في فترة المراهقة، ممكن الحب يبان كأنه أجمل حاجة حصلت لنا

يعني حد بيفهمنا، بيسأل علينا، مستني رسايلنا، وبيخلينا نحس إننا مهمين ومحبوبين، بس ساعات اللي بنسميه حب بيكون في الحقيقة احتياج للاهتمام، أو خوف من الوحدة، ومع الوقت الإعجاب يتحول لتعلق، والتعلق لعلاقة صعب نخرج منها، و المشكلة إننا أغلبنا في سن لسه بنكتشف فيه نفسنا، فممكن مشاعر مؤقتة تتحول لقرارات تسيب أثر طويل، خصوصًا لما العلاقة تكون في السر ومن غير حدود واضحة.

الفرق بين الحب و الاعجاب

الإعجاب غالبًا بيكون انجذاب لشخص أو لصفة فيه، وممكن يختفي لما نعرفه أكتر، أما الحب فهو شعور أعمق بيكبر مع المعرفة والوقت والمسؤولية، و الإسلام عمره ما حَرَّم إننا نحس بالحب أو الإعجاب؛ لأن المشاعر نفسها مش دايمًا بإيدنا، لكنه حط حدود للي نعمله بالمشاعر دي، عشان كده ربنا قال:

وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا (32)

فالنهي مش عن إنك تحس، لكن عن إنك تمشي في الطريق اللي ممكن يوصلك للحرام، يعني مش كل حب لازم يتحول لعلاقة، ومش كل إعجاب محتاج اعتراف أو كلام عاطفي؛ ممكن تحب حد وتحترم شعورك، وفي نفس الوقت تختار متحوّلوش لعلاقة محرمة.

طب ليه ممكن نقع؟

ساعات بندخل العلاقات دي عشان بندور على حاجة تانية،مثلًا اهتمام ناقصنا، احتواء، هروب من الوحدة أو مشاكل البيت، فراغ، فضول، أو مجرد رغبة إننا نحس إننا مرغوبين، وساعات بتبدأ ببساطة لأننا محطيناش حدود من الأول،والحل مش إننا نقنع نفسنا إننا مش محتاجين الحب، لكن إننا نتعلم نلبي احتياجاتنا بطريقة صح؛ نبني صداقات حقيقية، ونقوي علاقتنا بأهلنا، ونملى وقتنا بأهداف وهوايات، و منخليش شخص واحد هو مصدر الأمان والسعادة الوحيد في حياتنا، و نحمي نفسنا من البداية بحدود واضحة، ومنشاركش أسرارنا أو صورنا الخاصة، ومنديش فرصة لعلاقة سرية إنها تكبر تحت جملة إحنا بس بنتكلم.

طب و لو وقعنا فعلًا

لو دخلنا علاقة محرمة، أول خطوة مش كره الذات،و لكن إننا نعترف إن الطريق غلط وناخد قرار حقيقي بالخروج، بمعنى إننا نوقف التواصل، ونقفل الأبواب اللي ممكن ترجعنا له، زي الstalking و شغل الجواسيس دا، أو إعادة قراءة الشاتات اللي بينكم، أو نسوي خوي و ندور على أي حجة للكلام،ولو الطرف التاني مصر على التواصل، منسيبش قرارنا للتفاوض؛ نوضح موقفنا مرة، وبعدها نقطع التواصل ونستخدم الحظر لو محتاجين،

ولو حاول يهددنا أو يبتزنا أو يستغل مشاعرنا عشان نرجع، نفتكر إن استمرار الغلط خوفًا من شخص مش هيحل المشكلة، فلازم نفضل عند موقفنا، و في نفس الوقت نرجع لربنا بتوبة صادقة، ونصلح اللي نقدر عليه، ونبدأ من جديد بدل ما نقنع نفسنا إن الغلط بقى جزء من شخصيتنا.(:

كله هيتحاسب

ممكن في البداية منشفش ضرر العلاقة، لكن مع الوقت ممكن نبدأ نخسر حاجات كتير، يعني مثلًا التعلق ممكن يأثر على الدراسة والتركيز والنوم والمزاج، ويخلّي تقديرنا لنفسنا متعلق برأي شخص تاني، دا غير إن العلاقات السرية ممكن تخلينا نكذب، نخبي الموبايل، نمسح المحادثات، ومع اكتشاف الأهل للموضوع ممكن نخسر ثقتهم ونضعف العلاقة اللي المفروض تكون مصدر أمان لينا،و نخرج من التجربة بخوف أو شك أو صعوبة في الثقة بالناس، و الأخطر من كل دا إن الاستمرار في الذنب ممكن يضعف علاقتنا بربنا تدريجيًا؛ الصلاة تتأخر، العبادة تقل، والإحساس بالذنب يتحول من دافع للتوبة إلى إحساس باليأس. وفي العلاقات الإلكترونية فيه خطر إضافي، شغل تسريب الصور والمحادثات، أو انتحال الشخصية، والابتزاز؛ عشان كده الشاشة مش معناها إننا في أمان خالص.

نعمل ايه لو حد ابتزنا

لو حد ابتزكم، متستجيبوش لمطالبه، ومتدفعوش فلوس، و متتحايلوش أو تبعتوا  حاجة جديدة؛ لأن الاستجابة ممكن تخليه يطلب أكتر، فاللي هيتعمل إنكم تحتفظوا بالأدلة، و خدوا لقطات للشاشات والرسائل والحسابات، وبعدها وقفوا التواصل قدر الإمكان، واحكوا فورًا لشخص بالغ موثوق يقدر يساعدكم، ولو احتاج الأمر اطلبوا مساعدة الجهات المختصة، و الأهم متلوموش نفسكم ومتواجهوش الموضوع لوحدكم، حتى لو أنتم غلطتم وبعتوا حاجة، ده مش بيدي أي حد الحق إنه يهددكم أو يستغلكم.!

فترة التعافي..ما بعد العلاقة

بعد ما نخرج منها ، ممكن يفضل جوانا تعلق أو ندم أو إحساس بالعار، وهنا لازم نفرق بين الندم اللي بيصلحنا وجلد الذات اللي بيهدمنا،يعني مش مطلوب إننا نمسح اللي حصل من ذاكرتنا، لكن نفهمه و نقول ليه دخلنا العلاقة؟

إيه اللي كنا بندور عليه؟

وإيه اللي محتاجين نغيره في نفسنا؟ و ندون أحاسيسنا دي كلها..

و نرجع نبني علاقتنا بربنا، ونستعيد حياتنا بعيدًا عن الطرف الثاني، ونتعلم نواجه الوحدة والاحتياج من غير ما نهرب لعلاقة جديدة،وممكن نحتاج وقت عشان التعلق يهدأ، وده طبيعي؛ المهم إن الحنين ميبقاش سبب إننا نرجع لنفس الباب.

ختامًا

هحب أقول إن الإنسان أضعف مما بيتخيل، وممكن يقع في ذنب كان طول عمره فاكر إنه مستحيل يعمله،عشان كده مينفعش نبص لحد وقع ونحكم عليه كأننا أحسن منه، وفي نفس الوقت مينفعش نستهين بالذنب ونقول إحنا هنقدر نوقف وقت ما نحب،

فننصح بعض بالخير، ونساعد اللي عايز يخرج بدل ما نحتقره أو نحكم عليه، لكن كمان منحطش نفسنا في تجربة الحرام ونراهن على قدرتنا إننا نوقفها بعدين.

فالمشاعر ممكن تيجي من غير استئذان، لكن الطريق اللي هناخده بعدها هو اختيارنا.

من بين ملايين البشر الذين عاشوا قبلنا، لا نعرف أسماء معظمهم، ولا نعرف ماذا قالوا أو ماذا حلموا به،لكننا نعرف جلجامش من بلاد الرافدين، وأوزيريس من مصر القديمة، وأوديسيوس من اليونان، وراما من الهند، وبيوولف من شمال أوروبا.

قصص وُلدت في أماكن وأزمنة مختلفة، بلغات مختلفة، وبين شعوب لم تكن تعرف بعضها أحيانًا،ومع ذلك، عبرت الحكايات آلاف السنين ووصلت إلينا.

فما الذي جعلها تنجو؟

ربما لأن الإنسان لم يكن يحكي القصة لمجرد التسلية، بل كان يحكيها ليحفظ شيئًا يخشى أن يُنسى، خوفًا عاشه، حبًا فقده، درسًا تعلَّمه، أو سؤالًا لم يجد له إجابة.

والإنسان بطبيعته لا يتذكر كل شيء بالتساوي، فنتذكر ما يخيفنا، وما يدهشنا، وما يجعلنا نشعر بشيء قوي، لذلك امتلأت أقدم الحكايات بالموت والحب والانتقام والخوف من المجهول؛ أشياء تغيّرت أشكالها، لكن الإنسان لم يتوقف عن الشعور بها.

وفي عالم لم تكن فيه الكتب متاحة للجميع، كانت الذاكرة هي المكتبة، فالحكاية التي يمكن حفظها وروايتها بسهولة، والتي تحمل صراعًا أو مفاجأة أو معنى، كانت تملك فرصة أكبر للنجاة.

لكن الحكاية لم تكن تعبر الزمن كما بدأت.

كل شخص يرويها يضيف إليها شيئًا، ويحذف شيئًا آخر،فيتغير اسم البطل، ويتبدل المكان، ويتغير شكل الوحش، لكن يبقى شيء في جوهرها كما هو، وكأن كل جيل لا يحفظ الحكاية فقط، بل يعيد كتابتها بطريقته.

ولهذا نجد أفكارًا تتكرر في أساطير حضارات متباعدة، فنجد طوفان عظيم في بلاد الرافدين، ورحلات إلى عالم الموت في مصر القديمة، وأبطال يتحدون الآلهة في اليونان، وقصص عن صراع الخير والشر في الهند، ومحاربين يواجهون مصيرهم المحتوم في الأساطير الإسكندنافية.

لم تكن هذه الحضارات تعيش الحكاية نفسها، لكن الإنسان كان يواجه الأسئلة نفسها:-

ماذا يوجد بعد الموت؟
لماذا نفقد من نحب؟
هل نستطيع الهروب من قدرنا؟
وماذا يوجد خلف المجهول؟

و قد تختفي الحضارة، وتنهار المدينة، ويُنسى اسم أول من روى الحكاية

لكن إذا وجد إنسانٌ بعد آلاف السنين نفسه فيها، فستبدأ الحكاية من جديد ،وربما لهذا لا تعيش بعض القصص لأنها الأهم،
بل تصبح مهمة لأنها استطاعت أن تعيش.(:

هل لاحظتم يومًا أن للمطر رائحة مميزة، حتى عندما يهطل على الأسفلت أو الأرصفة ولا يكون هناك طين أصلًا؟

المثير أن المطر نفسه لا رائحة له تقريبًا، وإنما يساعد سقوط قطراته على إطلاق جزيئات ومركّبات موجودة على الأسطح وفي البيئة المحيطة إلى الهواء، فعندما تصطدم قطرة المطر بسطح رطب أو مسامي، قد تتكوَّن فقاعات هواء دقيقة داخلها، ثم تنفجر حاملةً معها جزيئات صغيرة إلى الجو، فنبدأ في شم تلك الرائحة التي نربطها بالمطر.

ومن أشهر هذه المركّبات الجيوسمين، وهي مادة تنتجها كائنات دقيقة تعيش في التربة، وتتميز حاسة الشم لدينا بحساسية شديدة تجاهها؛ لذلك يمكننا إدراكها حتى بتركيزات ضئيلة جدًا.!

وهناك أيضًا مركّبات أخرى مصدرها النباتات والتربة والأسطح المختلفة، ولذلك لا تكون رائحة المطر واحدة في كل مكان؛ فقد تختلف رائحة الأرض المبتلة عن رائحة الشوارع والأسفلت، كما أن الهواء قبل العواصف قد يحمل روائح مختلفة نتيجة التغيرات الجوية.

أما لماذا نحبها؟

فربما لأن رائحة المطر لا تصل إلى أنوفنا وحدها، بل تصل إلى ذاكرتنا أيضًا؛ فقد ارتبطت عند كثير منا بالهدوء، والبرد، والبيوت الدافئة، وأيام الطفولة، وربما بإحساس قديم بالماء والحياة بعد فترات الجفاف.

لذلك حين تشعرون بالسعادة عند أول رائحة للمطر، فأنتم لا تشمُّون مجرد رائحة… بل تستقبل أدمغتكم مزيجًا من الكيمياء والذكريات والمشاعر. 🤍🌧️