ هو انك تسلم الخَلق للخالق بعد ماتتلاشى كل الحلول البشريه ٫ أي شي يوجعك فالظاهر يخفي بداخله خيره انت ماتشوفها الا بعد ماتهدأ من المك

فوضو امركم لله مهما تأخرتو بالعوده

كان الله للمؤمنين وكيلاً ٫ مافي شي يدوم على حالو

انت صارلك شي ألمك ٫ فقدت اعز ناسك ٫ فقدت شي كنت تحبو

كلها خيره ٫ ليه ؟ لان ذا الشي كان يحمل شر انت جهلته بس الله كان يدري انه شر لك

ابتلاك عشان ترجعلو مو عشان تكتئب

كلشي يعدي مافي شي حيبقى على حالو

انت مابيدك شي بس انت بين يدين الله

فالختام حفظكم الله ورعاكم ٫ وأتمنى اني قدرت اوصل الفكره بشكل جيد

اليوم الموضوع يتحدث عن الصلاه

نتحدث عن عمود الدين ٫ عن اول شي يوسئل عنه العبد يوم الحساب ٫ الصله اللي تكلم فيها ربك ٫ عن ثاني ركن من اركان الاسلام

قال الرسول محمد ص :

العهد الذي بيننا وبينهم “ الصلاه” فمن تركها فقد كفر

ايش معناتو الكلام ذا؟

الفرق بينك وبين الكافر تخيل انه بس الصلاه معناته

انت ماتصلي= حالك حال الكافر

بخش على طول

يوم تجازى كل نفس بما عملت ويجي دورك انت يابشر

انت واحد تصوم ٫ تقرا قران ٫ تدفع صدقه ٫ مختم الدين

بس انك ايش؟ ماتصلي ٫ كل اللي تسويه يبطل لان الصلاه هي العمود الذي يستند عليه الدين وأول شي يسئل عنه العبد كما ذكرت

الصلاه فوق ماان فيها راحه للعبد وتقربه من ربه وتدخله الجنه انت اصلا ماحنتفع الا نفسك

الله الغني عنك ترا بس انت مانفعت الا نفسك يوم صليت

الله جعل لك ٥ اوقات تتقرب فيها منو ٥ اوقات تريح قلبك الممتلي بالذنوب والهم والغم

وماتصلي؟ ايش عذرك يعني؟

يوم يسألك ربك ليه ماكنت تصلي وأن كنت معافى من اي مرض حياتك كانت حلم غيرك كنت فاضي ماعندك شي

ايش حتقول؟ كنت على جوالي؟ كنت متكاسل؟ كنت مالي خلق؟

كلذا ماحينفعك وقتها تتمنى ترجع بالزمن ولو ثانيه تسجد فيها لربك بس ماحتلقاها لان فات الاوان للاسف

(فويلٌ للذين هم عن صلاتهم ساهون )

تخيل عاد ان اللي يتهاون بس الله نزل فيه ايه كامله ف كيف للي اصلا مايصلي؟

انت فعليا ماعندك عذر يابشر

الان بتقول ان انا ولله ودي اصلي بس مااقدر في ثقل وفي شي يمنعني

تدري ليه؟ ذنوبك ياصديقي ايولله ذنوبك

استغفر ربك ٫ توب لله ٫ اترك كل ذنوبك خليها وراك ولاتلتفت

(من ترك شيئً لله عوضه خير منه)

ساعد نفسك عشان الله يساعدك لان هي مو مجرد دعوه تدعيها لربك وماتنجز شي ذا هراء

لما تدعي طبق حاول اجتهد انجز

في كثير ناس للاسف فالزمن ذا قاطعين للصلاه ومتهاونين فيها يحسبون انه شي عادي

ياويلكم من ربكم

توبو دام باب التوبه مفتوح والله غفور رحيم

فالنهايه

الاشياء اللي ساعدتني التزم :

اقرأو اية الكرسي بعد كل صلاه

لاتضغط على نفسك وتصلي القيام والضحى والنوافل لا حبه حبه لين تصير انت تبي تصلي مو تصلي عشانك تحس بالذنب

ادعي ربك وحاول قد ماتقدر

لاتفكر مرتين ٫ سمعت المؤذن؟ لاتفكر على طول قوم توضى

وخليك دايم متوضي وطاهر

اذكاء الصباح والمساء تقيكم من الجن والانس

بحفظ الرحمن رعاكم الله وحفظكم

تحطم قلبك يوم ورا الثاني بدون تحس

لما تنصدم بشخص بفعل معين توقعت ذا الشي من الكل الا هو

كان ملاك ٫ فلان غير ٫ حبيب قلبي

فجأه يلطشك على وجهك

تبقى واقف مكانك مو مستوعب

كيف؟ ليش؟ وش بدر مني انا؟

كثير تسأولات مابتلقالها جواب

ذا كان كلشي لي كان يحبني كان وكان

ليه سوا كذا؟

هنا بتصير معك صدمه عاطفيه

لانك مو قادر تستوعب اللي صار وليه صار

وليه من ذا الانسان ٫ ليه من الشخص الوحيد اللي حبه قلبي

بيكون كلشي زي الحلم ٫ ايامك بتكون زي بعض كلها رماديه

تتحطم في نار بداخلك تسوي كلشي عشان تطفيها بس ماتطفى

اولا : انت منت قادر تبقى بدون الشخص ذا بس مش حتقدر ترجعله بعد اللي سواه

ثانياً : ماتوقعت ذا الشي منه

ثالثاً : الصدمه اقوى من ان قلبك يستوعبها مره وحده ف يبدأ ينزل عليك حبه حبه

لين تتقبل الالم بالكامل

ويصير الألم هو حياتك

تبقى تراقب الشخص ذا من بعيد مكتوف الأيدي

في سببين :

- بالبدايه حتراقبه من شوقك له تبي تعرف اخباره تبي تتطمن بطريقه تجنبيه

- اما لو كنت ماتحبه وتراقبه انت تراقبه بس لانك تستنى تشوف شي يخفف المك شي يدل على ان هل ذا الشخص حزين زيي؟ هل هو ندمان على فعله ؟ هل يشتاقلي ؟ هل عايش طبيعي ؟

-

ذي فالبدايه بس تمر الايام والسنين والجرح يبرى ويتحول لدرس

انت ماحترجع زي ماكنت حترجع انسان ثاني

انضج ٫ حذر اكثر ، مدرك للامور اكثر

حتتعايش مع اللي صارلك فالنهايه

حيوجعك وحيوجعك وحيوجعك

بس بعدين؟ حتتقبل وماحتتوجع

يصير درس بحياتك

كل علاقه نتعلم منها ذي ٫ وهي ذي الحياه

لابد نمر بذي المواقف ٫ مو خطأ

بس الخطا انك تنزل اسلحتك من اول خيبه وتستسلم اللي يستسلم مايعيش

وكأنّ الكونَ صَمَتَ تماماً لكي أسمعَ صوتكِ

أميلُ نحوكِ ودمعي يملأُ عيني،

وكأنكِ تجرحينني بصمتكِ وكلامكِ

أميلُ نحوكِ حتى بعدَ جرحكِ،

كأني لا أنتمي لأحدٍ غيركِ

وتأبى الروحُ أن تسلو هواكِ،

كأنّ الشفاءَ رغمَ الجِراحِ بيدكِ.

لما تكون العلاقه سيئه يحصل شي غريب
العقل يتجاهل الاذى اللي تعرض له
ينشغل فقط ب انت يسترجع اللحضات السعيده
ينسى الدموع ٫ الخذلان ٫ البرود ٫ كيف كان يسحب عليك ومايداري مشاعرك
يتذكر بس المواقف اللي تريح الم قلبه

فالحقيقه انت ماتشتاقله هو
انت تشتاق للاحساس اللي كنت تحسه معه
تشتاق للذكريات والنسخه اللي كان عليها لما كان معك
نسخه تهتم لتفاصيلك ٫ تحبك بعيوبك قبل مزاياك ٫ توقف معك بالحلوه والمره ٫ موب النسخه اللي راحت وماسالت عنك وباعتك بثمن رخيص
مو ذا الشي اللي يبغى يشوفه قلبك
الشوق مايفهم المنطق ومايفرق بين الواقع والذكرى

شوق الموت
ذا اقسى شي ٫ لما تفقد شخص حبيته من قلبك حبيته بكل جوارحك شخص مااذاك كان سند لك بعد الله فجاه يروح
في فراغ يصير بالقلب محد حيقدر يمليه

تشتاق لصوته ٫ وجوده ٫ وحتى هواشاتكم الصغيره
تشتاق لكل لحضه جمعتكم لان تحبه بكل مافيه

البعض بيظن ان الجرح بيخف مع الايام
بس الجرح كل سنه بيتفاقم مابينسيك شي الذكرى
موجوده بس كل مده بيكبر المها

الشخص اللي يتركك ب ارادته بالطقاق يعوضه الزمن
بس اللي يموت مين يعوضه؟ بيبقى مكانه فارغ حتى لو الحياه مشت

كل اللي بحياتنا بيروحون بيوم
طولت علاقتكم؟ طيب كم
سنه؟ بيروح ٫ دهر ؟ بيروح ٫ قرن ؟ولله بيروح
لاتربكون سعادتكم بشخص زيكم الدنيا تتغير

الكل بالنهايه بيكون ذكرى لاتخلوه يتحكم بمشاعركم واسلوب حياتكم سواء بالفراق او غيره
الحياه ماحتوقف على حد انشغل لنفسك
اسعى لين توصل
بالنهايه حتحب وتنحب
وبتحصل حياه تناسبك
وأنَ لَيسَ لِلأِنسَانِ إلا مَاسَعى
اسعى = بتلقى